25
Bilidadi
1-2 Yaubada saina Topeuligaga, e komwaidosi wala ibodi bikamiabaisi matauna;
paila labuma la valu viluwela vakota.
Ki, availa ibodi bikalau anelosi kasi bawa eiwotitalaisi matauna?
Ki kudoki avai valu Yaubada la lumalama gala ivisigili?
Avai tau gagabila bidoki titoulela tomitukwaibwaila deli migileu nanola omatala Yaubada?
Omatala Yaubada tubukona lumalamela gala ipeula,
deli utuyam visigasi gala wala migileu.
E ammakawalaga tomota, matauna saina towatanawa
makawala mwatemwata kaina minumauna?
E ammakawalaga Yaubada bigigisi kala bwaina tomota, ki isim dimlela kaina?