40
Si pikwaku Yaubada la tomota
1 E Guyau da Yaubadasi eilukwaigu kawala,
“Kukwatigam luposi ulo tomota.
Kukwatigam luposi matausina!
2 Kukwatupewoli mina Yerusalem.
Ka, kuluki matausina mwada yeigu lamipuki matausina paila si mitugaga komwaidona mapula,
mapaila kasi mmayuyuhBaisa si katupipi mapilana Babilonia. bogwa goli biwokuva
deli si mitugaga bogwa laligaiwa.”
3 Taitala idoudou kawala,
“Kukwatubiasaisi ovilouwokuva la keda Guyau!
Kukwatumigileuwaisi la keda da Yaubadasi oviloupakala! 40.3 Md 3.3; Mk 1.3; Yn 1.23
4 Kukwalidubolaisi komwaidona itayatila,
e kukelaisi komwaidona koya kwevakaveka bibusisi.
E dubakaila bimila kabatau,
e kabigaga omi valu kukwatudubunaisi. 40.3-5 Lk 3.4-6
5 E matutona goli Guyau biyomitali la guyugwayu,
e komwaidona mina watanawa bogwa bigisaisi.
Ka, baisa Guyau titoulela bogwa eikatotila makawala.”
6 E taitala idoudou kawala, “Kukwamituli mabigasina!”
E yeigu akatupoi kawagu, “Avai biga bakamituli?”
E kawalaga, “Kukwamituli kawam, mina watanawa komwaidona makawala mnumonu,
e matausina si momova kala kaduwonaku makawala goli lala. 40.6-8 Ym 1.10-11; 1 Pt 1.24-25
7 Avai tuta Guyau biwitali yagila biuu,
mnumonu biyagisi e lalesi bikalidubali.
E tomota si tuta kala kaduwonaku makawala goli mnumonu.
8 E mokwita goli mnumonu iyagi e lalela ikalidubali,
mitaga da Yaubadasi la biga bikanuvagasi goli.”
9 Eei, guma Yerusalem, kumwena kula odabala koya kwaiveka,
e kukwamituli bulogala bwaina!
Guma Saiyoni, kudou okaigam kaigaveka,
e kukwamituli bulogala bwaina!
Mwa! Kukwatuvagwagu wala e gala bukukokola.
Kuluki tomota eisisuaisi oviluwela Yuda
si Yaubada bogwa goli leimaima!
10 E ka, Guyau Yaubada bima biguyau deli peuligaga,
e bima bimai la mapuiYaubada bogwa bikoli la tomota bitaneku metoya okasi katupipi mapilana Babilonia. paila la tomota. 40.10 Ais 62.11; YG 22.12
11 Matauna biyamati la yawa makawala goli taitala toyamata sipi.
Matauna bikouguguli lam komwaidona
e bikopwi minasina.
E matauna bivamanum wala bivakadi inisia lam. 40.11 Isi 34.15; Yn 10.11
Mina Isireli si Yaubada matauna Giyoukesa wala
12 Ki, ibodi availa bitali sopi oyamala e bikalau kala bawa sopi obolita?
Kaina biuwi labuma oyamala?
Ki, availa ibodi bivakasau komwaidona pwaipwaiala valu watanawa metoya kwelatala viga?
Kaina bivisaikoli koya deli dubakaila kasi mwau metoya okabovisaikola?
13 Ki, availa ibodi biluki Guyau avaka bivagi?
Availa ibodi bivituloki kaina bitayuvisi avaka baisa matauna? 40.13 Rm 11.34; 1 Kr 2.16
14 Ki, avai tomota ibodi bivituloki Yaubada
mwada binikoli deli bikateta,
deli goli bitapuloki nanola e bivagi vavagi kwaitala kwaitala?
15 Mitaga Guyau bidoki boda kwaitala kwaitala gala wala avaka,
e mabudosina makala wala litukwa,
e simla makwaisina kaduwonaku kasi gagabila makala wala tubumyou.
16 E komwaidona mauna oudilela Lebanoni gala wala ibawasi
paila bitalulasi baisa da Yaubadasi,
deli kaila gala kala bawa paila bitavigakaisi kovala lula makwaina.
17 Mapaila boda kwaitala kwaitala idoki gala wala avaka dimlesi.
18 Ki, availa ibodi bitavisaiki makawala Yaubada?
Kaina ammakawala bitakamitububuli kala gigisa matauna? 40.18-19 VA 17.29
19 Ka! Matauna gala makawala tokolu.
Paila toyoudila eiyoudulaisi tokolu,
deli tanumnumta topaisewala isailisi goula paila kala katububula
e ivitauwaisi okabosakaila makwaina silibawokuva wala.
20 Avai tau matauna gala gagabila bibani siliba kaina goula
binagi bubotala kai mabubona gala gagabila bipwasa.
Matauna binevi taitala tokataraki totavi tokolu,
e biyouduli natana tokolu gala igagabila bikapusi.
21 Ki, gala kunikolaisi?
Kaina gala availa ilukwaimi omitibogwa?
Kaina gala kulilagaisi ammakawala valu watanawa eivitouula?
22 Ka! Valu watanawa kala tobubula, matauna wala tuta komwaidona bisisu ola takaikaia,
odabala valu watanawa deli odabala labuma.
E tomota osikowala kasi vakaila makala wala lata kasi vakaila.
Matauna ikatuvakai labuma makawala yatala laya,
e ivigaki makawala buliyoyova paila si kabosisu tomota.
23 Matauna ivabu tokwaraiwaga saina mina papeula metoya osi kabokwaraiwaga,
e ivigaki matausina gala wala avaka.
24 Matausina makala wala sobula,
makateki wala eisusinasi e gala wala kailawalisi.
Ka, avai tuta Guyau biwitali yagila bima,
bivisi matamsina bimatutilasi e biyuvisau bilau makawala wawa wala.
25 Ki, availa ibodi bitavisaiki makawala Yaubada Tobumaboma?
Ki, availa taitala tuvaila makawala matauna?
26 Ka, kukowanasi wa labuma!
Availa eibubuli utuyam minasina lokugigisaisi?
Ka, matauna ivisunupulovi minasina makawala budotala tokwabilia,
matauna goli inikoli avaka kasi bawa.
E gala wala avai tuta natana minasina bitamwau,
paila matauna ididou yagasi natana natana minasina.
Matauna la peula saina vakaigaga!
27 Mitaga mina Isireli, avaka paila baisa tuta kutakulukulusi
mwada Guyau gala wala ininikoli kami mwau
kaina gala itovilakaimi avai tuta bukubodasi mmayuyu metoya karaiwaga doudoga?
28 Ki, gala kunikolaisi? Kaina gala kulilagaisi?
Ka, Guyau Yaubada matauna tosivagasi.
Matauna goli eibubuli komwaidona valu watanawa.
Matauna gala wala avai tuta isisomata kaina ikikamagwesi.
Deli gala wala availa ikikateta la nanamsa.
29 Matauna ikatupewoli availa matausina mina mamama deli kasi somata.
30 Ilagoli matausina tubovau bogwa wala bimamasi,
deli matausina tubovau bogwa bikapusisi deli kasi somata.
31 Mitaga availa matausina idubumaisi Guyau paila pilasi,
matausina bogwa bibanaisi si peula bivigivau.
Matausina biyowasi makawala mluveka.
Matausina bisakaulasi mitaga gala bisomatasi,
e bililoulasi mitaga gala wala bimamasi.
h40:2 Baisa si katupipi mapilana Babilonia.
40:3 40.3 Md 3.3; Mk 1.3; Yn 1.23
40:4 40.3-5 Lk 3.4-6
40:6 40.6-8 Ym 1.10-11; 1 Pt 1.24-25
i40:10 Yaubada bogwa bikoli la tomota bitaneku metoya okasi katupipi mapilana Babilonia.
40:10 40.10 Ais 62.11; YG 22.12
40:11 40.11 Isi 34.15; Yn 10.11
40:13 40.13 Rm 11.34; 1 Kr 2.16
40:18 40.18-19 VA 17.29