1 Muri a longo meli na hunu a maki i nangi manga e huriki ala kupo hateka ri roro, ri ta maea,

4 Muri e huriki a nupesi ala ravulu rua a polona i va (24), turana maki mahuri ala va, ri tabuli puru na ngalane ria, ri kavurikea a Vure, ra i made na gula hariki, ri ta maea,

5 Muri a longoa a lohona viri tara na gula hariki i ta maea,

6 *Kap 14:2Muri a longoa a maki i nangi manga a lohona e huriki ala kupo hateka ri roro. I nangi manga a bokona dari i rere, a hini i kururu i pelaka. Ri gale tala, ri ta maea,

A varakia, ra mapana i dagi hateka, i manga a maka naro kamumu ne huriki a tara na Vure.

9 *Mat 22:2Muri a agelo i taki iau, i ta maea, “O here maea: E huriki a Vure i gale ria ri gi valai na habu na parangia na Tuna Sipsip, ri gi vivi.” Muri i taki iau, “A ngava nga, a ngava muholi na Vure.”

10 *Apo 10:25-26; Kap 22:8-9I ta mavonga, lakea a turume puru na vahana, ta ga kavurikea, pali i koi, i ta maea, “Naha ni rata mavonga! Iau tara a vora vona kunana manga ioe, manga e huriki e turamu, ra ri luhoi tora a ngava muholi ne Isu. O kavurike kunanea a Vure.”

A nitora ne huriki ri taki tala a nita propet, a ngava muholi ne Isu.

11 *Sng 96:13; Ais 11:4; Kap 1:5; 6:2Muri a masia a hunu, i mata ka. A masia hos keakea! A viri i rike vona ni gale a ‘Viri Muholi’, a ‘Viri i Rata Lobo a Leho ni Habi Vona.’ I pelekado e huriki na naro i malamala, i vakatubu a vabinga na naro i malamala. 12 *Dan 10:6; Kap 1:14; 2:17A matana i manga a huvina kanono. I kube na gina a tama hariki i kupo. Ni here na kulina a rana. A rana iea, i uka tara viri ge lohoka vona. Ia kikeri i lohoka vona. 13 *Ais 63:1-3; Ion 1:1,14I rodoa a varakia olaola, ni lutu na dara. A rana e Nitana Vure. 14 E huriki a nugumaheto na hunu ri rike na hos keakea, ri ramaia. Ria lobo ri rodo a varakia keakea karaba. 15 *Sng 2:9; Kap 1:16; 14:20A bainat i vere hateka i pagitala na ngavana. Ge ratapile e huriki i uka ma ria a Iuda, “ge matakari hateka ria, i manga a viri i matakari e huriki na lebo ni rata na aen.” Ge pahabebe e huriki na murina ni pahabebe na rongova na Vure i Tuhaka Hateka. 16 *Kap 17:14Ni here na varakia, na lebona a rana tara, ra i maea,

17 *Ese 39:17-20Muri a masia a agelo tara, i pesi langa na haro. I gale tala dagi, i taki a maka kadirovo ri bebe na hunu, i ta maea, “Mu valai, mu vapopo, mu davea a habu dagi na Vure. 18 Mu valai, mu kani a bobone huriki a hariki, e huriki a ubu, e huriki a bakovi hateka, a maka hos turana e huriki ri rike ne ria, a bobone huriki a vora, e huriki i uka ma ria a vora, e huriki a bakovi tavula, e huriki a bakovi dagi, e huriki a bakovi lobo.” 19 Muri a matai e Livoa turana e huriki a hariki na malala, turana maka tara ne ria, ri vapopo ta ri gi vaubi turana viri i made na hos keakea, a tara vona. 20 *Kap 13:12-17; 20:10Pali e Livoa ni lakavu turana nitamina propet vona, ra i rata muga a maka nivakasiri dagi na matane Livoa, i tami e huriki ri bole a kilakila ne Livoa, ri vasileki na hanuna. Rua varago ni voro puru mahuri na lovo na kanono, a viku. 21 Pali e huriki ranga, a bainat i pagitala na viri i rike na hos keakea i tolo mate ria, lakea a maka kadirovo ri valai, ri kani a bobone ria, ri maru.