Paulo La Ginigini Baisa
PILIMONI
PILIMONI
Kabovitouula
Pilimoni matauna tobwakuli Keriso, e tokugwa oluwalaisi totapwaroru. Kaina isisu mabudona ekalesia mapilana Kolosai. E deli, taitala towotetila yagala Onesimo isisu baisa matauna. Mitaga towotetila matauna eikium isilavi la tokwaraiwaga e isakaula ila iboda Paulo. Mitaga Paulo isisu wa bwala katupipi. E Paulo eipilasi Onesimo eikamituli Bulogala Bwaina paila Keriso, e mapaila Onesimo idubumi imila tobwakuli Keriso.
Baisa uula Paulo eigini miyana Paulo La Ginigini Baisa Pilimoni. Paulo magila Pilimoni bininabwaila paila la towotetila. Mauula Paulo iwitali Onesimo bikaimilavau baisa la tokwaraiwaga. Mokwita goli gagabila Pilimoni bidoki matauna la towotetila wala e bikamogi bisaiki kala mapu mwau. Mitaga Paulo inigada kidamwa biligaiwa la mitugaga Onesimo e bikabwaili, paila baisa tuta matauna Onesimo tobwakuli Keriso makawala la tokwaraiwaga Pilimoni.
Buki kala katumimisa
Kala vitouula 1-3
Paulo iyakawoli Pilimoni la tapwaroru 4-7
Imnabi matauna paila Onesimo 8-22
Kala vigimkovila 23-25
1
1 Yeigu Paulo tokwatupipi paila uula Keriso Yesu; deli sodasi Timoti.aKugisi Kl 1.1
E yakama kagini m leta Pilimoni, yoku tombwailima deli tawotetilasi paila Yesu. 2 Bibodi mimilisi tuvaila bikalawasi miyana, baisa mabudona ekalesia om bwala, deli minana ludetasi Apia e deli matauna AkipobApia…Akipo: Matausina kaina Pilimoni la kwava deli latula. deli yakidasi takakabiliasi paila Yesu. 2 Kl 4.17
3 Kanigada baisa Yaubada Tamadasi deli Guyau Yesu Keriso bimitukwaiyaimi e bitalaguva lupomi.
Pilimoni la yebwaili deli la dubumi
4 E sogu Pilimoni, avai tuta aninigada baisa Yaubada, tuta tuta akavitagi yagam deli ulo nokagutoki baisa ulo Yaubada. 5 Paila alagi m yebwaili baisa Yaubada la tomota komwaidosi deli goli m dubumi baisa Guyau Yesu. 6 Yokomi deli yakamaisi bogwa tabanaisi bidubadu mitakwai paila uula la vasosu Keriso. E aninigada baisa Yaubada kidamwa komwaidodasi bitakalubailasi makawala avaka bibodi todubumi. E metoya oda kalubailasi kidamwa da katetasi bisiniveka paila makwaisina mitakwai.
7 E sogu yoku tombwailigu, m yebwaili iyomwasalaigu deli ikatululutaigu sainela. Komwaidosi Yaubada la tomota imwamwasila ninasi paila uula goli yoku.
Paulo inigadi matauna paila Onesimo
8 Yeigu som uula Keriso la vasosu. E baisa uula kaina bibodi deli ulo tuvaluwa bakaraiwogaim bukuvagi avaka bibodi. 9 Ka, yeigu goli Paulo, Keriso wodola e tuvaila tuta baisa tokwatupipi yeigu paila Keriso Yesu! Mitaga yebwaili isilibodaigu kidamwa gala bakaraiwogaim makawala, e mapaila ibodi bamnabaim wala. 10 E mapaila ka, amnabaim paila Onesimo. Paila ogu tuta katupipi matauna idubumi Keriso e uulotoula wala yeigu. 10 Kl 4.9 11 Omitibogwa matauna la wotetila gala bwainacPaulo ivigaki bigivakala, paila maigana Onesimo kala kivila ‘‘wotetila bwaina’’. baisa yoku. Mitaga baisa tuta isiligaga sainela baisa yoku deli goli baisa yeigu.
12 Baisa tuta lawitalivau matauna biwokaiam e deli matauna asaiki bobonagu. 13 Saina magigu bayusi matauna bakasisu kamataiyu baisa wa bwala katupipi. Baisa ulo sisu uula paila Bulogala Bwaina, e mwada goli matauna bivagi kaimapum biwotitalaigu. 14 Mitaga gala bakaiyoulim yoku paila bukupilasaigu. Magigu yoku wala titoulem bukunagi makawala. Mapaila gala avaka bavagi kidamwa yoku gala bukutagwala.
15 Kaina baisa uula Onesimo isilavaim tuta pikekita, kidamwa yoku bukuyosikikiti matauna paila tuta komwaidona. 16 Paila baisa tuta matauna gala towotetila wala, mitaga saina ikalisau towotetila. Matauna goli sodasi tombwailidasi baisa Keriso. E saina iyovi nanogu paila matauna. E adoki yoku tuvaila biyovi nanom paila matauna, paila uula la wotetila deli la tapwaroru.
17 Mapaila kidamwa kudokaigu som, e kuvakouli matauna makawala goli bukuvakouligu. 18 E kidamwaga avai suladKidamwa ula bikium bisilavi kala tokwaraiwaga, sivabidubadu biveilau mani kaina guguwa, e Paulo nanola mwada bikiduwosisii. leivagi baisa yoku, kaina avai vavagi leiwasi metoya baisa yoku, baisa goli yeigu bamapu. 19 Mwa! Baisa oyamagu tatougu laginiki — ‘‘E yeigu Paulo igau bamapu.’’ Gala goli ibodaigu bayoluluwaiyaim avaka kam wasi baisa yeigu, paila yoku kusisu tomomova uula goli yeigu.eKaina Pilimoni eidubumi Keriso paila uula Paulo la kamatula. 20 E sogu anigadaim bukuvagi avaka nanogu. Paila leitasivaduli baisa Guyau. Ibodi goli bukuyomwasalaigu, paila uula Keriso la vasosu.
21 Biga mabigana aginigini mitaga anikolaim wala, bogwala bukuvagi nanogu. E anikolibogwi kidamwa bukukwalisau avaka laninigadi. 22 E tuvaila ibodi bukukwatubiasi tabudotala paila yeigu, paila ulo pikwaku Yaubada bogwa bimapu mi nigada komwaidomi e bikaimilivauwaigu baisa yokomi.
Paulo ibigitaloi
23 Epapirasi tokwatupipi deli yeigu paila uula Keriso Yesu la vasosu, matauna iwitali la biga bobwailila. 23 Kl 1.7; 4.12 24 E tuvaila makawala matausina deli kawotetilasi, Maka, Arisitako, Dimasi, deli Luka. 1.24 VA 12.12,25; 13.13; 15.37-39; 19.29; 27.2; Kl 4.10,14; 2 Tm 4.10,11
25 Guyau Yesu Keriso la mitakwai bisikailimi komwaidomi.
a1:1 Kugisi Kl 1.1
b1:2 Apia…Akipo: Matausina kaina Pilimoni la kwava deli latula.
1:2 2 Kl 4.17
1:10 10 Kl 4.9
c1:11 Paulo ivigaki bigivakala, paila maigana Onesimo kala kivila ‘‘wotetila bwaina’’.
d1:18 Kidamwa ula bikium bisilavi kala tokwaraiwaga, sivabidubadu biveilau mani kaina guguwa, e Paulo nanola mwada bikiduwosisii.
e1:19 Kaina Pilimoni eidubumi Keriso paila uula Paulo la kamatula.
1:23 23 Kl 1.7; 4.12
1:24 1.24 VA 12.12,25; 13.13; 15.37-39; 19.29; 27.2; Kl 4.10,14; 2 Tm 4.10,11