4
1 Komi tomoyamoya, mami takínona mooitamoina be kivaavasaina imi pakonayao komatakaavatēdi Yaubada matana goi. Konuwāisi bego komi nakae mami Tomoya yábana goi.†Epe 6:9.
Paulo ina liwola vaamliyaidi
(Kolose 4:2-6)
2 Kokaasalēmi awanoi goi go, imi kawanoiyana goi mami kauyagu nukotomi goi koyauyāusa.†Epe 6:18. 3 Kai nakae manuma kokaawanōi bego Yaubada ina livala ana kenao tayamo ikatupáeve manuma, e bei itoboinema Guyau valena boi vamoounina katalavaite tomota yaidi. Guyau ana talavaitayana pasina yau deri goi akaaiyaka. 4 Nakae kokaawanōi manugu bego itoboinegu valayana alumavivisidoko guna kawoi ana toboine nakae.
5 Mami nanamsa koketooiya dōkana tomota geya sinumiseta yaidi goi. Taabu imi tuta kokavaavalūge, go sem imi tuta tamo tamo adi toboine guinuwa dedevidi koguuinuwēdi.†Epe 5:16. 6 Imi livala tuta liliuna madi kaanuwōiya, awoinu mana soroti nakae, e bei koyagoi nakonakae itoboinemi tomota tamo tamo idi livala kokatumapudi.
Paulo ina yabobona
be ina nuwonúwana vaamliyaina
be ina nuwonúwana vaamliyaina
(Kolose 4:7-18)
Paulo valena manuna
7 Tukiko†aGui 20:4; Epe 6:21-22; 2Ti 4:12; Tai 3:12. bei aetune iwo bei yau valegu madabokina ilatuwokoimi. Tauyana konōve unana tauyana siyada nakae ida kalo, tayamo tovaita aba numisa nakae ida tosavaiyuwo Tomoyayana umana.†bEpe 6:21-22. 8 Tauyana aetune iwo ame manuna: Bego kaga kaga siisowóduwo yaima koyagoidi be nakae itoboine atemi ikipaiwoledi. 9 Onesimo†Plm 1:10-12. taiyao siwowoiwo unana tauyana siyada, nakae ida kalo aba numisa be nakae komi imi boda tayamo. Kaga liliuna siisowóduwo ameko goi adi taiyuwokova bei silatuwokoimi.
Paulo kidi idi vaduduwo
10 Aristako,†aGui 19:29, 27:2; Plm 1:24. tauyana deri ana tokaiyako yau taiyao, ina yabobona yaimi. Banabasi nubaina Maki†bGui 12:12,25, 13:13, 15:37-39. nakae ina yabobona yaimi. Makiyana manuna ami lovina bogina avinimi. Neta iwo, kouyaōne. 11 Yeisu, tauyana youyuwoina Yusto, nakae ina yabobona yaimi. Kidi sakavaidi kuuponidi yaidi goi ame adi taito aditava guna tosavaiyuwoyao Yaubada ina kalibúbuna manuna sivaitegu. 12 Epapira,†Kol 1:7; Plm 1:23. tauyana imi boda tayamo, ina yabobona yaimi. Tauyana Guyau Yeisu ina pákwana tayamo. Tuta liliuna ina kawanoi goi iikokoila manumi bego koovadókana, imi numisa goi komatuwo be nakae Yaubada ina nuwonúwana koyagoidoko. 13 Moe moitamo. Tauyana akamoitamoe yaimi bego iikokoila gagaina manumi be nakae tonumisa Laodiseya be Iyerapoli goi manudi. 14 Ida kalo doketa Luke†a2Ti 4:11; Plm 1:24. be Demasi†b2Ti 4:10; Plm 1:24. idi yabobona yaimi.
15 Kai ima yabobona sedao Laodiseya goi yaidi, niuda Nimpa yaina be nakae Yeisu ana totugugunayao tauyana ina vada goi siitugúguna yaidi. 16 Tutayana leta ame bogina sikatuyaivi konove, namliyeta koetūne ina Yeisu ana totugugunayao Laodiseya goi nakae kidi sikatuyaivi sinove. Ago kidi adi leta nakae sietune iwo bei komi kokabi kokatuyaivi. 17 Ago Arikipo†Plm 1:2. kolatuwōko kami,
‘Paisewa Tomoya bogina iivinim kunuwāisi kulukavave.’
18 Guna yabobona ame toinigu nimagu goi agini.
Guna kaiyaka deri goi konuwokavāte.
Ida Tomoya Yeisu Guyau bei ikanuwoiyemi!
Yau Paulo be Timoti
†a4:7 Gui 20:4; Epe 6:21-22; 2Ti 4:12; Tai 3:12.
†b4:7 Epe 6:21-22.
†a4:10 Gui 19:29, 27:2; Plm 1:24.
†b4:10 Gui 12:12,25, 13:13, 15:37-39.