1 Anduane Homogohanda inahondo bayale bialu haga kagonaga✡1 Bit 16.34, 2 Bit 5.13, 7.3, Esr 3.11, Iba 100.5, 106.1, 107.1, 118.1, Yar 33.11

2 Anduane Homogo ibu mbirale bi pupu wulenaga gime wabini ngaru bolangua haihe kago

3 Anduane Homogo ibu dindini haguane hene karu bolangua haihe kago

Ibugua ina gubalini ha ho wiaaboore haga kagoni.

4 Agalime nabiagane aleru ibugua dege biaga ka.

5 Hari daliga li karuni ibunaga mini bayale gigabi wiagome wabini.✡Pig 1.1

6 Ibugua iba andaneha berelowa dindi daliga wabu ngeleda.✡Pig 1.2

7 Ibugua ni egebi wabini.✡Pig 1.16

8 Ibugua nime horombe wá halu hondo helo heleda.

9 Ibugua egebi yakundirubi urunime mbiraga dalu hondo helo heledagoni.

10 Ibugua Iyibi wali agalinaga igini wahene bo wahai hene.✡Har 12.29

11 Ibugua Isaraele wali agali Iyibi wahalu haru tagira pene.✡Har 12.51

12 Ibunaga hongo timbuniore heagome ti ani haru tagira pene.

13 Ibugua iba solowara Daramabi laga bereago bira migimigi bilene.✡Har 14.21-29

14 Ibuni bamba halu ibunaga wali agali haru halu iba solowara Daramabi domaede hene.

15 Ibugua ani biyagoyu Iyibinaga kinibi ibunaga ami agali hearubi iba ogoniha iba nalu homai helene.

16 Ibugua dindi ko wali agali nahaga wiagoria ibuni bamba halu ibunaga wali agali haru halu pene.✡Har 13.18, 15.22

17 Ibugua kini hongohe hearu bo wahai hene.

18 Ibugua kini mini lene hearubi bo wahai hene.

19 Ibugua Amoro wali agalinaga Kini Sihono bo wahene.✡Dag 21.21-30

20 Basana wali agalinaga Kini Ogabi bo wahene.✡Dag 21.31-35

21 Kini uruninaga dindi wiaru ibunaga wali agaliruhondo mini.

22 Ibugua dindi uruni ibunaga biabe biahaga Isaraelealiruhondo mini.

23 Waitigime ina bopeore hayagola ibugua ina embeda nahene.

24 Ina waitiginaga giha hemaria ibugua ina mo wialu haru dai biya.

25 Ibugua wali agalibi ema bialu piaga damene bibahendebi tomo karulape nelo miaga ka.

26 Ngode Datagaliwabe dahuliya andaga kagohondo iname ka̱i̱ lami̱ya.