11
Dubumi
1 Kidamwa tadubumaisi, bogwa tanikolaisi igau bitayosisi avaka tapikwakwaisi, e gala taninayuwasi. E kidamwa tadubumaisi, bogwa talumkolaisi vavagi makwaisina avaka gala gagabila bitagisaisi, e gala biwouya ninadaisi. 2 E matausina tomoyabogwa Yaubada ikabwaili paila uula todubumi matausina.
3 Yakidasi todubumi e mapaila takatetasi kidamwa Yaubada eibubuli valu komwaidona metoya ola biga; e avaka eiyosi gala gagabila bitagisi mitaga ivigaki vavagi makwaisina avaka gagabila wala bitagisi. 11.3 Vit 1.1; Sam 33.6,9; Yn 1.3
4 Matauna Eibeli todubumi, e baisa uula ikasali lula baisa Yaubada ikalisau tuwala Keni la lula. Paila uula la dubumi Yaubada ikabwaili matauna kidamwa tomitukwaibwaila, paila la semakavi ikwami lopola Yaubada. Matauna Eibeli bogwa ikaliga mitaga tuta baisa ililivala paila uula la dubumi. 11.4 Vit 4.3-10
5 Matauna Inoki todubumi e mapaila gala ikaliga, paila tomwamova ila walakaiwa; e gala availa gagabila bigisi migila, paila uula Yaubada eilau matauna. E Buki Pilabumaboma kala ginigini isisu paila Inoki kidamwa igau gala bila walakaiwa eiyomwasali nanola Yaubada. 11.5 Vit 5.21-24 6 E kidamwa dubumi gala, gala wala gagabila bitayomwasali nanola Yaubada. Kidamwa availa goli bililowotu bila baisa Yaubada ibodi bidubumi Yaubada isisu, e bidubumi kidamwa Yaubada bimapu baisa availa availa ininevaisi matauna.
7 Yaubada eilukibogwi Nowa paila avaka avaka igau bikaloubusi. E Nowa gala gagabila bigisi vavagi makwaisina, mitaga matauna Nowa todubumi, mapaila ilagi e itavi waga ikoli litula komwaidosi. Metoya ola kabikaula Nowa ikamogi komwaidosi mina watanawa paila gala idubumaisi, e mapaila Yaubada ivigaki matauna wala tomitukwaibwaila metoya ola dubumi. 11.7 Vit 6.13-22
8 Matauna Eberaam todubumi e mapaila ikabikaula tuta makwaina Yaubada idou matauna bisilavi la valu bila valu ituwoli. Makwaina valu Yaubada eikatotila bisaiki matauna. E matauna ivitouula isilavi viloutabula e gala inikoli ambaisa bila. 11.8 Vit 12.1-5 9 Matauna todubumi e mapaila itogilagala ila mapilana valu Yaubada eikatotila baisa matauna. E Eberaam la boda isisuaisi osi bwala buliyoyova; e eisakaili Aisake oluvi Yekobe makawala wala, paila matausina deli kala tokeula avaka Yaubada eikatotila. 11.9 Vit 35.27 10 Paila Eberaam itutuli valu makwaina igau Yaubada bibudi otumalela makwaina tumilabogwa.
11 Minana Sera nadubumi, e mapaila gagabila bibani latula, kalubikoya minana nakaliga wala deli bogwa ivinumoya. Paila idubumi Yaubada bivagi makawala la biga katotila. 11.11 Vit 18.11-14; 21.2 12 E matauna Eberaam itomoya e igau makateki goli bikaliga, mitaga eiuni latula. E mapaila metoya baisa matauna kalamwaleta leima saina bidubadu tubula, bidalasi makawala utuyam wa labuma, deli makawala goli kasi bawa kanakenuva olumata, gala ibodi bitakalau. 11.12 Vit 15.5; 22.17; 32.12
13 E komwaidosi matausina todubumi mitaga ikaligasi gala ibanaisi avai vavagi Yaubada la biga katotila. Mitaga itotusi kaduwonaku igigisaisi deli ikabwailisi biga katotila makwaina. Paila ikamitulaisi mimilakatila kidamwa matausina togilagala, deli tolomakava baisa ovalu watanawa. 11.13 Vit 23.4; 1 Lil 29.15; Sam 39.12 14 E matausina availa availa eikamitulaisi makawala, bogwa eilivalasi mimilakatila kidamwa inainevisi avai valu mwada si viloutoula wala. 15 Matausina gala ininanamsaisi avai vaiu isilavaisi. Kidamwa makawala goli bivagaisi, bogwa bibanaisi si keda bikaimilavausi. 16 Mitaga bogwa ikau ninasi valu tuwoli saina bwainigaga mapilawena labuma. E mapaila Yaubada gala bimmosila kidamwa bidokaisi matauna si Yaubada, uula matauna bogwa ikatubiasibogwi si valu.
17 Matauna Eberaam todubumi, e mapaila ikasali latula Aisake mwada bilula baisa Yaubada. Paila Yaubada igau leiwakoli matauna mwada bivagi makawala. Eberaam goli kala tokeula Yaubada la biga katotila, mitaga bogwa itagwala bikasali latula gudikesazEberam latula taiyuwela eisisu paila la ula eivilulu magudina Isimeili. Mitaga Aisake eikaloubusi paila uula Yaubada la biga katotila baisa Eberaam, mauula eidokaisi Aisake latula gudikesa. bilula baisa Yaubada. 11.17 Vit 22.1-14 18 Paila Yaubada leikaibiga baisa Eberaam, kawala, “Tubumwa bidalasi metoya baisa Aisake.” 11.18 Vit 21.12 19 E Eberaam idoki gagabila Yaubada bivigaki Aisake bimovavau. E sitana makawala goli, paila Aisake isisu kaliga olopola e Yaubada leitugwalivau gwadi baisa Eberaam, e bogwa imovavau.
20 Matauna Aisake todubumi e mapaila inigada baisa Yaubada kidamwa tuta igau bima bimitukwaii Yekobe deli Iso. 11.20 Vit 27.27-29,39-40
21 Matauna Yekobe todubumi e tuta matutona katitaikina bikaliga inigada baisa Yaubada kidamwa bimitukwaii kasitaiyu matausina Yosepa litula. E la kaitukwa ivitobu okukula ikavagina omatala Yaubada. 11.21 Vit 47.31—48.20
22 Matauna Yosepa todubumi, e mapaila la tuta katitaikina bikaliga ilivala paila mina Isireli igau bikogutasi metoya Itipita bilosi. E deli, kasi karaiwaga iluki paila wowola. 11.22 Vit 50.24-25; Sun 13.19
23 Tutala Mosese ikaloubusi, gwadi gudiminabwaita sainela, e ikatupwanaisi iboda natonu tubukona. Paila inala tamala matausina todubumi, e gala ikokolasi bikoulovaisi guyau la karaiwaga. 11.23 Sun 1.22; 2.2
24 Matauna Mosese todubumi. Ola tuta gwadi minana latula guyau iyamati. Mitaga tutala bogwa itoveka ipaiki kidamwa tomota bidokaisi minana mwada inala. 11.24 Sun 2.10-12 25 E bogwa inagi kidamwa ibodi bilumkoli mmayuyu deli Yaubada la tomota, e gala goli kidamwa mitugaga biyomwasali nanola paila tuta pikekita wala. 26 Paila bogwa inanamsa kidamwa mayuyula bigigaga paila uula Mesaia bikalisuwoli komwaidona si veiguwa mina Itipita. Uula bogwa imitakavati tuta oluvi bikau mapula.
27 Matauna Mosese todubumi, mapaila isilavi Itipita e gala ikokola paila guyau la gibuluwa. Gala bivayeita, paila uula makawala eigisi Yaubada matauwena goli gala gagabila bitagisi. 11.27 Sun 2.15 28 Matauna todubumi, paila bogwa ikaguli Luvapela Pakala eikaraiwaga kidamwa buyavi bikatusokaisi wa lulu, kidamwa matauna Anelosi Tokwatumata bigisi taga bikatumati molitomoya litusia mina Isireli. 11.28 Sun 12.21-30
29 Matausina mina Isireli todubumi, e ipwapwasa biluvapelasi Bolita Pilabweyani makawala yabala; e mina Itipita ivigikonaisi biluvapelasi e sopi ikatukuluvi matausina idoumsi. 11.29 Sun 14.21-31
30 Matausina mina Isireli mina dubumi, e mapaila ititavinasi mapilana Yeriko kwailima kwaiyu yam, e kalila isiyaila ikaligeyai. 11.30 Yos 6.12-21 31 E Reyabi nakalimwala minana nadubumi, e mapaila gala bikaliga deli matausina eikoulovaisi Yaubada, uula bogwa eiboda matausina tovakawali valu ivauli matausina. 11.31 Yos 2.1-21; 6.22-25
32 Avaka tuvaila balilivala? Paila gala ayosi tuta kidamwa balivala paila Gidioni, Baraki, Samsoni, Yepata, Debida, Samwela, deli goli tovitoubobuta. 11.32 Tok 4.6—5.31; 6.11—8.32; 11.1—12.7; 13.2—16.31; 1 Sml 1.1—1 Gwe 2.11 33 Paila matausina todubumi. E mapaila ikabiliasi mwada biyosisi tuwoli valu tuwoli valu e ipeulasi wala; ivagaisi avaka avaka duwosisia; e tuvaila ikauwaisi avaka eikatotila Yaubada. Ivabodaisi udosi laiyoni; 11.33 Dan 6.1-27 34 ikimataisi kova kovalululu; e isakauligilaisi kasi puluta. Matausina imamasi mitaga eipapeulasi wala; otutala kabilia topeuligaga matausina; ibokavilaisi kasi tilaula ikalisuwolaisi matausina. 11.34 Dan 3.1-30 35 Mimilisi vivila todubumi, e mapaila minasina eibanaisi kasi tomata eimovavausi. 11.35 1 Gwe 17.17-24; 2 Gwe 4.25-37
Mimilisi tomota eibodaisi kasi yogagi okaliga. Paila ipakaisi gala magisi kasi tilaula bitanekwaisi mwada bisibwabwailasi watanawa. Paila uula magisi bimovavausi bisibwabwailasi walakaiwa. 36 Mimilisi kasi mwau ibodaisi; ikikatudeuwaisi deli iwawaiasi; kaina ikatupipaisi isailisi bwala katupipi. 11.36 1 Gwe 22.26-27; 2 Lil 18.25-26; Yer 20.2; 37.15; 38.6 37 Ikabidikunaisi. Uwosi itavikaisi pilayu wa sowa. Ikatumataisi opuluta. Isikamsi kanuvinesi sipi kaina gota, paila tonamakava, ililomakavasi wala. E tomota ilamidadaisi ibodaisi mwau sainela. 11.37 2 Lil 24.21 38 Komwaidosi mina watanawa kasi bwaina gala gagabila bikalisuwoli kasi bwaina matausina todubumi. Ililomakavasi ambaisa ambaisa oraibwaga deli wa koya, imili valusi wa lagi deli omlopu.
39 E, ka! Livalesi matausina todubumi saina siligaga. Mitaga gala bikauwaisi avaka Yaubada eikatotila. 40 Paila uula Yaubada igisibogwi e inagi avaka bikalisau sainela paila yakidasi. Paila Yaubada nanola kidamwa bivigaki matausina deli yakidasi boda gulitinidesi wala, e kidamwa goli bikabwailidasi komwaidodasi wala.
11:3 11.3 Vit 1.1; Sam 33.6,9; Yn 1.3
11:4 11.4 Vit 4.3-10
11:5 11.5 Vit 5.21-24
11:7 11.7 Vit 6.13-22
11:8 11.8 Vit 12.1-5
11:9 11.9 Vit 35.27
11:11 11.11 Vit 18.11-14; 21.2
11:12 11.12 Vit 15.5; 22.17; 32.12
11:13 11.13 Vit 23.4; 1 Lil 29.15; Sam 39.12
z11:17 Eberam latula taiyuwela eisisu paila la ula eivilulu magudina Isimeili. Mitaga Aisake eikaloubusi paila uula Yaubada la biga katotila baisa Eberaam, mauula eidokaisi Aisake latula gudikesa.
11:17 11.17 Vit 22.1-14
11:18 11.18 Vit 21.12
11:20 11.20 Vit 27.27-29,39-40
11:21 11.21 Vit 47.31—48.20
11:22 11.22 Vit 50.24-25; Sun 13.19
11:23 11.23 Sun 1.22; 2.2
11:24 11.24 Sun 2.10-12
11:27 11.27 Sun 2.15
11:28 11.28 Sun 12.21-30
11:29 11.29 Sun 14.21-31
11:30 11.30 Yos 6.12-21
11:31 11.31 Yos 2.1-21; 6.22-25
11:32 11.32 Tok 4.6—5.31; 6.11—8.32; 11.1—12.7; 13.2—16.31; 1 Sml 1.1—1 Gwe 2.11
11:33 11.33 Dan 6.1-27
11:34 11.34 Dan 3.1-30
11:35 11.35 1 Gwe 17.17-24; 2 Gwe 4.25-37
11:36 11.36 1 Gwe 22.26-27; 2 Lil 18.25-26; Yer 20.2; 37.15; 38.6
11:37 11.37 2 Lil 24.21