49
Guyau ena Tau Paisowa
Isaiya 49:3; 5-6
3 Guyau ya libama lebegu iyebom,
“Isalaela! Um egu tau paisowa.
Debam yai, dodoga haba sa faꞌatitiyegu.”
5 Hola hige tinagu i yosigu, Guyau Yaubada ya fasinabogu
Ya falasagu ena tau lau fayofayo be haba Isalaela dodogadi E aule fafuyoꞌidima,
Guyau ya faꞌatitiyegu
yo In egu adidili uluꞌulu gwagona.
6 Guyau ya falibagu iyen,
“Aee, egu tau paisowa,
Am paisowa haba E felem,
mate hige bena Isalaela dodogadi sa mwahuli ibodi moho u fafuyodima,
na haba wa famala mulimuli dodogadi edi mala hinaga,
be egu mwahuli otaꞌotafahina sa abi.”
Isalaela ena Loholoho
Isaiya 49:14-17
14 In moho Saiyon iyen,
“Guyau ya lau afulegu,
yo ya nuwa fuiyegu.
Yo fede alinana Guyau ya bui, iyen,
15 “Waihin natuna ya fafanom,
gonowana ya nuwa fuiyen e ya yosiyama ibege i gadosisiyen?
Wananaha, fuya hahaisa haba natuna ya nuwa fuiyen,
In moho, Yau ibege ya nuwa fuiyen!
16 “Yelusalem, ibege ya nuwa fuiyem,
paꞌana hesana haꞌa E uli nimagu yai.
17 “Aee Yelusalem! Nanatum ti fuyoma feula.
Saluma bena sa faheyayam, mate begana haba sa laoma.
Na salumadi sa faheyayam haba sa lau afulem.”