42
Guyau Ena Tau Paisowa
Isaiya 42:1-7
1 Itete egu tau paisowa, Yau E faꞌadidili,
yo E fasinabo, nuwagu ya loholoho lisina yai;
Yaluwagu haꞌa E tole lisina yai,
be dudulai haba ya leyama nuꞌu ouꞌouli.
2 In ibege i fatala bwasabwasa,
e i ꞌwalaꞌwalaꞌuwi o i yogayoga ai edaꞌeda. (Matiu 12:19)
3 Didiyali nobunobuna ibege i kampwai,* Aniyona mate, Guyau ena nuwatohatoha yai dodoga belubeludi lisidi yai ya itaꞌita wata komakomanidi.
o mala ya leꞌileꞌi ibege i fapeꞌi.† Te belubelu na Yesu ya faꞌadidilida
In moho dudulai haba ya leyama.
4 Ibege nuwana i belubelu yo paisowa i fatautau ana sigana ee–,
dudulai ya leyama tanoꞌubu mahudoꞌina yai,
yo dodoga bonabonaluwa yai hinaga ena lau faꞌata sa bagibagiyen.
5 Yaubada galewa, tanoꞌubu yo ginauli mahudoꞌidi ya ginaulidi na dodoga tanoꞌubu yai mwahuli yo yahafuwa ya feledi. Logena ya liba doha ite:
6 “Yau, Guyau, E yogaim, yo gigibwali E felem
bena E ita haba dudulai ya tubu ai tanoꞌubu.
Um ai debam haba yali E ginauli
dodoga mahudoꞌidi ai lebedi;
Yo um ai debam Yau haba mala E leyama ai nuꞌudi.
7 Dodoga mata toutoudi haba matadi wa falaladi.
Yo tau lau deli, kamumu yai sa miyamiya
haba wa soꞌe fahidi.”