1 Guyau ilukwaigu kawala, “Bukula tuvaila e kukwalubaili minana vivila tutala ikikailasisi deli lubaila. E ibodaim bukuyebwaili minana makawala goli yeigu tuta baisa ayebwaili mina Isireli. Kalubikoya goli matausina itovilasi baisa mimilisi yaubada ituwoli e mwada bikauwaisi kaiuwala waini bivigakaisi si semakaviiBivakalisi kaiuwala waini bivigaki si semakavi baisa minasina yaubada sasopa, paila uula eidokaisi minasina bisakaisi si tayoyuwa saina bwainigaga. baisa tokolu.”

2 Mapaila amapu kweluwotala kwailima siliba deli luwotolu petala bali e lagimoli minana. 3 E laluki minana ibodi wala tuta kaduwonaku bitutulaigu, e wa tuta matutona gala wala bikalimwala kaina bikailasi. E komwaidona tuta matutona yeigu tuvaila batutuli minana. 4 Paila ka — makawala goli mina Isireli bisisuaisi tuta kaduwonaku gala si gweguya kaina kasi tokwaraiwaga, gala lula, gala makaisina kokola dakuna kwebumaboma, gala tokolu, e gala wala makwaisina vavagi kabovitoubobuta. 5 Mitaga igau bima tuta matutona mina Isireli bininavilasi baisa Guyau si Yaubada, e bitovilakaisi taitala tubula guyau Debida. E wa tuta matutona bikukolaisi Guyau e bibanaisi bidubadu la mitakwai.