9
1 Oooi, kidamwa wala kwaitala utuwotu bitotu odabagu,
kaina mitalogi bigigiposisi omatagu,
e gagabila bauvalam yam deli bogi
kasi valam ulo tomota matausina leikatumataisi.
2 Oooi, kidamwa wala isim ulo valu mapilana oviloupakala bala amilivalu,
e gagabila basakaula bala akiwada metoya ulo tomota.
Komwaidosi wala matausina tokapikaika,
e budomwaidona wala matausina toubuwabu.
3 Tuta komwaidona matausina ikikatubaiasasi paila wala bisisasopasi.
Sopa bogwa leikaimapu kamokwita deli eikikaraiwogi valu.
E Guyau eilivala kawala,
“Ulo tomota biyomitulaisi kwaitala mitugaga bim e bisetuwolaisi biyomitulaisiga kwaitala,
deli itakainawaigusi yeigu si Yaubada.”
4 Taitala taitala ibodi biiyamata e bininali lubaila,
deli gala taitala ibodi bidubumi tuwala kaina bodala.
Paila komwaidona tuwasia, budasia si sinapu makawala goli Yekobi,
deli taitala taitala ibibigigagi wala lubaila.
5-6 Matausina komwaidosi wala isisinapwaisi lubesia,
gala wala availa tokamokwita;
mayesi bogwa wala ekabitutuki sopa
e gala gagabila bipakaisi bubunela mitugaga.
Matausina biyomitulaisi kwaitala mwau bim e bisetuwolaisi biyomitulaisiga kwaitala
deli makawala goli eiyokulokaisi titoulesi bivagaisi kwaitala sopa tuvaila e iyeikulaisi kwaiyuwela.
Guyau ikaibiga mwada la tomota ikoulovaisi matauna.
7 Mauula baisa Guyau Topeuligaga ikaibiga kawala,
“Yeigu bavakayuvisi ulo tomota makawala bitavakayuvisi tanumnumta wa kova
e bawakoli matausina.
Ulo tomota bogwa eimitugagasi -
e gala gagabila bavagi avai vavagi ituwoli baisa matausina.
8 Mayesi makawala tuvamata
tuta komwaidona bisisasopasi wala.
Taitala taitala kala udokaiwa wala bibigimwamwasila baisa sola.
Mitaga olumoulela mokwita wala ilaleiya kala sikula sola.
9 Ki kudokaisi gala bamipuki matausina paila vavagi makwaisina?
Ki kudokaisi gala bakau lugwa baisa avai boda paila baisa?
Yeigu Guyau lalilivala.”
Yeremaia ivilam la tomota
10 E yeigu Yeremaia akaibiga kawagu,
“Yeigu baninamwau paila koya,
deli bavilam mnumonu semitamata,
paila bogwa wala eisumatasi,
e gala wala availa ililoula oluwalaisi makatuposina.
Kaigasi bulumakau gala tuvaila bitalagi.
Mauna nayoyowa deli mauna nabubolodila bogwa eibutusi eilosi wala ambaisa.”
11 E Guyau ikaibiga kawala,
“Yeigu bavigaki Yerusalem bidadaimi makawala gulotala wawa,
e ugiwagi bivigakaisi si valu.
E makwaisina viluwela Yuda bavigaki bivilouwokuvasi wala,
e gala availa gagabila bisikaili makwaisina.”
12 Mapaila yeigu akatupoi Guyau kawagu, “Guyau, avaka uula valu dadaimiwokuva wala deli saina lubulabu makawala viloupakala, e gala availa ibodi bililoula oluwalaisi? Ki, availa saina tokabitam e ibodi bikateta vavagi makwaisina? Kaina availa sitana bogwa lokukwatumiki vavagi makwaisina e ibodi matauna biluki tomota ke?”
13 Mitaga Guyau ivitakaulokaigu kawala, “Ka! Baisa eikaloubusi paila ulo tomota bogwa eipakaisi ulo vituloki makwaisina lasaiki matausina. Gala ikabikuwolaigusi kaina ivagaisi avaka laluki bivagaisi. 14 Mitaga kaimapula, matausina ikasai wala dubasi e eitemmalaisi minasina tokolu Beali,tKugisi Yer 2.8. baisa goli tumisia si kedakeda eivitulokaisi biuvagaisi makawala. 15 Mapaila kulagi avaka yeigu Guyau Topeuligaga, mina Isireli si Yaubada, bavagi. Ka, yeigu basaiki ulo tomota napwa bikamsi deli tuvauMakwaisina napwa deli tuva ikibuboti mina Isireli makateki bibodaisi vavagi saina mwau. tovala bimomsi. 16 E bavabutu matausina bilosi bisilomlasi wala oluwalaisi boda ituwoli ituwoli, matausina tubusia gala inikolaisi, kaina matausina tuta baisa sitana ililagaisi bulogasi mabudosina tomota. E oluvi bawitali tokwabilia bikabiliasi deli matausina, tatoula wala bikatumtuwolisi komwaidosi.”
Mina Yerusalem idousi paila pilasi
17 E Guyau Topeuligaga ikaibiga kawala,
“Kuninamsaisi avaka baisa eikikaloubusi!
Kudouwaisi tovalam bimaisi,
minasina vivila nakakateta paila bikavinavinasi.”
18 Tomota ikaibigasi kawasi,
“Kulukwaisi minasina binanakwasi bimaisi bikavinavinasi paila yakidasi,
tatoula wala mitilagidasi bikasewoki mitadaisi,
e bititayelu makawala sakala.”
19 Ka, tauwau! Kunakaigalaisi valam butula eiyoyu mapilana Saiyoni,vMapilana Yerusalem. kawasi,
“Ka, bogwa wala bitagagasi!
Yakidasi bogwa wala mokwita eiulikaidasi mmosila!
Mapaila ibodi bitasilavaisi da valusi,
paila da kabosisuaisi bogwa eikodidaimisi.”
20 E yeigu Yeremaia akaibiga kawagu,
“Yokomi vivila, kulagaisi Guyau la biga,
kulamamsi e bukunakaigalaisi.
Ka, kuvitulokaisi litumia vivila ammakawala bivalamsi otutala kaliga,
e lubaimia kuvitulokaisi ammakawala bikavinavinasi.
21 Paila kaliga bogwa eisuki da bwalasi,
deli bogwa eisuki da ligisasi.
E gugwadi okadumalaga saina nanakwa wala eikaligasi,
deli goli tubovau tauwau obikubaku.
22 E uwosi tomata eiuwaki wala silaveva ambaisa ambaisa,
makawala kaibilabala eiyomalaulasi wala olopola valu,
kaina makawala kaula totayoyuwa bitaiyau e biligaiwa wala,
e gala availa togebila bimai.
Ka! Baisa makawala Guyau eilukwaigu lalivali.”
23 E Guyau ikaibiga kawala,
“Tokwabitam gala ibodi bikamnumonaisi si kabitam,
kaina mina papeula bikamnumonaisi si peula,
kainaga matausina si guguwa bidubadu bikamnumonaisi si veiguwa. 9.23-24 1 Kr 1.31; 2 Kr 10.17
24 Mitaga kidamwa availa magila bikamnomwana,
ibodi binikolaigu deli bikateta availa yeigu e baisa bivigaki la kamnomwana.
Paila yeigu tomitakwai,
deli goli yeigu giyoubwaila.
E makwaisina wala vavagi ibodi biyomwasalaigusi.
Ka, yeigu Guyau bogwa lalivala.”
25-26 E Guyau ilivala kawala, “Igau kwaitala tuta bima yeigu bamipuki tomotela Itipita, Yuda, Edom, Amoni, Mowabi, deli goli tomotela oviloupakala, matausina goli bogwa leikapitunaisi kulusi eiyakukupi. Komwaidosi matausina bogwa tobobobu, mitaga gala wala ikibubotaisi kabotuvitusila kabutu makwaina. Gala taitala matausina deli gala taitala mina Isireli ikabikuwoli ulo kabutu.”