2
Khe Efesus Sios Ga Nzuai Buni khare.
1 VB 1.16; 1.20Mba guma buni nzua vov, wom khaŋ nzuai, “Ndu buni thari khergip, Efesus ŋgu bakɨmen ki siosar ki enser ndi mbarari. Mba buni khaŋ muuŋgi, ‘Gu harathɨgi ŋkaa gu won guva haren nta suirav, gu mba harathɨgi kɨnivige, mbe gorar nta muuŋgi, mbe raar nta ndai, gu nta kɨtɨgi ga rui. Gu kha bunin ndu ndi mbai. aKha kameŋ ne mba sios gari enser ga nzuai kameŋ ma. Ana mba siosan vhen ki gumgi gu mbigi mbui tɨvi ga nzuai kameŋ ma. 2 2 Ko 11.13; 2 Pi 2.1; 1 Zo 4.1; VB 2.9; 2.13; 2.19; 3.1; 3.8; 3.15Gu nde mbui tɨvi, gu za nta kaŋgi. Nde vhɨra, nde ŋaara mbatɨga mbui, gu nde kaŋgi. Gu vhɨra nde kaŋgi, nde thɨga havhargiap, nde guigira mba gumgi mbatɨgi, nde mbe vuzvugi fhu. Mba gumgi khaŋ nde suaŋgi, “Nza vhɨra Zisas farasegi ŋaara gumgi ma.” Fhuvara, mbe Zisas farasegi ŋaara gumgi fhuvara. Nde mbe nzuai buni, nde nta kaŋgiap, nde mbe kaŋgi. Mbe bigi guiguigi gumgi ma. 3 Ga 6.9; Hi 12.3-5Kha gumgi nde garim, nde na zɨ suirigim, mbe tɨvi mbatɨgir nde mbui. Gu khaŋ muuŋgiap kaŋgi, nde thɨga havhargiap, mba simtɨgi ndiav, nde mba ŋaara mbatɨga mbuav, nde nen vhukvhugi fhuvara. 4 “ ‘Gu vhɨra khaŋ muuŋgi kama havhareŋ vhɨra nden ki. Nde fhum kamara nde guigira na khothɨgap, nde won ndavir na nɨɨŋgi, nde ntige fhu. 5 Mt 21.41-43; VB 2.16; 2.22; 3.3; 3.19Nde fhum tɨvar vhuuaŋ muuŋgi, nde ntige mba tɨva thav, nde rav, nɨɨeŋ regi. Maaŋ muuŋgiap, nde mba fhum muuŋgi tɨvi, nde wom nta ndɨkndɨgɨri. Nde nta ndɨkndɨgɨp, nde wom ndavi dorgɨp, nde mba fara muuŋgi tɨvi, nde wom ntan muuŋri. Nde maaŋ muuŋgip, maaŋ muunga fhu, gu nden han zɨv, nde tɨn mba rama ndigirga. 6 Sng 139.21Nde mbui tɨvar vhuuŋ mbe khare. Nde guigira Nikorasiŋ mbui tɨvi vuzvugi fhu. Gu vhɨra, gu mbe mbui tɨvi, gu guigira nta vuzvugi fhu.
7 Stt 2.9; Ese 28.13; 31.8; Mt 11.15; VB 2.11; 2.17; 2.29; 3.6; 3.13; 3.22; 22.2; 22.14; 22.19“ ‘Guma ana khuarani kɨv, ana tuituigip Fhe Bakɨmen Ŋina Ŋaar kha siosi ga nzuai buni mbararari. Guma, ana maaŋ muuŋgip, ntarar muuŋv, ana ŋkasŋkagip, mba ntara kambararga, gu fhura ana ganɨrim, ana zɨv, zazera mbara muuŋgiap ki bɨɨŋbɨɨŋ ndi ndɨɨi khan mba ndigi mbɨrga. Mba kha, ana Hevenan Fhe Bakɨme mɨnan ki.’ ”
Khe Smerna Sios Ga Nzuai Buni Khare.
8 Ais 44.6; 48.12; VB 1.17; 22.13Mba guma mba buni nzua vov wom khaŋ nzuai, “Ndu vhɨra buni thari khergip, Smerna ŋgu bakɨmen ki sios gari enser ndi mbarari. Mba buni khaŋ muuŋgi, ‘Gu nduara, gu Guigira Fharav Ki Guma ma, gu vhɨra Guigira Zɨn Ki Guma ma. Gu fhum rimgiap, gu ntige khavgiap, gu khar ki. Gu kha bunin nde ndi mbai. 9 Ro 2.17; 2 Ko 11.14-15; 1 T 6.18; Ze 2.5; VB 3.9Gu nden hi simtɨgi gu zaagi, gu nta kaŋgi. Gu vhɨra nde kaŋgi, nde guigira fhɨrgerɨgap ki. Nde vhɨra guigira bigi vhɨrve ki. Gu gumgi mbari nde nzɨɨv nde nzuai buni mbari, gu nta kaŋgi. Mba gumgi khaŋ nzuai, “Nza Zudaiŋ ma.” Mbe Zudaiŋ fhuvara. Zakɨra fhuvara! Mbe Satan ntɨɨri ma. bKha nuiana bigi, mbe Smerna siosan ki gumgi gu mbigi, mbe bigi sosuagiap, mbe guigira bigi ki fhuv gumgi fara muuŋgiap ki. Mbe Fhe Bakɨmen Ŋina Ŋaarar bigi, mbe guigira tuktɨgap, mbe bigi vhɨrve guarira ki. 10 Mt 10.22; 10.28; 24.13; 2 T 4.8; Ze 1.12; VB 3.11Nde tuga bisanera, nde zaa ndirga. Nde nen rivɨ thari. Nde mbarara. Fhe Bakɨme nde ana khothɨgi ndɨkndɨga ganɨn za mbui, nde guigira ana khothɨgi o, fhuvara? Ana maaŋ muuŋgiap, ana fhura nde ganɨrim, nden Satan mben muunga, mbe nden panɨn saŋv rɨgar gumgi thari suigɨp, mbe fup bɨna surga. Nde mba simtɨgi gu zaagi, nde phɨkthɨgi rarir, nde mba simtɨgi gu zaagi ndirga. Nde guigira Zisas khothɨgi ndɨkndɨk, nde ana kuemkuegɨ thari. Nde ana suira havhargip, kɨv, ŋgɨp, rimgiri. Gu nen vhezar nde ndɨɨi farar muuŋgip, gu zazera mbara muuŋgiap ki bɨɨŋbɨɨn nden nɨɨŋgirga.
11 VB 13.9; 20.14; 21.8“ ‘Guma ana khuarani kɨv, ana tuituigip Fhe Bakɨmen Ŋina Ŋaar kha siosi ga nzuai buni mbararari. Guma, ana maaŋ muuŋgip ntarar muuŋv ana ŋkasŋkagip mba ntara kambararga, ana fhara vhɨzgi, ana wom vhɨzgirga vhɨz, ana wom anan farfagirga tuktɨgi fhuvara. Zakɨra fhuvara!’ ”
Khe Pergamum Sios Ga Nzuai Buni Khare.
12 Ais 49.2; VB 1.16Mba guma mba buni nzua vov wom khaŋ nzuai, “Ndu buni thari khergip, Pergamum ŋgu bakɨmen ki sios gari enser ndi mbarari. Mba buni khaŋ muuŋgi, ‘Gu ntari ga mbui kos, gu ana suirigi. Ana guigira bɨrgiap, ana bɨrtɨk ndereni vhɨra ki. Gu kha bunin nde ndi mbai. 13 VB 3.8Gu mba nde ki ŋgu, gu guigira ana kaŋgi. Satan ŋgui vhɨrve gari guman pan pigi mpirmpirɨk mba ŋgun ki. Nde khaŋ tɨga havhargiap, na zɨ suirav, na khothɨgap, nde mba na khothɨgi ndɨkndɨk, nde ana vhagi fhuvara. Fhum kha guma Antipas, ana na buna vhuueŋ bun nzuai guma kegi. Ana nde phorga kegi. Ana guigira na buni zɨn vui guma kegi. Mbe nde ŋgura ana shogim, ana rimgi. Mba ŋgu, Satan anan ki. Mba tugen nde vhɨra kɨr na segi fhuvara.
14 Nam 22–24; 25.1-3; 31.16; Lo 23.4; FG 15.29; 1 Ko 6.13; 8.9; 2 Pi 2.15; Zu 1.11“ ‘Gu vhɨra ntige buni havhari mbari ndun ki. Nde gumgi mbari Pergamuman ki, mbe Baraman tɨvi, mbe nta suira havhargi. Baraman tɨvi khaŋ muuŋgi. Ana fhum Isreriŋ gumgi gu mbigi guiguigirga tɨvir Barak khɨvigim, ana mbe muuŋgim, mbe regap, tɨvi mbatɨgi ga muuŋgi. Barak mbara hɨgap, Isreriŋ ga ruga khɨngim, mbe mbarɨvi gu tori ofa muuŋgi sɨgi mbegav, mbe fhura ferferap, ruarir gumgi gu mbigi wari ndi tɨvi ga muuŋgi. 15 Mba tɨvara mbui gumgi mbari nden han ki. Mbe Nikorasiŋ ntɨɨri nzuai buni zɨn vui. 16 Ais 11.4; 2 Te 2.8; VB 1.16; 3.11; 19.15; 19.21; 22.7; 22.12; 22.20Maaŋ muuŋgiap, nde ndavi dorgɨri. Nde ndavi dorgɨrga fhu, zumgum tuga bisanera, gu ndun han zɨrga. Gu zɨv, mba nan kamthoon ki ntari ga mbui kos, gu anan mba gumgi phorgɨ shogɨrga.
17 Kis 16.4; 16.14-15; 16.33-34; Ais 62.2; 65.15; Zo 6.48-50; VB 2.7; 2.11; 3.12; 19.12“ ‘Guma, ana khuarani kɨv, ana tuituigip Fhe Bakɨmen Ŋina Ŋaar kha siosi ga nzuai buni mbarari. Guma, ana maaŋ muuŋgip ntarar muuŋv, ana ŋkasŋkagip, mba ntara kambararga, gu ntige kha zorga ki mba, mana thanen ana nɨɨŋgirga. Gu vhɨra kɨma hurar ana nɨɨŋgirga. Gu mba kɨma hurar, gu ana zɨn kama khergirga. Mba zɨ, guma the ana kaŋgirga fhuvara. Mba kɨma ndigi guma, ana nduara mba zɨ kaŋgirga.’ ” cMana, ana Fhe Bakɨme fhum Isreriŋ mba gumgi ki fhu nuianan vui, ana mba mban mbe ndɨɨim, mbe nta mbegi. Ndu Kisim Bek sapta16 gu Buk Song sapta 78.24 ganɨ.
Khe Taiataira Sios Ga Nzuai Buni Khare
18 VB 1.14-15Mba guma mba buni nzua vo wom khaŋ nzuai, “Ndu buni thari khergip, Taiatairan ŋgu bakɨmen ki sios gari enser ndi mbarari. Mba buni khaŋ muuŋgi, ‘Gu Fhe Bakɨmen Kam ma. Nan rɨmani foga shiav, vhav, foga shi fara muuŋgiap, guigira foga shi. Nan ŋkarveni, mbe bras hɨvgim, ana ŋgara gari fara muuŋgi. Gu kha buni ndiv, nde ndi mbai. 19 Gu nde mbui tɨvi, gu za nta kaŋgi. Gu kaŋgi, nde guigira mba gumgi gu mbigi, nde won ndavir mbe ndɨɨv, nde na khothɨgap, nde mba gumgi gu mbigir kurkurav, mbarkɨrga ŋaari, nde nta mbui. Gu kaŋgi, nden hi simtɨgi, nde za nta khɨgathɨgap havhargi. Gu nde fhum muuŋgi ŋaari, gu nta kaŋgi. Nde ntigem mbui ŋaari, nta guigira nde fhum muuŋgi ŋaari kambarigi.
20 1 Kin 16.31; 2 Kin 9.7; FG 15.20; 15.29; 1 Ko 10.19; VB 2.14“ ‘Gu vhɨra khaŋ muuŋgi kama havhareŋ vhɨra nden ki. Nde mba mbik Zeseber, nde fhura ana garim, ana nden han ki. Mba mbik khaŋ nzuai, ana Fhe Bakɨmen kamthoon mbik ma. Ana maaŋ mbuav, ana nan ŋaara gumgi guiguigap, fhura ferferap, ruarir mbigi gu gumgi wari ndi tɨvar mbe khɨvav, mba mbarɨvi gu tori ofa mbui sɨgi, ana vhɨra mbe mbuim, mbe nta pi. dZeseber, ana guigira mbiga mbatɨga guar ma. Ana fhum Isrerin kuin kegi. Ndu 1 King 18.4 ganɨv, ndu vhɨra 19.1 kegɨp ganɨ ŋgɨp ves 2 thɨgɨri. Ndu vhɨra 21.26 ganɨri. Ndu vhɨra 2 King 9.22 ganɨv, 9.30 kegɨp ganɨ ŋgɨp ves 37 thɨgɨri. Nza khaŋ muuŋgi gangana muuŋgi, Nikoras shɨgar mbiga mbe ana Taiataira gumgi gu mbigi mbari ŋgɨrigim, mbe ana tɨvi mbatɨgi zɨn vegi. Mbe ne nzuav, kha zɨn ana kaai, Zeseber. 21 Ro 2.4; VB 9.20Gu ana ndava dorgɨrga ne vuzvugiap, gu fhura ana garim, ana kha tugi mbarir khar ki. Ana ndava domdorɨ thagi. Ana ndav dorgɨp, mba wo ruarir gumgi ndi tɨva thamtha thagi. 22 Nde ganɨri! Gu mba mbigar muuŋgirim, ana rɨmɨv, zaa bakɨme ndirga. Mba ana phorga ruarir gumgi gu mbigi wari ndi gumgi, mbe ndavi dorgɨp, ana mba mbui tɨvi, mbe kɨr nta sɨ tharga, gu vhɨra zaa bakɨme gu simtɨga bakɨmen mben nɨɨŋgirga. 23 Sng 7.9; 62.12; Jer 11.20; 17.10; Ro 8.27; 2 Ko 5.10; 2 T 4.14; VB 20.12-13Anan tari vhɨra, gu mbe shogɨrim, mbe vhɨzgirga. Gu maaŋ muuŋgirga, mba siosi za kaŋgirga, gu tuituigira gumgi ndavi vheri gum mben ndɨkndɨgi gari. Gu nde bevbevira mba mbui tɨvi tugɨratɨgɨp nta suaŋv vhezar za nden nɨɨŋgirga.
24 “ ‘Gu ntigem nde mba harigi gumgi gu mbigi, nde Taiataira siosan ki, gu kameŋ nden ki. Nde mba mbigar kameŋ zɨn vegi fhuvara. Nde vhɨra mbe khaŋ nzuai tɨvi, “Satanan zorga ki buni,” nde mba tɨvi kaŋgi fhuvara. Gu khaŋ nde nzuai, gu harigi simtɨgar nden tɨ khɨngirga fhuvara. 25 VB 3.11Nde mba suirigi bigi, nde nta suira havhargira kɨrim, gu taagi zɨrga.
26 Mt 19.28; Zo 6.29; 1 Ko 6.3; 1 Zo 3.23; VB 20.4Sng 2.8-9“ ‘Guma, ana maaŋ muuŋgip ntarar muuŋv, ana ŋkasŋkagip, ntara kambarav, nan tɨvi zɨn ŋgɨvra kɨrim, kha bigi za vhɨzɨrga tugar hɨgɨrga, gu zɨ bakɨmen ana nɨɨŋgirim, ana za kha nuianan ki gumgi gu mbigi gari guman pan kɨrga. 27 Dan 7.22; VB 12.5Ana ainan muuŋgi mpiiŋsɨga suirav, ana khaŋ tɨgɨp ŋkasŋkagip mbe ganɨv, ana mbe mba nuianan muuŋgi nda shoga ana berberi fara muuŋgi tɨvar mben muuŋv mben kora muuŋgirga fhu. Gu ana nɨɨnga ŋkasŋka, ana na Ndia na nɨɨŋgi ŋkasŋkara fara muuŋgi. Ana mba ŋaarar na nɨɨŋgim, gu kha gumgi gu mbigi gari. 28 VB 22.16Gu vhɨra mba mɨn gori ndai kam, gu vhɨra anan anan nɨɨŋgirga. 29 Guma khuarani kɨv, ana tuituigip Fhe Bakɨmen Ŋina Ŋaar kha siosi gu nzuai buni mbararari.’ ”
2:1 VB 1.16; 1.20
a2:1 Kha kameŋ ne mba sios gari enser ga nzuai kameŋ ma. Ana mba siosan vhen ki gumgi gu mbigi mbui tɨvi ga nzuai kameŋ ma.
2:2 2 Ko 11.13; 2 Pi 2.1; 1 Zo 4.1; VB 2.9; 2.13; 2.19; 3.1; 3.8; 3.15
2:3 Ga 6.9; Hi 12.3-5
2:5 Mt 21.41-43; VB 2.16; 2.22; 3.3; 3.19
2:6 Sng 139.21
2:7 Stt 2.9; Ese 28.13; 31.8; Mt 11.15; VB 2.11; 2.17; 2.29; 3.6; 3.13; 3.22; 22.2; 22.14; 22.19
2:8 Ais 44.6; 48.12; VB 1.17; 22.13
2:9 Ro 2.17; 2 Ko 11.14-15; 1 T 6.18; Ze 2.5; VB 3.9
b2:9 Kha nuiana bigi, mbe Smerna siosan ki gumgi gu mbigi, mbe bigi sosuagiap, mbe guigira bigi ki fhuv gumgi fara muuŋgiap ki. Mbe Fhe Bakɨmen Ŋina Ŋaarar bigi, mbe guigira tuktɨgap, mbe bigi vhɨrve guarira ki.
2:10 Mt 10.22; 10.28; 24.13; 2 T 4.8; Ze 1.12; VB 3.11
2:11 VB 13.9; 20.14; 21.8
2:12 Ais 49.2; VB 1.16
2:13 VB 3.8
2:14 Nam 22–24; 25.1-3; 31.16; Lo 23.4; FG 15.29; 1 Ko 6.13; 8.9; 2 Pi 2.15; Zu 1.11
2:16 Ais 11.4; 2 Te 2.8; VB 1.16; 3.11; 19.15; 19.21; 22.7; 22.12; 22.20
2:17 Kis 16.4; 16.14-15; 16.33-34; Ais 62.2; 65.15; Zo 6.48-50; VB 2.7; 2.11; 3.12; 19.12
c2:17 Mana, ana Fhe Bakɨme fhum Isreriŋ mba gumgi ki fhu nuianan vui, ana mba mban mbe ndɨɨim, mbe nta mbegi. Ndu Kisim Bek sapta16 gu Buk Song sapta 78.24 ganɨ.
2:18 VB 1.14-15
2:20 1 Kin 16.31; 2 Kin 9.7; FG 15.20; 15.29; 1 Ko 10.19; VB 2.14
d2:20 Zeseber, ana guigira mbiga mbatɨga guar ma. Ana fhum Isrerin kuin kegi. Ndu 1 King 18.4 ganɨv, ndu vhɨra 19.1 kegɨp ganɨ ŋgɨp ves 2 thɨgɨri. Ndu vhɨra 21.26 ganɨri. Ndu vhɨra 2 King 9.22 ganɨv, 9.30 kegɨp ganɨ ŋgɨp ves 37 thɨgɨri. Nza khaŋ muuŋgi gangana muuŋgi, Nikoras shɨgar mbiga mbe ana Taiataira gumgi gu mbigi mbari ŋgɨrigim, mbe ana tɨvi mbatɨgi zɨn vegi. Mbe ne nzuav, kha zɨn ana kaai, Zeseber.
2:21 Ro 2.4; VB 9.20
2:23 Sng 7.9; 62.12; Jer 11.20; 17.10; Ro 8.27; 2 Ko 5.10; 2 T 4.14; VB 20.12-13
2:25 VB 3.11
2:26 Mt 19.28; Zo 6.29; 1 Ko 6.3; 1 Zo 3.23; VB 20.4
2:26 Sng 2.8-9
2:27 Dan 7.22; VB 12.5
2:28 VB 22.16