1 Lahai ni haba Anelu edi Baꞌisa, Maikol, em dodoga tau bobodiyendi ya taumahata. Pilipili haba ya heyaya wananaha, habahim nuꞌu edi fuya fatubu, na ya laoma be aho. In moho salumadi hesadi Yaubada ya ulidi ena buka yai haba ya fofofahidi. 2 Salumadi haꞌa sa peꞌi haba sa mwahuli fuyo. Haisa haba sa mwahuli esegahidi na haisa haba sa taumayamaya esegahidi yo haba dodoga sa ꞌwaiyoꞌoꞌedi.*Aniyona hesa hinaga mate haba sa ankamkamna esegahidi ai nuꞌu alaꞌalana. 3 Salumadi sa sibasiba yo laulau dudulai yai, dodoga sa fatalahadi, haba sa sina doha maihala galewa yai na sa namanamali doha kipwala.