11
Nuꞌu Loholohona
Isaiya 11:1-10
1 Kin Deiwidi hitina doha oyagi sa oi faguli. Na tuhutuhuna yai tutulina sa in hasa be kin fwaufwauna Deiwidi laulauwewena yai haba ya obiyo hasaema.
2 Guyau Yaluwana haba ya talu ai hewana,
In sonoga yo nuwatuhu lobahi Yaluwana,
yo liba fasibasiba yo gigibwali Yaluwana.
Sibasiba yo Guyau ꞌwasabuna Yaluwana,
3 Logena, haba Guyau ꞌwasabuna yai, amna loholoho ya lobahi.
Somo matana yai ya itadi e somo ya atahiyedi,
haba ibege i fakasadi.
4 Haba tau kuꞌu, laulau dudulai yai ya fakasadi,
yo gelogeloma dodogadi haba nuwatuhu loholoho yai enehedi ya fakasadi.
Ena liba yai haba dodoga sa panisidi,
yo haba dodoga heyaheyayadi
ya faꞌankamkamnadi, be sa peꞌi.
Yahafuwana yai haba tau heyaya ya wunuidi.
5 Laulau dudulai yo liba dudulai mate ana bwaꞌulu
6 ꞌWayoꞌwayowa yo sipi haba sa miya esega,
yo lepodi yo goti nanatudi haba sa eno gogo.
Bulumakau nanatudi yo laiyon nanatudi haba sa anban gogo.
na wawaya kiukiu haba suisui ni ya foyahidi.
7 Bulumakau yo beya haba sa anban esega,
na suisuidi afa nanatudi haba sa eno esega.
Laiyon haba hawahawa ya anidi doha bulumakau.
8 Doha wawaya kiukiu weso anꞌannalina
galina sadaina yai ya aiꞌaiheya,
yo wawaya hesa nimana ya tole lawen nohina yai.
9 Guyau ena Tuꞌa Saiyon Fafatabuna yai,
ibege heyaya e somo hesa i faꞌankamkamna.
Guyau ena sibasiba haba nuꞌu mahudoꞌina ya mohafu,
doha hoꞌowa gabogabo ya famohafu.
10 Fuyanna yai, haba Desi laulauwewena hesa ya mwaitoma, doha oyagi lamna yai inna ya tutulima. Ya famala doha fafaꞌilala, nuꞌudi haba sa faꞌoigogo lisina yai yo ena aba anyawasi nuꞌuna haba ya loholoho wananaha.