VHAGI BUNI
Vhagi Buni Ndi Hiaŋ Rɨgi Gap
Khe fharav ganɨnga buni khare.
Mbe guigira Zisas khothɨgi gumgi gu mbigir farfagi tugen, mbe kha gava khergi. Ne khaŋ muuŋgi, mba guigira Zisas khothɨgi gumgi gu mbigi, mbe khueŋ khothɨgi, Zisas Krais, ana mbe Bakɨme ma.
Kha gap, ana guigira Zisas khothɨgi gumgi gu mbigi, Zisas khothɨgi ndɨkndɨgi havharɨrim, simtɨgi bakɨvi mben hɨrim, mbe fhura nta ganɨrim, nta mbe mbevɨrga fhu. Kha gap, ana zumgum hɨrga bigir vhɨrvera vhunaa ga si gap ma. Kha ntige guigira Zisas khothɨgi gumgi gu mbigi, mbe mba vhunaa ga si buni, mbe nta kaŋgi, mba guigira Zisas khothɨgi fhuv gumgi gu mbigi, mbe kaŋgi fhu. Mba vhunaa ga si buni nɨɨŋge khaŋ muuŋgi. Zisas Krais, ana nduara Guma Bakɨme ma, Fhe Bakɨme anan farver panan, ana za kha pana gumgi mbevav, vhɨra Satan mbevarga. Zisas za won ŋaara vhɨzgirga tugen, Fhe Bakɨme, mba thɨga havhargiap, guigira Zisas khothɨgi ndɨkndɨgi kaŋgi gumgi gu mbigi, ana ne suaŋv bigɨna vhuun fhara mben nɨɨnga. Mbe Fhe Bakɨme han kɨv, mbe wom simtɨk kɨrga fhu. Ne khaŋ muuŋgi, Fhe Bakɨme za bigir ŋkaara muuŋgirga.
Zisas Krais Kaman Ndi Harathɨgi Siosir Ki Gumgi Gu Mbigi Ndi Mbai.
1
1 Dan 2.28-29; Zo 3.32; 12.49; VB 1.19; 4.1; 22.6; 22.16Fhum kha buni zorga kim, Zisas Krais nta ndi hiaŋ tɨgi. Fhe Bakɨme maaŋ muuŋgiap, kha bunin Zisas ga nɨɨŋgim, ana ntan won ŋaara gumgi khɨvɨrga. Mba bigi, nta vhemkora hɨgɨrga. Maaŋ muuŋgiap, Zisas won enser ga sarigim, ana za mba bigi bun, gu Zon anan ŋaara guma, ana nta bun na suaŋgi. Gu mba buni bun ana ŋaara gumgi ga suanga. 2 1 Ko 1.6; 1 Zo 1.1; VB 6.9Gu Zon, gu mba bigi gangiap, gu Zisas Krais Fhe Bakɨme bunin na suaŋgim, gu nta bun nzuai. Gu nta bun nzuav, gu khaŋ nzuai, mba buni, nta guigira buni guari ma.
3 Ru 11.28; Ze 5.8; 1 Pi 4.7; VB 22.7; 22.10Kha kameŋ, ne Fhe Bakɨme nduara won kamthooŋ guma nzuai mbugum suaŋgi kameŋ ma. Kha kameŋ garim, harigi gumgi gu mbigi mba kameŋ mbararagi, mba guma, ana ndikndigɨri. Gu Fhe Bakɨme kameŋ khergim, mba kameŋ mbararagiap, ne zɨn vui gumgi gu mbigi, mbe vhɨra ndikndigɨri. Ne khaŋ muuŋgi, tuk ntige hɨr za mbui. Fhe Bakɨme mba muun za suaŋgi bigi, ana ntige mba bigir muunga.
Zon Harathɨgi Siosi Ndi Gavi Khergi.
4 Kis 3.14-15; Sek 3.9; Zo 1.1; VB 1.8; 3.1; 4.5; 4.8; 5.6; 11.17; 16.5Gu Zon, gu kha gava khergiap, nde mba Esia ŋgu bakɨme fhain ki harathɨgi siosir ki gumgi gu mbigi, gu anan nde ndi mbai. Ntige khar ki Fhe Bakɨme, ana fhum guarara ki Fhe Bakɨme ma. Ana vhɨra zumgum taagi zirɨrga. Ana fhura nden korar muuŋv, nden ndavir muuŋrim, nde ndavi mbɨrav wari kɨri. Mba harathɨgi ŋiniŋgi, mbe Fhe Bakɨmen ŋgui vhɨrve gari guman pan pigi mpirmpirɨga nɨma thivgiap ki. Mbe vhɨra fhura nden korar muuŋv, nden ndavir muuŋrim, nde ndavi mbɨrav wari kɨri. 5 Sng 89.27; Ais 55.4; Zo 15.9; 18.37; Ef 1.20; Kor 1.18; 1 T 6.13; Hi 9.14; 1 Zo 1.7; 4.10; VB 3.14; 17.14Zisas Krais, ana za Fhe Bakɨme buni guarira bun nzuai guma ma. Ana za kha gumgi kharav, rimgiap, fhara khavgi guma ma. Ana vhɨra za kha nuianan ki ŋgui vhɨrve gari gumgir panin guma bakɨme ma. Ana vhɨra fhura nden korar muuŋv, nden ndavir muuŋrim, nde ndavi mbɨrav wari kɨri.
Ana guigira won ndavar nza nɨɨŋgiap, ana wo vɨzɨnra ana nza muuŋgi tɨvi mbatɨgi, ana nta vhɨzgim, nza bɨkbɨɨgi. 6 Kis 19.6; 1 T 6.16; Hi 13.21; 1 Pi 2.5; 2.9; VB 5.10; 20.6Ana nza muuŋgim, nza anan Ndia Fhe Bakɨme piin ki gumgi gu mbigi ki. Nza kav, Fhe Bakɨmen rotu garim, nza za kha bigi ga suaŋv ara han ŋgɨp, nza zazera harigi gumgi gu mbigir kurkurigi. Mba Fhe Bakɨme, ana Zisasan Ndia ma. Zisas Krais, ana zazera guigira zɨ bakɨme kav, ana ŋkasŋka ki. Ne guigi guarara.
7 Dan 7.13; Sek 12.10; Mt 24.30; Mk 13.26; Ru 21.27; Zo 19.34; 19.37; FG 1.11; 1 Te 4.17Nde ganɨ! Ana mbu buiva hurivige phorga zeri. Kha gumgi gu mbigi, mbe bevbevira za wari won rɨmgira ana gangirga. Mba fugar ana segi gumgi, mbe bevbevira za ana ganɨnga. Kha nuianan ki gumgi gu mbigi, mbe za ana ndɨkndɨgɨp, ana korar muuŋv, thagir nzir muunga. Ahaŋ, kha bigi guigira hɨrga. Ne guigi guarara.
8 Kis 3.14; VB 1.4; 1.17; 4.8; 11.17; 15.3; 21.6; 22.13Guma Bakɨme, ana Za Ŋkasŋka Ki Fhe Bakɨme ma. Ana khaŋ nzuai, “Gu nduara, gu Guigira Fharav Ki, gu vhɨra Zɨn Ki.” Mba Fhe Bakɨmera, ana ntige khar ki. Ana vhɨra fhum guarara ki. Ana vhɨra zumgum taagi zirɨrga.
Zon Krais Gangi.
9 Fi 1.7; 2 T 1.8; 2.12; VB 6.9Gu Zon, gu nde phorga guigira Zisas khothɨgi guma ma. Gu nde phorgap, nza Zisas ntɨɨri ma. Gu khurkhum nde khuav, simtɨgi gu zaagi ndi. Gu nde phorgap, nza Fhe Bakɨme wo gumgi gu mbigi garim, nza ana piin ki. Nza za wari tɨga thivgia havhargiap, simtɨgi ndi. Gu Fhe Bakɨmen buna vhuueŋ bun nzuav, gu khaŋ nzuai, “Gu Zisas khothɨgi.” Maaŋ muuŋgiap, mbe panan na kegap, na ndi kha rɨgɨkɨrige tɨgi, mba rɨgɨkɨrige, mbe kha zɨn niŋge rɨgi, Patmos. aFhum mbe Romiŋ, mba mbe vuzvugi tɨvi zɨn vui fhuv gumgi, mbe mbe suigap, mbe ndi phena tɨvneŋ ga sui. Mbe tugi mbarir, mbe mbe sasarigim, mbe vov rɨgikɨriviger ki. Patmos, ana mba phena tɨvanen ki gumgi ki rɨgakɨra mbige ma. 10 Zo 20.26; FG 10.10; 2 Ko 12.2; VB 4.1-2Guma Bakɨme raar, Sanden, Fhe Bakɨme Ŋina Ŋaar na rugim, gu wo zɨn kɨrar mbararagim, guma mbe khɨrɨv kaaim, ana kamthooŋ mbarɨva bi fara muuŋgi. 11 Mba guma khaŋ nzuai, “Ndu khar gari bigi, ndu gavar za nta khergip, nta ndi kha harathɨgi siosi ndi mbarari. Ndu Efesus ŋgu bakɨmen ki sios ndi maaŋv, Smerna gu, Pergamum, Taiataira gu, Sardis, Firaderfia gu Raodisia, ndu za mbe ndi maaŋgiri.”
12 Kis 25.37; Sek 4.2; VB 1.20Gu mbara mba bunin na nzuai guma, gu dorgap ana nzuav gari. Gu dorga garav, gu harathɨgi kɨnivige mbe gorar nta muuŋgi, mbe raar nta ndai, gu nta gari, nta thivgia ki. 13 Ese 1.26; Dan 7.13; 10.5; VB 15.6Gu guma mbe garim, ana mba kɨnivige kɨtɨgar thɨgap ki. Gu ana garim, ana guman fara muuŋgi. Gu ana garim, ana shaar mpeeŋ guarara sharigim, ana za vera vov ana kurareranira thɨgi. Ana gorar muuŋgi rerar wo tɨgim, ana ana fheeŋphugi zigi. 14 Dan 7.9; VB 2.18; 14.2; 19.12Dan 10.6Anan pan gum anan pana rɨgi, nta guigira hurgiap, sipsiva rɨgir huri fara muuŋgiap, vhɨra buiva hura fara muuŋgi. Anan rɨmani foga shiav, vhav foga shi fara muuŋgiap, guigira foga shi. 15 Ese 1.24; 43.2; VB 14.2Anan ŋkarveni ŋgarav, mbe bras ndi vhava bakɨme khɨngim, ana shigim, mbe ana hɨvgim, ana ŋgara gari fara muuŋgi. bMbe bras tuegap, ana tuituigiap ŋgara gari fhu. Mbe mbaram bigɨna mbe ndigap, ana shav kim, ana guigira ŋgara garav guigira vhekvhegi. Gu anan kamthooŋ mbararagim, ana mbɨ fombai khɨkhɨm bakɨme fara muuŋgi. 16 Ef 6.17; Hi 4.12; VB 1.20; 2.1; 2.12; 2.16; 3.1; 19.15; 19.21Ana harathɨgi ŋkaa, ana won guva haren nta suirigi. Anan kamthoon, gu gari, ntari ga mbui kos, ana kamthoon hɨgim, ana ana ŋgɨɨgi, ana guigira bɨrgiap, ana bɨrtɨk ndereni vhɨra ki. Ana ana kamthoon kega kɨrar hi. Anan khom, ana guigira ŋgarav, ra guigira sharav, havhargi fara muuŋgi.
17 Ais 41.4; 44.6; 48.12; Ese 1.28; Dan 8.18; 10.10; VB 2.8; 22.13Gu ana gangiap vov, wo thɨpanani phɨrgiap, ana ŋkarveni nɨman fav rimgi guma fara muuŋgiap ki. Ana wo guva haren na khɨngiap, khaŋ na nzuai, “Ndu rɨvɨ thari! Gu nduara, gu Guigira Fharav Ki Guma ma. Gu vhɨra Guigira Zɨn Ki Guma ma. 18 Sng 68.20; Ro 6.9; VB 4.9; 5.14Gu vhɨra Zazera Mbara Muuŋgiap Ki Guma ma. Gu fhum rimgi. Ndu ntige na ganɨ, gu ntigem zazera mbara muuŋgip kɨrga. Ndu ganɨ, gu Vhɨzi Tɨvar kii suirap, gu vhɨra mba Vhɨzgi Gumgi Ki Ŋgun kii suirigi. 19 VB 1.1; 1.11; 2.1; 4.1Maaŋ muuŋgiap, ndu khar gari bigi, ndu nta khergiri. Kha ntige khar ki bigi gu zumgum hɨrga bigi, ndu nta khergiri. 20 Sek 4.2; Fi 2.15; VB 1.12; 1.16; 2.1; 3.1Ndu mba harathɨgi ŋkaa gari, gu won guva haren nta suirigi. Ndu vhɨra mba harathɨgi kɨnivige, mbe gorar nta muuŋgi, mbe raar nta ndai, ndu nta gangi. Nta zorga ki buni ma. Nta nɨɨŋge khaŋ muuŋgi. Mba harathɨgi ŋkaa, nta mba harathɨgi siosi gari enseri ma. Mba harathɨgi kɨnivige, mbe gorar nta muuŋgi, mbe raar nta ndai, nta mba harathɨgi siosi ma.”

1:1 Dan 2.28-29; Zo 3.32; 12.49; VB 1.19; 4.1; 22.6; 22.16

1:2 1 Ko 1.6; 1 Zo 1.1; VB 6.9

1:3 Ru 11.28; Ze 5.8; 1 Pi 4.7; VB 22.7; 22.10

1:4 Kis 3.14-15; Sek 3.9; Zo 1.1; VB 1.8; 3.1; 4.5; 4.8; 5.6; 11.17; 16.5

1:5 Sng 89.27; Ais 55.4; Zo 15.9; 18.37; Ef 1.20; Kor 1.18; 1 T 6.13; Hi 9.14; 1 Zo 1.7; 4.10; VB 3.14; 17.14

1:6 Kis 19.6; 1 T 6.16; Hi 13.21; 1 Pi 2.5; 2.9; VB 5.10; 20.6

1:7 Dan 7.13; Sek 12.10; Mt 24.30; Mk 13.26; Ru 21.27; Zo 19.34; 19.37; FG 1.11; 1 Te 4.17

1:8 Kis 3.14; VB 1.4; 1.17; 4.8; 11.17; 15.3; 21.6; 22.13

1:9 Fi 1.7; 2 T 1.8; 2.12; VB 6.9

a1:9 Fhum mbe Romiŋ, mba mbe vuzvugi tɨvi zɨn vui fhuv gumgi, mbe mbe suigap, mbe ndi phena tɨvneŋ ga sui. Mbe tugi mbarir, mbe mbe sasarigim, mbe vov rɨgikɨriviger ki. Patmos, ana mba phena tɨvanen ki gumgi ki rɨgakɨra mbige ma.

1:10 Zo 20.26; FG 10.10; 2 Ko 12.2; VB 4.1-2

1:12 Kis 25.37; Sek 4.2; VB 1.20

1:13 Ese 1.26; Dan 7.13; 10.5; VB 15.6

1:14 Dan 7.9; VB 2.18; 14.2; 19.12

1:14 Dan 10.6

1:15 Ese 1.24; 43.2; VB 14.2

b1:15 Mbe bras tuegap, ana tuituigiap ŋgara gari fhu. Mbe mbaram bigɨna mbe ndigap, ana shav kim, ana guigira ŋgara garav guigira vhekvhegi.

1:16 Ef 6.17; Hi 4.12; VB 1.20; 2.1; 2.12; 2.16; 3.1; 19.15; 19.21

1:17 Ais 41.4; 44.6; 48.12; Ese 1.28; Dan 8.18; 10.10; VB 2.8; 22.13

1:18 Sng 68.20; Ro 6.9; VB 4.9; 5.14

1:19 VB 1.1; 1.11; 2.1; 4.1

1:20 Sek 4.2; Fi 2.15; VB 1.12; 1.16; 2.1; 3.1

© 2001 PBT