35
Tabuna Edaꞌedana
Isaiya 35:1-10
1 Nuꞌu pitapitalina yo tanohi fafahoꞌowa gesana haba sa kwade,
Nuꞌu laulau gesana haba ya kwade yo ya taya
doha mula hewadi tupodi.
2 Haba ya tahalasi be ya taya,
yo ya kwade be ya wana laꞌilaꞌi. Lebanon ena loholoho haba ya felen,
Kameli Tuꞌana yo Salon Gonna edi loholoho,
be Guyau ena namanamali
yo eda Yaubada didigana haba sa ita.
3 Nima belubeludi yo tuli tabutabubudi
ya faꞌadidilidi.
4 Dodoga nuwadi sa ꞌwasaꞌwasabu au falibadi, auwen,
“Au adidili. Tabu au ꞌwasabu!
Emi Yaubada haba ya laoma be ami hala ya abi,
yo ami waiyunu haba ya fakamkamnadi.”
5 Tau mata toutou haba matadi ya falaladi,
na tau beya tuitui haba beyadi sa taꞌafasi.
6 Haba tau dabidabi ya dago, doha diya Na tau libaliba gesa haba sa kwade. Hoꞌowa haba sa faipisapisalaidi nuꞌu pitapitalina yai.
7 Yo tanohi pitapitalina haba yomayoman sa famohafudi,
yo gelegele gigibwalina ya famala hoꞌowa kodona.
Somo yai ꞌwayoꞌwayowa edi aba miya,
haba tomwali hawahawadi, bagili yo papailusi ainiya sa in.
8 Ainiya haba edaꞌeda laꞌilaꞌi, hesana mate “Tabuna edaꞌedana.”
Tau heyaya ibege edaꞌedana ti lau watan;
salumadi sa laulau niya mate, edi edaꞌeda
yo ya une fahidi haba edana sa lau watan.
9 Laiyon ibege laꞌi ainiya;
Suisui anꞌannalidi ibege laꞌi i tau bayawa lau niya.
Salumadi Yaubada ya fofofahidi moho,
haba edaꞌedana sa lau watan.
10 Haba sa mahano ai Yelusalem ma wanadi.
Kwade hige ofina haba adi kokukoku.
Kwade yo nuwa amna haba ya tanuwagaidi,
nuwa heyaya yo amna heyaya sa failauwidi.