4
Segalaia da Esala Ba:su ganodini Gamali Bugisu Bai Ba:i
1 A:igele amo da musa: nama sia: dasu, da nama bu misini, na da golai dianabeyale dawa:le, na didilisi. 2 E da nama amane adole ba:i, “Dia da adi ba:sala:?”
Na da bu adole i, “Na da gamali bugisu ba:i gouliga hamoi amo ba:be. Gamali bai dabuagado da susuligi salima:ne fagoi gala. Amola gamali bugisu bai amoga da gamali fesuale gala. Amola gamali afae afae da wigi sogebi fesuale gala ba:sa. 3 *Wamolegei Sia: Olelesu 11:4Gamali bugisu bai la:idi la:idili da olife ifa lelebe ba:sa.”
4 Amalalu, na da a:igele dunuma adole ba:i, “Hina! Amo liligi ea bai da adi olelesala:?”
5 E da nama amane adole ba:i, “Di da amo hame dawa:bela:?”
Na bu adole i, “Hina! Na da hame dawa:!”
(Segalaia 4:10b asili Segalaia 4:14 da idisu dunu ilia bai noga:le dawa:ma:ne goeguda: dedei)
†Wamolegei Sia: Olelesu 5:6b A:igele dunu da nama amane sia:i, “Gamali fesuale da fedege agoane Hina Gode Ea si fesuale, amoga E da osobo bagade fifi asi gala huluane ba:lala.”
‡Wamolegei Sia: Olelesu 11:4Amalalu, na da ema adole ba:i, “Olife ifa aduna gamali bugisu bai la:idi la:idi lelebe amo elea bai da adila:? Amola olife amoda aduna amo da gouliga hamoi buni damagelei aduna amoga olife susuligi da amodili bubuga:sa, amo la:idi la:idi lela, amo elea bai da adila:?”
E da nama amane adole ba:i, “Di da amo hame dawa:bela:?”
Nabu adole i, “Hina! Na da hame dawa:.”
Amalalu, e da nama bu adole i, “Amo liligi aduna da fedege agoane dunu aduna amo Gode (E da osobo bagade huluanedafa amoga Hina Gode esala) E da Ea hawa: hamoma:ne, elama susuligi sogagala:le ilegele lai.”
Gode da Selababelema Ilegele Sia:i
6 §Esela 5:2A:igele dunu da nama amo Hina Gode Ea sia:ne iasu Selababelema sia:ma:ne sia:i, “Di da dadi gagui wa:i ilia gasaga o dia gasa, amoga hame hasalasimu. Be di da Na A:silibu amoga hasalasimu. 7 Di da ahoasea, dia logo ga:su liligi goumi bagade defele ba:mu. Be Na gasaga amo da alalolesimu. Di da Debolo diasu bu gagumu. Amola, amo dagosea, di da fa:nodafa igi ligisisia, dunu huluane da, ‘Noga:idafa! Noga:idafa!’ nodone sia:mu.”
8 Hina Gode da eno sia:ne iasu nama i. 9 E amane sia:i, “Selababele da Debolo bai fa:si dagoi. Amola e da Debolo diasu amo gaguli dagomu. Amo hou ba:sea, Na fi dunu da Na da di ilima asunasi, amo dawa:digimu. 10-14 **Wamolegei Sia: Olelesu 5:6Wali, hawa: hamosu da hame hehenaiba:le, ilia da da:i dioi. Be fa:no ilia da Selababele gebewane Debolo diasu gagulalebe ba:sea, ilia da hahawane ba:mu.”