38
Guyau Diyobi ena Liba ya Bui
Diyobi 38:1-8
1 Habahim bwai filifili ganahewana yai Guyau, Diyobi ena bui ya felen iyebom,
2 Um sai itete? Egu nuwatuhu wa fafadosi fuyoꞌidi. Wa libalibaidi bena haga um tau sonoga. In moho, higeꞌe.
3 Yena um taumoho, u obiyo adidili.
Haba E fatiꞌoim
na egu bui wa felegu.
4 Fuyanna tanoꞌubu aba fatubuna E tole mate, um somo yai?
Yena wa sibai, u falibagu.
5 Sai tanoꞌubu laꞌina ya lufa?
Yo sai mahina ya wewehi fadohe? Haꞌa wa sibai?
6 Tanohi aba fatubuna umeꞌehuna somo yai sa tole?
E sai tanoꞌubu aba fatubuna ya abi didiꞌi?
7 Fuyanna mate hwalahwalala kipwaladi mahudoꞌidi sa wana gogo esega.
Yo anelu mahudoꞌidi sa yogayoga ma nuwa kwadedi.
8 Gabogabo sai ya gudu,
fuyanna ena aba tubu yai ya pisalama?
Be gabogabo ena aba otaꞌota yai ya ota,
hige ana sigasiga i diꞌoi?