41
Yaubada la kakikita baisa mina Isireli
1 Yaubada ilivala kawala,
“Yokomi mi valu omiloutala, kumanumsi e kunakaigalaigusi!
Kukwatubaiasasi paila avaka bukulivalasi okaboyakala.
Yokomi isim mi tuta paila bukulivalasi.
Kumaisi tatogugulasi okaboyakala e bitanagaisi availa ikamokwita.
2 “Avai tau leimai matauna totomgwaga metoya opilibomatu,jTau matauna yagala Sairusa guyoula Pesia 555—529 BC. Matauna iyouli Babilonia wa taitu 539 BC e oluvi eitaneku mina Yuda metoya okasi katupipi e ikaimilavausi osi valu tatousi; kugisi Esi 1.1-4.
e eivigaki matauna bikikalisewa wala ambaisa ambaisa ilokaia ke?
Availa eisisaiki la tomgwaga odubasi gweguya deli boda komwaidona ke?
Metoya ola puluta iwawaiya matausina ikikapusisi makawala tubumyou eiyuvisau.
E metoya ola kaiyala ibutugigai matausina makawala goli wawa eiyuvisau wa yagila.
3 Matauna ibokavili matausina ilau, mitaga tominabwaita wala.
Ka, saina togigibula, e kaikela kala gigisa makawala gala wala ititokaila pwaipwaia.
4 Availa eivigaki makawala baisa eikaloubusi ke?
Availa eivagi vavagi kwaitala kwaitala kwevakaveka paila tomota bivigakaisi si kabosailiu ke?
Ka, yeigula Guyau, yeigu goli tosibogwa okala vitouula,
e yeigu goli Guyau basivagasi okala vigimkovila.
5 “E tomotala valu makwaisina omiloutala bogwa leigisaisi avaka yeigu lavagi.
Matausina ikokolasi deli itatatuvasi paila kasi kokola.
Mapaila matausina komwaidosi ikougugulasi e imaisi.
6 E matausina toyoudila ipipilasisi deli ikikatupewolaisi taitala baisa taitala.
7 E matauna tokaliai biluluki matauna goula kala topaisewa, kawala, ‘Bogwa kuvigibau!’
E matauna kala tokatudubuna tokolu
ikikatupewoli matauna ikikatuvilatu namwaidona tokolu.
Matausina ilivalasi kawasi, ‘Saina bwaina eiluvasosu’,
e oluvi matausina ikatuvilataisi minana tokolu okabala e taga bikapusi.
8 “Mitaga yokomi mina Isireli, yokomi ulo towotetila.
Yokomi mabudona tomota bogwa lanagaimi,
e yokomi Eberaam tubula, matauna lubaigu. 41.8 2 Lil 20.7; Ym 2.23
9 Ka, yeigula lamaiyaimi metoya ovalu watanawa okala vigimkovila.
E yeigula ladouwaimi metoya ovalu watanawa kala wokulu,
e lalukwaimi kawagu, ‘Yokomi ulo towotetila.’
E yokomi goli lanagaimi, e gala apakaimi.
10 E gala bukukokolasi - ka, yeigu goli deli yokomi!
Yeigu goli mi Yaubada - e taga avai vavagi bivitukukolaimi!
Yeigu bavigakaimi bukupeulasi deli bapilasaimi.
Yeigu bakolaimi deli bakatumovaimi.
11 “E matausina igibuluwaimi
bogwa goli bukuyomsilaisi matausina, matutona bukukwalisauwaisi.
Matausina biyowaisi deli yokomi bogwa goli bikaligasi,
12 e bogwa bitamwausi mokwita metoya ovalu watanawa.
13 Yeigu goli Guyau mi Yaubada.
Yeigu akatupewolaimi deli alukwaimi, kawagu,
‘Gala bukukokolasi. Yeigu bogwa bapilasaimi.’ ”
14 E Guyau ilivala kawala,
“Mina Isireli, yokomi saina budokekita deli budomama,
mitaga lalukwaimi gala bukukokolasi. Yeigu bogwa bapilasaimi.
Yeigu mina Isireli mi Yaubada tobumaboma, yeigu goli kami tokatumova.
15 Ka, bogwa bavigakaimi makawala kaitala tayoyuwa daimala,
kaivau wala deli kaikakata.
Yokomi bukukelaisi koyakBaisa kilikeli ivigaki kabutuvitusila si tomgwaga odubasi boda ituwoli ituwoli. e bukukelisauwaisi,
e dubakaila bimila tubumyou wala.
16 E yokomi bukulavaisi wawa biloula walakaiwa,
e yagila biyuvisau bilau,
e utuyagila bogwa biyuvisau bilau ambaisa ambaisa.
E matutona goli yokomi bukumwasawasi paila uula yeigu goli mi Yaubada.
Yeigu goli mina Isireli mi Yaubada tobumaboma.
E yokomi bukuyakawolaigusi.
17 “E avai tuta ulo tomota bogwa bipakala kaiyasi kasi daka,
e matausina bisavalisi paila magisi sopi,
ka, wa tuta matutona yeigula Guyau bamapu si nigada.
E yeigu mina Isireli si Yaubada gala avai tuta basilavi matausina.
18 Yeigu bogwa bavagi waya bititayelusi oluwalaisi koya makwaisina kwaiukuwokuva,
deli sopi bititayelusi metoya oitayatila.
E bavigivau viloupakala kidamwa bikasewoki katuwotu
deli obidapakala bititayelusi wala sopi.
19 Yeigu bogwa bavagi kweisila bisusinasi oviloupakala, deli goli meku, gumgwam toyo olibe.
E ovilouwokuva bavigaki bimila udila,
e udilela wala yayu, kaga deli reiyava.
20 E tomota bigisaisi baisa e binikolaisi
yeigula Guyau lavagi baisa.
E matausina bogwa bikatetasi
yeigu mina Isireli mi Yaubada tobumaboma lavigaki vavagi makwaisina eikaloubusisi.”
Guyau Yaubada ikavilaki yaubada sasopa
21 Ka! Guyau matauna guyoula Isireli la biga baisa makawala.
“Yokomi minasina yaubada, boda ituwoli ituwoli si yaubada,
kulivalaisi avaka ninami okaboyakala,
deli kumaiyaisi avaka mi kauvikulu!
22 Kuvasekalasi kumaisi e kuvitoubobutasi avaka bikaloubusi,
e gagabila yakamaisi bakanikolaisi avai tuta bikaloubusi makawala.
E otutala yakala kutanekwaisi avaka omitibogwa eikaloubusisi,
deli kulukwaimasi avaka kasi katumiki.
23 E kulukwaimasi avaka tuta omatadasi bikaloubusi,
e mapaila yakamaisi bakanikolaisi yokomi goli yaubada mokwita!
Kuvagaisi avai vavagi bwaina kaina kumaiyaisi avai kaboyogagi,
e yakamaisi bakakokolasi, deli biyowa lupomaisi.
24 Ka! Yokomi gala wala avaka dimlemi, deli komwaidona avaka avaka lokuuvagaisi gala wala dimlesi.
E kabommosila baisa matausina availa eitapwarorusi baisa yokomi!
25 “Ka, yeigu bogwa lanagi taitala tau eisisu mapilana opilibomatu.lKugisi kala katumiki Ais 41.2.
E yeigu basuyaim matauna mapilana opiliyavata e bamai bikabilia deli yokomi.
Matauna bivapupoi tokwaraiwaga makawala pwadidiweta bivapupoi,
kaina makawala towaila kulia bikipupoi mlomwaluva.
26 Ki, availa natana yokomi eivitububoti mwada bikaloubusi makawala,
kidamwa yakamaisi bakalivalasi yokomi bogwa kukwamokwitasi ke?
Ka, gala wala natana yokomi ilivala bigatala biga paila baisa.
Gala wala availa ilagaimi kulivalaisi avai vavagi!
27 Ka! Yeigu wala Guyau, e yeigu wala alivalabogwa baisa mina Saiyoni paila bulogala vavagi makwaina.
E yeigu awitali taitala ila Yerusalem bilivala kawala,
‘Mi tomota bogwa leimeimaisi! Matausina eikikaimilavausi omi valu!’
28 Avai tuta lagigisi minasina tokolu,
gala wala natana gagabila bilivali avai vavagi,
deli gala wala natana ibodi bimapu katupoi makwaisina lakatupoi minasina.
29 Komwaidosi minasina yaubada gala wala dimlesi,
deli minasina gala wala bivagaisi avai vavagi.
Minasina tokoluwokuva wala deli gala wala isim si peula.”
j41:2 Tau matauna yagala Sairusa guyoula Pesia 555—529 BC. Matauna iyouli Babilonia wa taitu 539 BC e oluvi eitaneku mina Yuda metoya okasi katupipi e ikaimilavausi osi valu tatousi; kugisi Esi 1.1-4.
41:8 41.8 2 Lil 20.7; Ym 2.23
k41:15 Baisa kilikeli ivigaki kabutuvitusila si tomgwaga odubasi boda ituwoli ituwoli.
l41:25 Kugisi kala katumiki Ais 41.2.