33 Amboac tonaŋ êsêac dêdi aŋga Apômtaunê lôc ma sêsêlêŋ bêc têlêac ma Apômtaunê katapa poacŋa kêsêlêŋ bêc têlêac gêmuŋ êsêac gebe têtap gamêŋ sêlêwaŋ tauŋŋa teŋ sa. 34 Kêtôm têm samob, taŋ êsêac dêdi naŋ, Apômtaunê tao kêkô êsêac ŋaô gêdêŋ ocsalô.

35 Gêdêŋ taŋ sêbalaŋ katapa poacŋa sa naŋ, Mose kêsôm gebe “O Apômtau, ôndimaŋ, ma nêm ŋacjo sêc êliŋ-êliŋ ma êsêac, taŋ têntac gedec aôm naŋ, sêc su aŋga laŋômnêmŋa.” 36 Ma gêdêŋ taŋ sêlêwaŋ katapa kêkô naŋ, Mose kêsôm gebe “O Apômtau, ômu ôndêŋ lau Israel nêŋ toŋ 1,000 to 1,000 ômôêŋ.”