48
Saiyoni baisa Yaubada la valu
1 Matauna Guyau saina tovakaigaga,
e ola vilouveka da Yaubadasi ola koya kwebumabomalKugisi Sam 2.6 kala katumiki.
ibodi bibani kala yakaula saina walakaiwa.
2 Mapilana Saiyoni Yaubada la koya kwaiwonaku deli kweminabwaita.
Giyouveka la valu iyomwasali valu watanawa komwaidona. 48.2 Md 5.35
3 Yaubada bogwa iyomitali baisa availa availa isisuaisi olumoulela makwaisina bolela kabilia ovilouveka
kidamwa matauna wala si kabokwala.
4 Gweguya ivigakaisi boda kwaitala
e imaisi biyowaisi makwaina Koya Saiyoni.
5 Mitaga avai tuta igisaisi makwaina, komwaidosi wala itutu ninasi.
Komwaidosi wala ikokolasi e isakaulasi.
6 E komwaidosi wala ibulukukoli deli itatatuvasi
makawala vivila bogwa la tuta bivalulu,
7 kaina makawala waga ikatuuvili utuyagila.
8 Bogwa talagaisi avaka Yaubada bogwa leivagi,
e baisa tuta bogwa tagisaisi
olumoulela la vilouveka da Yaubadasi, matauna Guyau Topeuligaga.
Matauna bikoli la valu tuta gala biwokuva.
9 Mwa Yaubada! Olumoulela m Bwala Kwebumaboma
kaluluwaisi m mitakwai.
10 Tomota komwaidona ambaisa ambaisa iyakawolaimsi
e bulogam ikalukubali ovalu watanawa komwaidona.
Yoku kukwaraiwaga duwosisia.
11 Ibodi mina Saiyoni bimwasawasi!
Yoku kusaiki karaiwaga duwosisia.
Ibodi mina Yudia bimwasawasi osi valu.
12 Yokomi Yaubada la tomota, kutavinaisi mapilana Saiyoni
e kukwalauwaisi kala bawa bolela vatoi.
13 Kuvitusaisi papa deli kumitakavataisi bolela kabilia.
Mapaila baisa ibodi bukulukwaisi tubwa matubona igau bima,
14 kawami, “Matauna Yaubada da Yaubadasi Tosivagasi,
e matauna bivakadaidasi tuta tuta e gala wala biwokuva.”