44
Nigada paila kabokwala
1 Mwa Yaubada! Bogwa kaligakaisi taigamasi.
Tubumaiasi eisailiusi bulogasi
makwaisina vavagi topilaveka lokuvagi osi tuta,
tuta omitibogwa.
2 Ilivalasi ammakawala yoku titoulem kubokavili matausina gala inikolaimsi,d Baisa matausina tokinabogwa si valu mapilana Kenani, igau mina Isireli gala bisuvisi.
e kusailiga m tomota osi valu.
Kumipuki mabudosina boda ituwoli ituwoli,
e kuvigaki mabudona m tomota bisibwabwailasi.
3 M tomota gala iyoulisi valu metoya osi kema titoulesi.
Matausina gala itomgwagasi metoya osi peula titoulesi,
mitaga metoya wala om peuligaga,
e omatam wala kuvakwabu,
e baisa kuyomitali kidamwa yoku kuyebwaili matausina.
4 Yoku ulo Guyau deli ulo Yaubada.
Kuvigaki m tomota bitomgwagasi,
5 e metoya om peula kakalisauwaisi kama tilaulasi.
6 Gala wala adubumi ulo kaiyala
kaina ulo kema kidamwa bikolaigusi.
7 Mitaga yoku bogwa kukolaimasi metoya kama tilaulasi
e kukwalisau matausina mina kukolosi yakamaisi.
8 Bakayakawolaimsi tuta komwaidona
deli bakanokagutokisi baisa yoku tuta gala biwokuva.
9 Mitaga baisa tuta bogwa kupakaimasi e kutagwala bikalisauwaimasi.
Gala wala tuvaila kuvakwabu ma tokwabiliasi.
10 Yoku lokuvigakaimasi lakasakaulasi metoya kama tilaulasi,
e matausina ivayoulisi ma guguwasi ilauwaisi.
11 Yoku kutagwala kidamwa bikatumataimasi makawala sipi.
Bogwa kukwatugaiyaimasi lakalosi osi valu togilagala.
12 Yakamaisi m tomota bogwa kugimolaimasi e mapumasi kusaili watanawa,
paila kudokaimasi mwada yakamaisi gala wala isim dimlemasi.
13 Matausina otalimasie Mabudosina ituwoli boda ituwoli boda katitaikina mapilana Isireli. igisaisi avaka lokuvigakaimasi,
e iyosokanaimasi deli igigilaimasi.
14 Yoku kuvigakaimasi kabokalawou oluwalaisi boda ituwoli ituwoli.
Ikatugougeunasi baisa yakamaisi deli si kavilavila.
15 Yeigu tuta komwaidona iyomsilaigusi wala.
Mmosila wala ikatumataigu
16 paila uula anakaigali si vakaluwou deli si bigigaga
agu tilaula deli goli matausina eivigakaigusi tokukolosi.
17 Komwaidona vavagi makwaisina bogwa iviloubusisi baisa yakamaisi,
ilagoli gala kalumwelavaimsi
e gala goli kakotunaisi kabutu makwaina lokuvagif Kugisi Sam 25.10. deli yakamaisi.
18 Yakamaisi gala wala kakoulovaimsi,
e gala wala kakoulovaisi m kwaraiwaga makwaisina.
19 Mitaga yoku kuluvaimwaimasi iuwakaimasi neuya oluwalaisi mauna nagigasisi,
e kusilavaimasi odubilikitakita.g Mauna nagigasisi deli dudubila ikibubotaisi kabosilagi deli kabokaliga osi valu ituwoli boda ituwoli boda.
20 Kidamwa bogwa lakasimwaisi tapwaroru baisa yoku ma Yaubadasi,
e lakanigadasiga baisa natana yaubada nagilagala,
21 yoku bogwa wala bukubani,
paila yoku kunikoli makwaisina ma kiumsi oninamaisi.
22 Yam komwaidona makateki bakakaligasi paila goli yoku.
Eivigakaimasi makawala yakamaisi sipi eiyosaimasi mwada bikatumataimasi. 44.22 Rm 8.36
23 Mwa! Guyau, kumamata! Avaka paila kummasisi?
Kuvigimamalu kutokaia! Taga kupakaitulaimasi!
24 Avaka paila kusipepuni metoya baisa yakamaisi?
Taga kulumwelavi kama mmayuyusi deli kama mwausi.
25 Yakamaisi kakapusisi watanawa deli kala mama uwomaisi.
Kakanukwenusi wala opwaipwaia paila bogwa lakamamasi.
26 Kuma kupilasaimasi!
Kukolaimasi paila uula m mitakwai!
d44:2 Baisa matausina tokinabogwa si valu mapilana Kenani, igau mina Isireli gala bisuvisi.
e44:13 Mabudosina ituwoli boda ituwoli boda katitaikina mapilana Isireli.
f44:17 Kugisi Sam 25.10.
g44:19 Mauna nagigasisi deli dudubila ikibubotaisi kabosilagi deli kabokaliga osi valu ituwoli boda ituwoli boda.
44:22 44.22 Rm 8.36