26
Mina Yudia kasi tokugwa ikikeiwalasi paila Yesu
(Mk 14.1-2; Lk 22.1-2; Yn 11.45-53)
1 E Yesu bogwa ivinaku biga mabigasina komwaidona, iluki la toligalega, 2 kawala, “Kunikolaisi kwaiyu yam bogwa biwokuva, bitokaia LuvapelasKugisi “paka” olumoulela makasana Biga Kala Katumiki. pakala, e bikasalaigusi yeigu Latula Tomota kidamwa bikatukorosaigusi.” 26.2 Sun 12.1-27
3 E tolula kasi tokugwa toyo kaidadala valu isigugulasi ola buneyova tolula tovekatKugisi makasana Biga Kala Katumiki. matauna idokaisi Kaiapa; 4 e ikikeiwalasi gulitinidesi kidamwa bivakiumsi biyosisi Yesu e bikatumataisi. 5 Mitaga ikaibigasi, kawasi, “Taga otutala paka, kaina tomota bivataisi.”
Vivila iligabu bulami okulula Yesu
(Mk 14.3-9; Yn 12.1-8)
6 Yesu isisu Bedani,uKugisi Md 21.17 kala katumiki. ola bwala Saimoni tokagwaiguya.vKugisi Md 8.2 kala katumiki. Mitaga matauna Saimoni kala katoula bogwa leibwaina, paila bomala avai tokagwaiguya bikamkwamsi deli tomota ola bwala.26.6 Lk 7.37-38 7 E natana vivila imakaia matauna deli bulami kaisimasimina wa kabisibasi dakuna alabasita,wKugisi makasana Biga Kala Katumiki. e bulami makaina mapula saina mwau. Minana iligabu bulami okulula Yesu tutala ikamkwam. 8 La toligalega igisaisi e igibuluwasi ikaibigasi, kawasi, “Avaka dimlela iyomadi makaina? 9 Kidamwa bulami makaina kaisimasimila bitagimlokaisi mapula kwaiveka e bitasakaisi tonamakava.”
10 Mitaga Yesu inikoli avaka ililivalasi e iluki matausina, kawala, “Avaka paila kuyogililamaisi minawena? Paila bogwa ivagi kwaitala vavagi bwaina sainela baisa yeigu. 11 Paila tonamakava isikailimi yumyambwata, mitaga yeigu gala basikailimi yumyambwata. 26.11 Kak 15.11 12 Iligabu bulami makaina owowogu, mwada bikeputumibogwaigu paila tutala bibakwaigusi.xMina Yudia ivitulokisi kidamwa tomata kala visalili baisa vavagi saina kwaiveka ikalisau mitukwaibwaila baisa tonamakava goli. 13 Kululuwaisi baisa! Ambaisa ambaisa bikamitulaisi Bulogala Bwaina makwaina ovalu komwaidona, avaka minana leivagi bililivalaisi kaikeyala minawena.”
Yudasa itagwala bikasali Yesu
(Mk 14.10-11; Lk 22.3-6)
14 E taitala matausina tailuwotala taiyu, matauna idokaisi Yudasa Isikariota, ilokaia tolula kasi tokugwa, 15 ikaibiga, kawala, “Avaka bukusakaigusi, kidamwa bakasali matauna Yesu baisa yokomi?” E imapwaisi baisa matauna kweluwotolu siliba. 26.15 Sek 11.12 16 E metoya wa tuta matutowena inainevi avai tuta bibodi bikasali matauna.
Yesu ivagi Luvapela Pakala deli la toligalega
(Mk 14.12-21; Lk 22.7-14,21-23; Yn 13.21-30)
17 E wa yamla kabovitouula Beredi Gala Deli Kala Yisi Pakala,yKugisi “paka” olumoulela makasana Biga Kala Katumiki. toligalega imakaiasi Yesu, ikaibigasi, kawasi, “Ambaisa magim bakakatubaiasasi paila yoku bukukwam Luvapela Pakala?”
18 E ikaibiga, kawala, “Kuviloubusisi ovilouvekazMapilana Yerusalem. bukubodaisi taitala, e kulukwaisi matauna, kawami, ‘Tovituloki leikaibiga, Ulo tuta ivakatitaikina. Bavagi Luvapela Pakala om bwala deli ulo toligalega.’ ”
19 E toligalega ivagaisi makawala Yesu la karaiwaga, e ikatubiasaisi Luvapela Pakala.
20 Eibogi ikamkwam deli toligalega tailuwotala taiyu. 21 E tutala ikamkwamsi, ikaibiga, kawala, “Kululuwaisi baisa! Taitala yokomi bikasalaigu.”
22 E toligalega ikaikai ninasi sainela, ivitouulasi ikatupoiyaisi matauna taitala taitala, kawasi, “Ki Tomoya, kaina yeigu?”
23 E Yesu ivitakaula, kawala, “Matauna deli yeigu bogwa kavanumla okagu kaboma,aMakaina kaboma isailisi avaka kakamwenala bwaina avaka biwaki kaula, e bivinumlaisi kʹasi bikamkwamsi. matauwena bikasalaigu. 26.23 Sam 41.9 24 Yeigu Latula Tomota bakaliga makawala Buki PilabumabomabKugisi Md 22.29 kala katumiki. kala ginigini paila titoulegu; mitaga wo! matauna bikasalaigu yeigu Latula Tomota. Ibodi mokwita kidamwa inala gala biuni matauna goli.”
25 E Yudasa matauna kala tokwasesila ikawota, kawala, “Ki, Toboma, kaina yeigu?”
Yesu iluki matauna, kawala, “Lokukwaibiga makawala.”cLokukwaibiga makawala. Gagabila bitagini, “E, lokukwamokwita goli.”
Yesu ikabomi Guyau la Kamkwam
(Mk 14.22-26; Lk 22.14-20; 1 Kr 11.23-26)
26 Ikamkwamsi, e Yesu ikau beredi, inokagutoki baisa Yaubada ikimimisi isaiki toligalega, e ikaibiga, kawala, “Kukwauwaisi, kukwamsi, baisa wowogu.”
27 E ikau viga, inokagutoki baisa Yaubada e isaiki matausina, e ikaibiga, kawala, “Kumomsi komwaidomi; 28 paila baisa buyavigu, Yaubada la kabutudkabutu.Mimilisi buki pilabubogwa iginisi “kabutu kwaivau”. ikikamokwita,ebuyavigu, Yaubada la kabutu ikikamokwita.Yaubada la kabutu deli mina Isireli kala kabokamokwita baisa buyavisi minasina mauna eilulasi, e tolula bikau buyavi bivisokaisi oluwalaisi tomota. Kugisi Sun 24.7-8 deli Ib 9.13. ibubusi paila tobobawa, paila mitugaga kala ligaiwa. 26.28 Sun 24.8; Yer 31.31-34 29 Alukwaimi, gala tuvaila bamom kaiuwala waini makaina igau yam makwaiwena wainivau bitamomsi deli yokomi ola Karaiwaga Tamagu.”
30 Bogwa iwosisi pilatala wosi,fpilatala wosi.Mina Yudia kasi gulogula avai tuta bivigimkulovaisi Luvapela Pakala biwosisi Sam 115 bila 118. isunapulasi ilokaiasi Koya Umilela Olibe.
Yesu iluki Pita igau biyakali
(Mk 14.27-31; Lk 22.31-34; Yn 13.36-38)
31 E Yesu iluki matausina, kawala, “Bogi makwaiwena yokomi komwaidomi bukukwapusisi paila uula yeigu; paila Buki Pilabumaboma kala ginigini isisu, ‘Yaubada biwaiya kasi toyamata sipi, e sipi yuwomwaidona bibutusi. 26.31 Sek 13.7 32 Mitaga tutala batokaia bamovavau balobogwa Galili igau bukuwaisi.” 26.32 Md 28.16
33 Pita iluki matauna, kawala, “Ilagoli komwaidosi bikapusisi paila uula yoku, yeigula gala kwaitala tuta bakapusi.”
34 Yesu iluki matauna, kawala, “Kululuwai baisa! Wa bogi makwaiwena goli, igau gala bisola rekorekwa yoku bukusivatolu bukuyakalaigu.”
35 Pita iluki matauna, kawala, “Ilagoli bakaliga goli deli yoku, yeigu gala bayakalaim, gala.”
E toligalega komwaidosi ilivalasi makawala.
Yesu inigada mapilana Getisemani
(Mk 14.32-42; Lk 22.39-46)
36 E Yesu deli matausina ilosi mapilana baleku idokaisi Getisemani;gMapilana baleku isisu wa koya Umilela papala opilikwaibwaga. e iluki la toligalega, kawala, “Kusilaisi baisa bala anigada baisa ewaiwa.” 37 Ilau Pita toyo Sebedi litula taiyu, ivitouula ikiuta nanola e ikaikai wowola. 38 E iluki matausina, kawala, “Ulo baloma ikaikai sainela makawala bogwa bakaliga. Kusimwaisi baisa, kuyuuyausasi deli yeigu.”
39 Itowada ikavagina e migila itobu opwaipwaia; e inigada, kawala, “Tamagu, kidamwa gagabila bukukwau makwelana viga metoya omatagu; taga gala bavagi makawala avaka magigu, mitaga bavagi makawala avaka magim.”
40 E imakaia toligalega, ibani matausina immasisisi, e iluki Pita deli sala, kawala, “Ammakawami, gala igagabila bukuyuuyausasi deli yeigu bimomwa? 41 Kuyuuyausasi, kunigadasi taga bukubodasi tamnabi. Mokwita nona magila mitaga woula imama.”
42 E siviyuwela ila inigada, kawala, “Tamagu, kidamwa gala igagabila bukukwau makwelana mitaga ibodi bamom wala, desi wala. Nanom bavagi.” 43 E ikaimilavau ibani matausina immasisisi paila saina nunupula mitasi.
44 E isilavivau matausina ila inigada sivitolula ikaibigivau biga makawala. 45 E ikaimilavau baisa toligalega, iluki matausina, kawala, “Ammakawami? Kummasisisi, kuuvaiwasisi?hAmmakawami? Kummasisisi kuuvaiwasisi?Gagabila bitagini, “Desi wala, kusetuwolaisi mmasisi uvaiwasi.” Ka, tuta bogwa leima, e bogwa bikasalaigu yeigu Latula Tomota oyumasi tomitugaga. 46 Kutokaiasi bitamwaisi. Ka, agu tokwasesila bogwa leima.”
Yudasa ikasali Yesu
(Mk 14.43-50; Lk 22.47-53; Yn 18.2-11)
47 Ililivala, e Yudasa, taitala matausina tailuwotala taiyu, leima deli saina tobobawa eiyosisi puluta toyo lewa; leimaisi metoyasi baisa tolula kasi tokugwa toyo kaidadala valu. 48 E tokwasesila leisaiki kabutuvatusi kwaitala baisa matausina, eikaibiga, kawala, “Availa baviyuwoli,iMina Yudia kasi gulogula kidamwa bibudobodasi bogwa bivayaulasi taitala baisa taitala. matauwena goli magimi; bukuyosisi.”
49 E nanakwa ima otalila Yesu, ikaibiga, kawala, “Toboma, kagutoki,” e iviyuwoli matauna.
50 Yesu iluki matauna, kawala, “Sogu, avaka mwada bukuvagi, nani kuvagi!”jSogu, avaka mwada bukuvagi, nani kuvagi.Gagabila bitagini, “Sogu, avaka uula yoku lokuma baisa?”
E matausina imaisi, ikiulaisi Yesu, iyosisi. 51 E ka! taitala matausina isikaili Yesu iyosi la puluta ibiigili, e iwaiya la towotetila tolula toveka, ikapituni taigala. 52 E Yesu iluki matauna, kawala, “Kusewoya m puluta okauyala; paila availa availa ikikauwaisi puluta igau bikaligasi metoya opuluta. 53 Ki kudokaisi gala gagabila banigadi Tamagu, e matauna nanakwa biwitali baisa yeigu anelosi kasi boda kala bawa bikalisau yuwoluwotala yuwoyu. 54 Mitaga kidamwa bavagi makawala, ammakawala Buki Pilabumaboma bogwa bisala; paila buki mapilana kala ginigini ivituloki kidamwa vavagi baisa bikaloubusi.”
55 Oluvi Yesu iluki tobobawa, kawala, “Lokumaisi bukuyosaigusi deli puluta toyo lewa makawala baisa tolibulebu ke? Yumyambwata asisu wa Bwala Kwebumaboma, avivituloki, mitaga gala kuyosaigusi. 26.55 Lk 19.47; 21.37 56 Mitaga vavagi baisa komwaidona ikaloubusi kidamwa tovitoubobuta si ginigini wa Buki Pilabumaboma gala bisala.”
E toligalega komwaidosi iulilavaisi matauna, isakaulasi.
Yesu omitasi togugula komwaidosi
(Mk 14.53-65; Lk 22.54-55,63-71; Yn 18.13-14,19-24)
57 E matausina leiyosisi Yesu ivakoulisi matauna iuyokaisi Kaiapa, matauna tolula toveka. E toninitalapula paila Karaiwaga deli kaidadala valu bogwa leisisigugulasi baisa. 58 Mitaga Pita ililoula oluvi iyeikuli matauna mapilana okoukweda la bwala tolula toveka; e isuvi isiwalai deli toyausa mwada bigisi kala vigimkovila. 59 E tolula kasi tokugwa, deli togugula komwaidosikKugisi makasana Biga Kala Katumiki. inainevisi tabinonalMosese la Karaiwaga kala ginigini kidamwa tomota bikatumataisi tomitugaga ibodi ikugwa bibanaisi taiyu tosola bikamitulaisi avai mitugaga matauna eivagi omitasi goli. paila Yesu, kidamwa bikatumataisi matauna. 60 E bidubadu totabinona imaisi, mitaga gala ibanaisi sitana. Oluvi imaisi taiyu totabinona, 61 ikaibigasi, kawasi, “Matauwena tau ikaibiga, kawala, ‘Igagabila bakodidaimi Yaubada la Bwala Kwebumaboma, e yam kwaitolu wala bakaliivau.’ ” 26.61 Yn 2.19
62 E tolula toveka itomalaula omitasi ikaibiga, kawala, “Ki, gala sitana kuvivitakauloki? Ammakawala baisa eikamitulaimsi?” 63 Mitaga Yesu ikapatu. E tolula toveka iluki matauna, kawala, “Omatala Yaubada Tosigaga akaraiwogaim - kulukwaimasi kidamwa yoku Mesaia, Yaubada Latula.”
64 Yesu iluki matauna, kawala, “Yokula lokukwaibiga.mYokula lokukwaibiga. Gagabila bitagini, “E, lokukwamokwita goli.” Mitaga alukwaimi, igau bukugisaigusi yeigu Latula Tomota asili ola kakata Topeuligaga deli amaima olowalowala labuma.” 26.64 Dan 7.13
65 E tolula toveka ikisi kala kakapula,nMina Yudia kasi gulogula makawala mwada bivitulokaisi nona kala gaga saina mwaugaga deli kala kakayuwa. ikaibiga, kawala, “Bogwa ibigigagi Yaubada! Avaka dimlela tanainevisi tokamatula? Bogwa kulagaisi ibigigagi Yaubada. 26.65-66 Tol 24.16 66 Avaka kudokaisi?”
Ikawotasi, kawasi, “Ibodi kala kamwaga bikaliga.”
67 E igiusailisi omigila, inobutuwaisi matauna, e mimilisi ikipitataisi yumasi iwawaiyasi, 26.67 Ais 50.6 68 ikaibigasi, kawasi, “Mwa Mesaia! Kuvitoubobuta baisa yakamaisi, availa leiwaim?”
Pita iyakali Yesu
(Mk 14.66-72; Lk 22.56-62; Yn 18.15-18,25-27)
69 Pita isili okoukweda, e natana nawotetila imakaia matauna, kawala, “Yoku tuvaila kusikaili matauna Yesu guma Galili.”oKidamwa magisi bilivalasi paila taitala tau, mimilisi tuta bikaibigimgulisi la valu. Kugisi 1 Gwe 17.1 (Ilaitia tolela Tisibe); Mk 15.43 (Yosepa guma Alimatia); VA 9.11 (Saulo guma Tasu).
70 Mitaga iyakala omitasi komwaidosi, kawala, “Gala anikoli avaka kulilivala.” 71 Tutala isunapula ila omatala kabosusuvi, nawotetila nayuwela igisi matauna, e iluki matausina itotusi otalila matauna, kawala, “Tau matauna isikaili Yesu guma Nasaredi.”
72 E tuvaila Pita iyakala deli ikaibiga, kawala, “Omatala Yaubada, gala anikoli tau matauna.”
73 Igau gala imomwa matausina itotusi otalila imaisi ilukwaisi Pita, kawasi, “Mokwitala yoku tuvaila taitala matausina; paila bonam ikamitulaim.”pPita la biga bonala ikamituli matauna guma Galili.
74 E Pita ilivala biga katotila mwau, kawala, “Omatala Yaubada, gala sitana anikoli tau matauna.”
E wa tuta matutona goli rekorekwa igela, 75 e Pita iluluwai avaka Yesu eilivala, kawala, “Igau gala bisola rekorekwa bukusivatolu bukuyakalaigu.” E isunapula, ivalam ivilumgaga.
s26:2 Kugisi “paka” olumoulela makasana Biga Kala Katumiki.
26:2 26.2 Sun 12.1-27
t26:3 Kugisi makasana Biga Kala Katumiki.
u26:6 Kugisi Md 21.17 kala katumiki.
v26:6 Kugisi Md 8.2 kala katumiki. Mitaga matauna Saimoni kala katoula bogwa leibwaina, paila bomala avai tokagwaiguya bikamkwamsi deli tomota ola bwala.
26:6 26.6 Lk 7.37-38
w26:7 Kugisi makasana Biga Kala Katumiki.
26:11 26.11 Kak 15.11
x26:12 Mina Yudia ivitulokisi kidamwa tomata kala visalili baisa vavagi saina kwaiveka ikalisau mitukwaibwaila baisa tonamakava goli.
26:15 26.15 Sek 11.12
y26:17 Kugisi “paka” olumoulela makasana Biga Kala Katumiki.
z26:18 Mapilana Yerusalem.
a26:23 Makaina kaboma isailisi avaka kakamwenala bwaina avaka biwaki kaula, e bivinumlaisi kʹasi bikamkwamsi.
26:23 26.23 Sam 41.9
b26:24 Kugisi Md 22.29 kala katumiki.
c26:25 Lokukwaibiga makawala. Gagabila bitagini, “E, lokukwamokwita goli.”
d26:28 kabutu.Mimilisi buki pilabubogwa iginisi “kabutu kwaivau”.
e26:28 buyavigu, Yaubada la kabutu ikikamokwita.Yaubada la kabutu deli mina Isireli kala kabokamokwita baisa buyavisi minasina mauna eilulasi, e tolula bikau buyavi bivisokaisi oluwalaisi tomota. Kugisi Sun 24.7-8 deli Ib 9.13.
26:28 26.28 Sun 24.8; Yer 31.31-34
f26:30 pilatala wosi.Mina Yudia kasi gulogula avai tuta bivigimkulovaisi Luvapela Pakala biwosisi Sam 115 bila 118.
26:31 26.31 Sek 13.7
26:32 26.32 Md 28.16
g26:36 Mapilana baleku isisu wa koya Umilela papala opilikwaibwaga.
h26:45 Ammakawami? Kummasisisi kuuvaiwasisi?Gagabila bitagini, “Desi wala, kusetuwolaisi mmasisi uvaiwasi.”
i26:48 Mina Yudia kasi gulogula kidamwa bibudobodasi bogwa bivayaulasi taitala baisa taitala.
j26:50 Sogu, avaka mwada bukuvagi, nani kuvagi.Gagabila bitagini, “Sogu, avaka uula yoku lokuma baisa?”
26:55 26.55 Lk 19.47; 21.37
k26:59 Kugisi makasana Biga Kala Katumiki.
l26:59 Mosese la Karaiwaga kala ginigini kidamwa tomota bikatumataisi tomitugaga ibodi ikugwa bibanaisi taiyu tosola bikamitulaisi avai mitugaga matauna eivagi omitasi goli.
26:61 26.61 Yn 2.19
m26:64 Yokula lokukwaibiga. Gagabila bitagini, “E, lokukwamokwita goli.”
26:64 26.64 Dan 7.13
n26:65 Mina Yudia kasi gulogula makawala mwada bivitulokaisi nona kala gaga saina mwaugaga deli kala kakayuwa.
26:65 26.65-66 Tol 24.16
26:67 26.67 Ais 50.6
o26:69 Kidamwa magisi bilivalasi paila taitala tau, mimilisi tuta bikaibigimgulisi la valu. Kugisi 1 Gwe 17.1 (Ilaitia tolela Tisibe); Mk 15.43 (Yosepa guma Alimatia); VA 9.11 (Saulo guma Tasu).
p26:73 Pita la biga bonala ikamituli matauna guma Galili.