58
Gode da Wadela:i Hamosu Dunuma Se Dabe Ima:ne Sia:ne Gadosu
Dilia ouligisu dunu da afae moloidafa fofada:su dawa:sala:?
Dilia da dunu huluane ilima defeledafa fofada:sala:?
Hame mabu! Dilia da wadela:i hou amola soge ganodini sesele fane legesu hou
amo fawane hamomusa: dawa:lala.
Wadela:i hamosu dunu da ilia esalusu ganodini wadela:i hou fawane hamonana.
Ilia da ilila: lalelegei eso amogainini ogogosu hou fawane hahamona mana.
4-5 Ilia da saya:be defo defele amoga nabai gala.
Ilia da saya:be hi gobele ge ga:be amo da ea ouligisu dunu
amola sema nabi dunu ea hamoma:ne sia:i hame naba,
amo defele, ilia da Gode Ea sia: hamedafa naba.
Gode! Ilia da nimi bagade laione wa:me agoai ba:sa.
Ilia bese guguma!
Ilia da hano yogo agoane asili hame ba:sa,
Amo defele, ilia amola da mini masunu da defea.
Ilia wadela:i gisi logo sa:ili, osa:gi agoai ba:ma:ma.
Ilia da gulu amo da hayoga ahoasea, eso gia:sea daeyabe,
amo defele agoane ba:mu da defea!
Ilia da mano bogoiwane lalelegele hayo hame ba:be
agoaiwane ba:mu da defea.
Ilia da hame dawa:igawane, wadela:i gisi damui agoai ba:mu.
Ilia da esaleawane, Gode da ougili ili fulabole fasimu.
10 Moloidafa dunu da wadela:i hamosu ilia se dabe labe ba:sea, hahawane ba:mu.
Ilia da wadela:i hamosu dunu ilia maga:me degele masunu.
11 Osobo bagade dunu da amane sia:mu,
“Dafawane! Gode da moloidafa dunuma noga:i bidi sagosa!
Dafawane! Osobo bagade fifi asi gala ilima fofada:ma:ne,
Godedafa da esala!”