5
Wain Gabuna Wanana
Isaiya 5:1-7
1 Hola lili te ya wanai na au atahi,
Hidagu ena wain gabuna lilina.
Lilina doha ite:
Hidagu mate ena wain gabuna uduhuli mahumahulana yai.
2 Tanohina ya giyali na umeꞌehuna ya tanoi;
be wain loholohodi ya umahidi.
Aba itaꞌita wata lumana ya ginauli,
Wain uludi ena aba folofolodi galina laꞌilaꞌi sa pidi umeꞌehu yai.* Wain ululundi te sa bwaꞌibwaꞌinidi ee–, liꞌuna ya siu. Edi folofolo doha ite beyabeyana ya laoma ee–, aho ite, hige ti fatautau.
Habahim wain uludi edi fuya nanau ya bagiyen,
in moho nanaudi mate sa tabulu.
3 Yo fede hidagu iyen,
“Tau miya Yelusalem yai yo Diudeya yai,
egu gabu yo yau haga au fadosimai.
4 Nuwana hige somo laꞌi ya ginauli
egu gabu yai te?
Be logena uludi sa tabulu
na yau egu fanuha wa, higeꞌe.
5 Egu wain gabuna mate haba egu abiꞌabina doha ite;
be ya yabalu haba E anꞌoiꞌidi
yo ganaganana haba
E lopa fahi be suisui
adi banwawa yai ya fuyo.
6 Haba E ita afulen be hawa sa in,
na ibege ya gula yawasidi e ya samuidi.
Yada haba E lau biliyedi,
be ibege i usa ai hewadi.”
7 Wain gabuna
Hewa Wananaha Guyauna
ya umahi mate logena Isalaela Nuꞌuna
na wain mahinadi mate Diuda dodogadi
Ena fanuha bena loholoho sa ginaginauli.
In moho, ya itadi sa aiyunu.
Laulau dudulaidi ya fanuha bena sa ginaulidi.
In moho ya atahi sa tantan bena sidohana sagu sa lobahi. (Matiu 23:36)
*5:2 Wain ululundi te sa bwaꞌibwaꞌinidi ee–, liꞌuna ya siu. Edi folofolo doha ite beyabeyana ya laoma ee–, aho ite, hige ti fatautau.
†5:5 Gogola mate liba hesa tawa gana na edi aba faꞌobiyona mate gana hesa umeꞌehu yai sa katan mulina yai. Tono sa lau bono fataꞌiꞌili, ya famala gogola e gana. Sa inꞌin paꞌana tonodi mate oyagi idaꞌidahedi.