2
1 Mapaila bukudokaisi semia mina Isireli yagasi “Yaubada La Tomota”, deli “Mina Mbwailila Guyau”.
Goma la kalimwala deli mina Isireli si kalimwala
2 Litugwa, kumnabisi baisa inami. Mitaga ka! minana goli gala ulo kwava tuta baisa, e yeigu gala la mwala. Kumnabaisi kidamwa biligaiwa la kailasi deli la kalimwala. 3 Kidamwa gala biligaiwa la mitugaga, e bavigaki minana bikimwadu makawala yam makwaina eikaloubusi. Bavigaki minana bisimakava makawala viloupakala, e daka wala bikimati. 4-5 Gala banokapisi litula, paila inasi nakalimwala gala wala sitana isim kala mmosila.eisim kala mmosila. Gagabila bitagini, “magudisina makawala inasi nakalimwala goli gala isim kasi mmosila.?? Paila minana titoulela eikaibiga, kawala, “Balokaia lubaigwa. Tuta tuta ibububwaigusi kaula, sopi, agu kwarekwa yabidubadu deli yakakalaia, bulamila olibe deli waini.”
6 Mapaila yeigu bala ayokanikani minana metoya kai kaigunigwaini, e bawaiya dakwa batavini batapatu e batabodi la keda minana. 7 E minana mwada bisakaula bilokaia lubʹaila mitaga gala wala biboda matausina. E minana binainevi mitaga gala wala bibani matausina. E oluvi minana bikaibiga, kawala, “Bakeiita balokaia agu vaigwadi, tuta ikugwa ulo sisu bwaina gala makawala baisa tuta.”
8 Gala avai tuta minana bisimokwita kidamwa yeigu agumwaguta basaiki minana kawailuwa, waini, deli bulamila olibe deli komwaidona siliba deli goula minana eiyosi paila bitapwaroru baisa Beali.fMinana yaubada sasopa, e tomota bitapwarorusi baisa minana mwada bivigaki si bagula bikabinai deli vivila nani bisumasi. 9 Mapaila otutala tayoyuwa yeigu bakaimali kawailuwa deli waini bogwa lasaiki minana, e bakaimali kwama yabidubadu deli yakakalaia. bogwa lasaiki paila bisisikam. 10 E bavigaki minana bikimwadu omitasi lubʹaila, e gala taitala gagabila bikoli minana metoya ogu peula. 11 E bakatubodi komwaidona kala paka - paka makwaisina eiuvagi taitu taitu deli tubukona tubukona, e deli kamkwam makwaisina eiuvagi sabate sabate, komwaidona la tapwaroru sigugulela. 12 Bakodidaimi matamsina waini deli makaisina seuseu, baisa eilivala mwada buwala metoya baisa lubaila. La bagula bigulesi waini deli kawailuwa bavigaki biliya. Bolodila bikodidaimisi bagula makwaisina. 13 E bamipuki minana paila tuta makwaisina ilumwelavaigu, avai tuta igubugabu maiina simasimina baisa Beali, deli ikatububula kidamwa bila ikatukulokola lubaila mwada bibodi Guyau bogwa leilivala.
Guyau iyebwaili la tomota
14 E mapaila balau minana oviloupakala tuvaila e mapilana batavili nanola minana metoya bigala yebwaili e bisivilakaigu. 15 Bakaimali baisa minana makubilasina bigulela waini, deli mapilana Itayatilela Kabomwau bavigaki kala lulu pikwaku. Paila mapilana goli minana bimapu kaigagu makawala eivagi tutala okapugulela, tuta makwaina eisunapula metoya mapilana Itipita ima. 2.15 Yos 7.24-26 16 Makwaina tuta bidokaigu tuvaila la mwala, e gala goli avai tuta tuvaila bidokaigu la Beali.gMina Kenani si yaubada Beali, e maigana kala katumiki kwaiyu, “guyau” deli “mwala”. 17 Yeigu gala avai tuta batagwala minana bikavitagivau yagala Beali.
18 Wa tuta matutona bakabutu minasina bolodila deli mauna nayoyowa, kidamwa gala biyogagaisi ulo tomota. Deli igau bakatuyouli komwaidona guguwala kabilia metoya ovalu, komwaidona puluta deli kaiyala, e batagwala ulo tomota bivakota si valu deli gala avaka biyogagi matausina.
19 Ve! Isireli, igau bavigakaim yoku ulo kwava.
Yeigu tuta komwaidona bavagi makawala ulo katotila.
Bamitukwaiyaim deli banokapisiaim
e bavigakaim yoku ulo vavagi, tuta gala biwokuva.
20 Bogwa bavagi makawala akatotila, kidamwa yoku bavigakaim ulo vavagi,
e yoku bukusimokwita kidamwa yeigu goli Guyau.
21-22 E tuta makwaina bamapu avaka si nigada ulo tomota mina Isireli.hmina Isireli. Gagabila bitagini, “mina Yesireeli”; kugisi tuvaila Osi 1.4,11.
Bavagi kuna kidamwa bikuna baisa ovalu watanawa,
e pwaipwaia biluvabwaila witi, waini deli olibe.
23 Basaili ulo tomota bisigagasi mapilana valu, e bisibwabwailasi.
Bamitakwai baisa matausina yagasi “Gala Yebwaili”,
deli baisa matausina yagasi “Gala Ulo Tomota”.
Ka, bogwa bakaibiga, “Yokomi ulo tomota!”
e bimapwaisi, “Yokula ma Yaubadasi.” 2.23 Rm 9.25; 1 Pt 2.10
e2:4-5 isim kala mmosila. Gagabila bitagini, “magudisina makawala inasi nakalimwala goli gala isim kasi mmosila.??
f2:8 Minana yaubada sasopa, e tomota bitapwarorusi baisa minana mwada bivigaki si bagula bikabinai deli vivila nani bisumasi.
2:15 2.15 Yos 7.24-26
g2:16 Mina Kenani si yaubada Beali, e maigana kala katumiki kwaiyu, “guyau” deli “mwala”.
h2:21-22 mina Isireli. Gagabila bitagini, “mina Yesireeli”; kugisi tuvaila Osi 1.4,11.
2:23 2.23 Rm 9.25; 1 Pt 2.10