1 Yau, kaltu na famu ine sios.

Ya seti e pas gii tife fefin Deo e sam wele, ma fan siksikow,*1:1 Fuunfuun lo re tongge parfat, ri sang ini sunwar gii fefin ilo bala pas gii, pimpiku gii sios, ma siksikow gii, tongge ilo bala sios a. se ya bura tikin, (ma e tibi ta yau tibom, e tam, seri ming gii ri ka ta tura kiar ilo bala tikii titinge), 2 anwarow lo sunwar tikin a ka mel ilo kiar ma ku melmel tura kiar bingne.

3 Warfakausi, fatengis ma balamaris singe Deo Tamrer ma singe Yesus Kristus, sikow e Deo, eu ta tura kiar lo biing kiar parfat lo sunwar tikin ma kiar ka mel lo sinang na fabur.

4 Balang e gasgas tikin una pari e fa lo re tanga siksikuam, ri fesfes ilo sunwar e tikin aregii Tamrer kabuk peteng tif kiar ini. 5 Ma gii konona fefin, ya tibi seti e ti fafanau fuu tifo, safle fafanau gii kerer sam kepe tinglo biing kiar tofnge titinge. Ya gatom ini kerer u bura e neng ma neng. 6 Ma i gii e fabur: kiar u fesfes ususi e fam fafanau kia. Aregii o kabuk bom ongni tinglo biing o tofnge titinge, fafanau kia i gii ini ou fes ilo sinang na fabur.

7 Tongge fuunfuun na fafalam, seri tibi parfailmi ini Yesus Kristus e puek ka ta kaltu†1:7 Tongge na fafalam a ri tibi titinge ini Yesus e fuut ka ta kaltu. Ri titinge ini Yesus e su ta Tangwa., ri sam la ilo mara male. Matang kaltu aregii, e ta kaltu na fafalam, ma e ta matamfais ke Yesus Kristus. 8 Atate ini ou tibi falimufu e sa o sau faim usi, usi ini riu tow e fimfiil kiam kiruur. 9 Sese kaltu e suu kosngi e fam fabenge ke Kristus ma ka tibi fesfes ususi, Deo e tibi mel ilo. Sakle kaltu e fesfes lala ilo fam fabenge gii, Tamow ma Sikow ru tiin mel ilo. 10 Le tikas ku sa la usi o ma ku tibi tow e fam fabenge gii, mele onu ku kau ilo keu fel, tam mele areni. 11 Anwarow le o ku areni e kaltu tura fam fabenge gurgurum, ou tiim tura ilo fan mok saksak i e gowgow.

12 E mel e fan mok fuunfuun ya bur seti tif gam, safle ya guuluung una siisiit ine ti pen ilo ti pas. Ya su bura ini kiar u sa faparnge ma kiar ku sa fawar, usi ini fefeal kiar eu la fasef sekit.

13 Siksikow e kisimlik‡1:13 Kisimlik gii e ta taltalu e sios ilo wes 1, ma siksikow gii tongge ilo bala sios a. gii Deo ka wele, ri tuleni e are keri tif gam.