16
Paila semakavi avaka bipilasi sedaiasi
1 Sitana balivala ammakawala bukusemakavaisi mani bipilasi sedaiasiyKugisi Rm 15.15,25-28; 2 Kr 8.1-4; 9.1-5; Gl 2.10. Yaubada la tomota tolesi Yudia. Ibodaimi bukuvagaisi makawala toekalesia mapilana Galetia, avaka laluki bivagaisi. 16.1 Rm 15.25-26 2 Mayamna Sunday wiki kwaitala kwaitala, ibodi taitala taitala yokomi bivilaisi sita mani metoya avaka kasi mapu paila si paisewa, sitanaga bisaimwaisi wala. E igau tutala bawokaiami bogwa magugulona mani ikanabogwa, e gala bibodi yeigu batitavina akatuyouli mi mani. 3 E igau tutala bawa bawitali matausina availa availa kunagaisi mwada bikeulasi mi semakavi bilauwaisi Yerusalem. E tutala bilauwaisi mi semakavi e oyumasi bikeulasi yatala leta paila bisimokwitasi matausina. 4 E kidamwa kala gigisa ibodi yeigu tuvaila bala Yerusalem, e bwaina wala, balau matausina tokeula semakavi e deli bakalosi mapilana.
Avaka Paulo inagi paila la titavina
5 Yeigu bogwa baulilavi Masedonia. E igau tutala basilavi Masedonia e bogwa bawokaiami. 16.5 VA 19.21 6 Adoki kaina tuta kaduwonaku yeigu deli yokomi bitasisuaisi kaina biboda kweluvala tula komwaidona. Oluviga gagabila yokomi bukupilasaigusi paila ulo kwaidadina ambaisa ambaisa balokaia. 7 Paila gala magigu bagisaimi tuta pikekita wala mwada basilavaimi. E mitaga apikwaku kidamwa yokomi deli yeigu bitasisuaisi tuta kaduwonaku, kidamwa Guyau bitagwala.
8 Mitaga lanagi ulo tuta kidamwa basisu wala mapilana Epeso igau bibudoki yamla Penitikosi.zKugisi makasana Biga Kala Katumiki.16.8 Tol 23.15-21; Kak 16.9-1116.8-9 VA 19.8-10 9 Paila bogwa labani tuta saina bwainigaga mapilana Epeso, e ibodaigu sainela bavagi wotetila kwaiveka, kalubikoya bidubadu mwada bisilibodaigusi.
10 Ilagoli, kidamwa TimotiaKugisi 1 Kr 4.17 kala katumiki. biwokaiami, bukuyamataisi matauna kidamwa bisibwabwaila oluwalaimi. Paila matauna iuwotetila paila Guyau, makawala goli yeigu auwotetila. 16.10 1 Kr 4.17 11 Gala availa bikaluwou matauna. Mitaga ibodi bukupilasaisi bisaitaula la titavina, e taga bibani kala kominimani. Mapaila bikaimilavau baisa yeigu. Paila yeigu atutuli matauna bikaimilavausi deli sedaiasi.
12 E balivala paila sodasi Apolo.bKugisi 1 Kr 1.12 kala katumiki. Sivabidubadu lakatululuti matauna kidamwa bivakawolaimi deli matausina sedaiasi. Mitaga matauna iwouwouya nanola, kaina ibodi biwa tuta baisa kaina igau avai tuta. Ilagoli avai tuta bigagabila, bogwa wala biwa.
Paulo italoi
13 Bukuuwayausasi. Bukutotusi peula omi dubumi. Bukutuvaluwasi. E bukupeulasi. 14 Komwaidona avaka kuuvagaisi ibodi bukuvagaisi uula wala yokomi toyebwaili.
15 Bogwa kunikolaisi sitana paila Setepano deli veyala. Ka, matausina todubumibogwa ikugwaiyaisi komwaidosi mina Akaia, e itugwalaisi titoulesi iwotitalaisi Yaubada la tomota. 16.15 1 Kr 1.16 16 E segwaia akatululutaimi kidamwa bukubokulaisi si uvakeda availa availa makawala matausina, deli si uvakeda availa availa ipupaisewasi iuwotetilasi deli matausina.
17 Saina mwamwasila nanogu paila Setepano, Potunato e Akaiko bogwa eimakaiagusi. Matausina kasitaitolu kaimapumi wala, 18 e iyomwasalaigusi makawala goli eiyomwasalaimi. Ibodaidasi bitaluluwaisi availa availa sedaiasi makawala matausina.
19 Mabudosina ekalesia mapilana Esia iwitalaisi si biga bobwailila baisa yokomi. Matauna Akila sola la kwava PirisilacMatausina tau sola la kwava kasitaiyu Paulo lubaila (kugisi VA 18.1-19). e deli mabudona ekalesia isigugulasi osi bwala iwitalaisi si biga bobwailila baisa yokomi todubumi. 16.19 VA 18.2 20 Sedaiasi komwaidosi mapilana baisʹe iwitalaisi biga bobwailila.
Bukuvakatusi taitala baisa taitala.
21 Ka, yeigu yamagu titoulegu agini baisa - “Yeigu Paulo ulo biga bobwailila baisa yokomi.”
22 Availa gala iyebwaili Guyau ibodi Yaubada bibuloti.
“Marana Ta”dMina Aram si biga, e kwaitala nigada tuta tuta binigadasi, kala kivila bogwa taginisi, “Mwa, Guyau, kuma!” - Mwa, Guyau, kuma!
23 Guyau Yesu la mitakwai bisikailimi.
24 Ulo bobwailila baisa yokomi komwaidomi paila uula kala vasosu Keriso Yesu.
y16:1 Kugisi Rm 15.15,25-28; 2 Kr 8.1-4; 9.1-5; Gl 2.10.
16:1 16.1 Rm 15.25-26
16:5 16.5 VA 19.21
z16:8 Kugisi makasana Biga Kala Katumiki.
16:8 16.8 Tol 23.15-21; Kak 16.9-11
16:8 16.8-9 VA 19.8-10
a16:10 Kugisi 1 Kr 4.17 kala katumiki.
16:10 16.10 1 Kr 4.17
b16:12 Kugisi 1 Kr 1.12 kala katumiki.
16:15 16.15 1 Kr 1.16
c16:19 Matausina tau sola la kwava kasitaiyu Paulo lubaila (kugisi VA 18.1-19).
16:19 16.19 VA 18.2
d16:22 Mina Aram si biga, e kwaitala nigada tuta tuta binigadasi, kala kivila bogwa taginisi, “Mwa, Guyau, kuma!”