46
Yaubada deli yakidasi
1 Yaubada ikolaidasi ikatupewolaidasi,
e tuta komwaidona itagwala bipilasaidasi wa tuta mwau.
2 E yakidasi gala bitakokolasi, kalubikoya valu watanawa biyega
e makwaisina koya bikapusisi obolita bisalili otulubwabwau.
3 Kainaga bolita saina bikaipolu sainela, e koya saina bimotatina,
baisa gala wala bivigaki kada kokolasi.
4 Kaduyotala waya isisu e biyomwasali mapilana Yaubada la valu,hMapilana Yerusalem.
baisa Towalakaiwa SainelaiKugisi Sam 7.17. la Bwala Kwebumaboma.jBaisa makwaina Bwala Kwebumaboma isisu mapilana Yerusalem.
5 Yaubada eisikaili mapilana valu, e gala avai tuta biboda kala katudadaimi.
Kaukwau pikekita Yaubada bima bipilasi mapilana.
6 Boda ituwoli ituwoli saina kasi kokola sainela,
e kabokwaraiwaga ituwoli ituwoli iyegasi.
Saina kaigaveka kaigala Yaubada ibutupilapala
e valu watanawa itumgeyai.
7 Guyau Topeuligaga matauna deli yakidasi.
Yekobe la Yaubada matauna kada tokwalasi.
8 Kumaisi kugisaisi avaka Guyau eivagi.
Kugisaisi vavagi makwaisina saina kabokatubau avaka eivagi baisa ovalu watanawa.
9 Ibuyoyu kabilia ambaisa ambaisa ovalu watanawa.
Ikouwoli puluta, ikomtumtu kaiyala, e vayoula igabu.
10 Kawala, “Desi kabilia! Ibodi bukunikolaigusi yeigu Yaubada.
Yeigu Giyoumatala oluwalaisi boda ituwoli ituwoli.
Yeigu goli Giyoumatala ovalu watanawa komwaidona.”
11 Guyau Topeuligaga matauna deli yakidasi.
Yekobe la Yaubada matauna kada tokwalasi.