4
Elifasi, Diyobi ya Fafaliba
Diyobi 4:1-8
1 Habahim Elifasi Tema dogana, Diyobi alinana ya bui iyen,
2 Ibe E libaliba haba wa manabalaꞌegu e higeꞌe?
Sai haba gonowana moꞌagu ya gudu?
3 E siba, dodoga boludi wa fatalahadi,
na megomegodi wa faꞌadidilidi.
4 Dodoga edi pilipili yai sa faꞌalu betibeti,
yo salumadi tulidi sa mwahu,
haꞌa nuwadi wa liba faꞌadidilidi.
5 In moho aho pilipili wa fafahoina.
Lisina yai mate nuwam ya belubelu;
ya oi tawaim, yo fede, haꞌai! Em adidili ya ofi.
6 Em kawa wananaha Yaubada lisina yai,
yo em laulau dudulai sa famala em sunuma.
7 Aho haga u nuwanuwatuhu!
Tau laulau dudulai sai laꞌi hige i peꞌi,
yo heyaya hige i fafahoinadi!*Doha, Elifasi ya anpate bena Diyobi ya bwalai. Te siba mate, dodoga heyaheyayadi yo loholohodi sa peꞌipeꞌi yo pilipili sa fahoinadi hinaga.
8 Egu itaꞌita yai mate, safalumadi heyaheyaya sa umahidi,
yo pilipili sa falili,
haba heyaheyaya sa falolodi.
*4:7 Doha, Elifasi ya anpate bena Diyobi ya bwalai. Te siba mate, dodoga heyaheyayadi yo loholohodi sa peꞌipeꞌi yo pilipili sa fahoinadi hinaga.