130
Fidima:ne Sia:ne Gadosu
Hina Gode! Na da baligiliwane da:i dione heawini esalebeba:le,
Dima wele sia:sa!
Hina Gode! Na digini wele sia:be nabima! Na fidima:ne wele sia:be nabima!
Di da ninia wadela:i hou hamoi huluane dedene legei ganiaba,
ninia huluanedafa da se imunusa: fofada:la:loba.
Be Di da ninima gogolema:ne olofosu hamosa.
Amaiba:le, ninia Dia midadi nodone bebeda:iya lelumu da defea.
Na da Hina Gode Ea fidisu nama misa:ne hanaiwane ouesala.
Amola na da Ea sia: dafawaneyale dawa:sa.
Na da Hina Gode Ea fidisu ba:musa: hanaiba:le ouesalebe,
amo da sosodo aligisu dunu da hehebolo misa:ne hanaiba:le ouesalebe,
amo baligisa.
Isala:ili fi dunu! Hina Gode Ea hou dafawaneyale dawa:ma!
Bai Ea asigidafa hou da hamedafa fisisa.
E da eso huluane dili gaga:mu hanai gala.
* Ma:diu 1:21; Daidase 2:14E da Ea fi Isala:ili dunu, ilia wadela:i hou hamobe
amoga mae gugunufinisima:ne, ili gaga:mu.

*130:8: Ma:diu 1:21; Daidase 2:14