9
Fuya Matada yai haba In Kin
Isaiya 9:1-3, 6-7, 8-10
1 Hige gonowana edi edaꞌeda hesa haba ti gela, lahai heyaheyayadi yai te. Beyabeyana, Sebulun yo Nafatali Nuꞌudi, Yaubada ya fataumayamayadi. In moho, fuya matada yai haba nuꞌudi ya ita falaꞌidi, Gabogabo Laꞌilaꞌi yai ya lau bee–, Diyodan Hoꞌowana tefa saisaina yo Galili hinaga somo yai taꞌowawa edi aba miya.
2 Dodoga safaluma kamumu yai sa laulau,
mala laꞌilaꞌi sa ita.
Kamumu laꞌilaꞌi yai sa miyamiya.
In moho mala ya sina lisidi yai. (Matiu 4:15-16)
3 Guyau um wa fatadadadi,
yo edi kwade wa falaꞌidi;
be sa kwade matam yai
doha dodoga lau gabu fuyana yai sa kwade,
yo doha taumoho hiyala yai ginauli ya abidi na ya kwade.
Wawaya Haba ya Tubu
Isaiya Ch 9:6-7
6 Gwama kiukiu ya tubu ita eneheda.
Yaubada natuna ya feleda!
In ya famala eda Baꞌisa.
Yo hesana haba:
Tau Fafadudulai Loholohona,
Yaubada Tau Gigibwali,
Tamada Otaꞌota Esegahina,
Nuwatalu Baꞌisana.
7 Ena gigibwali hige ana siga,
nuwa talu haba ya ota esegahi.
Deiwidi ena nuꞌu haba ya ita watan,
be ya faꞌadidili.
Haba fuya ouꞌouli ya ita wata,
dudulai yai yo nuwa talu yai.
Guyau Tau Gigibwali haba ya fawananaha
bena ginauli mahudoꞌidi te sa tubu.
Yaubada ya Manabala Isalaela Lebedi yai
Isaiya 9:8-10
8 Guyau haꞌa Isalaela dodogadi ya liba fanuwatagudi, 9 be mahudoꞌidi sa sibai Efalaim yo Samaliya edi duhu balabalamumu hinaga sa sibai in moho sa nuwa saesae yo sa nuwa poꞌi. Be tiyen,
10 Biliki yo oyagi hesana sukamo yai luma sa eli hitinidi haꞌa sa guli, in moho ai haba E faꞌobiyodi ai umeꞌehu yo oyagi hesana sida yai.