67
Lautoꞌi Wanana
1 Aee–, Yaubada u nuwatohatohaemai,
yo u nuwa amnaꞌemai
na em loholoho u felemai.
2 Be em laulau ai tanoꞌubu ti sibaidi.
Tau abiꞌabi famwahuli um, bena sa sibaim.
3 Yaubada! Dodoga ti fadebasaem;
dodoga mahudoꞌidi ti fadebasaem!
4 Dodoga nuꞌu mahudoꞌina yai ti wana ma kwadedi,
paꞌana dudulai yai wa fadudulaidi.
Yo wa foya fadudulaidi.
5 Yaubada! Dodoga ti fadebasaem.
Mahudoꞌidi ti fadebasaem!
6 Habahim gabu anꞌandi sa anaho;
Yaubada Eda Yaubada ya aiꞌainauyaida.
7 Yaubada i ainauyaida,
be dodoga mahudoꞌidi tanoꞌubu yai
haba sa faꞌatitiyen.