BUKI PILITOLULA
73
(Sam 73—89)
Yaubada la karaiwaga duwosisia
1 Mokwita goli Yaubada imitukwaibwaili mina Isireli,
e baisa matausina ninasi migileu wala.
2 Mitaga ka - yeigu ulo ninayuwa wala makateki bivakapusiaigu,
e makateki goli ulo dubumi biwokuva,
3 paila tutala agisi tomitugaga eibanaisi si guguwa saina bidubadu,
yeigu apugipogi wala baisa matausina ninasi walakaiwa.
4 Matausina gala ibudobodasi mmayuyu,
e topapeula matausina, gala katoula.
5 Gala bilumkolaisi mmayuyu makawala tomota ituwoli ilumkolaisi,
e gala ibudobodasi vavagi mwau makawala ituwoli tomota ibudobodasi.
6 E mapaila si kamnomwana ivigakaisi kasi katububula, makawala soulava,
deli si gasisi ivigakaisi makawala kasi kakapula.
7 Mitugaga bidubadu isunapulasi metoya oninasi,
e gala wala bisimwaisi nanamsela vavagi gaga.
8 Igigilaisi tuwoli tomota, e ililivalasi paila vavagi gaga.
Matausina ninasi walakaiwa e ininamsaisi ammakawala bilamidadaisi sesia.
9 Ibigigagaisi Yaubada wa labuma,
e deli si kaluvalova ikikaraiwogaisi mina watanawa.
10 E ka! - Yaubada la tomota itovilakaisi matausina,
e deli si mwasawa idubumaisi komwaidona avaka ilivalaisi.
11 Kawasi, “Yaubada gala wala binikoli avaka.
Matauna Towalakaiwa SainelaxKugisi Sam 7.17. gala bibani avaka.”
12 Baisa makawala goli si bubunela tomitugaga.
Si guguwa bidubadu wala, e tuta tuta ikatumkulovaisi guguwa tuvaila.
13 E yeigu layamataigu kidamwa nanogu migileu wala.
Tobwaila wala yeigu e gala avai mitugaga lavagi.
Ki, kaina gala dimlela ulo pwaitukula ke?
14 Mwa Yaubada! LokuyomiyuyaiguyKala katoula uulela idoki Yaubada immipuki matauna; kugisi kala katumiki Sam 38.1. yam komwaidona.
Kaukwau kwaitala kwaitala yoku lokumipukwaigu.
15 Kidamwa avai tuta lalilivala makawala baisa,
baisa avaka lauvagi gala bibudoki yoku m tomota.
16 Avigikoni mwada baninamsi uulotoula vavagi makwaina
mitaga gala wala ibodaigu, paila saina mwaugaga nanamsela.
17 Mitaga oluvi alokaia asuvi om Bwala Kwebumaboma,
e tuta matutona lanakaigali avaka biviloubusi baisa tomitugaga.
18 Yoku bukusaili matausina okabasi saina dumokikina,
e bukuvigaki bikapusisi bisilagisi wala,
19 e otukolela wala biwokuva si momova.
Si tuta kala vigimkovila bisalilisi bibodasi saina kabokakayuwa.
20 E matausina makawala mimi wala eiyam bogwa bitamwau.
E Guyau, avai tuta yoku kutokaia e matausina bitamwausi.
21 Avai tuta aninamsi vavagi makwaisina saina yayana,
e agu lumkola gala wala bwaina,
22 tuta matutona yeigu makawala natana mauna nanagowa.
Gala wala bitapuloki nanogu paila yoku.
23 Mitaga tuta komwaidona asisu otalim,
e yoku kuiyosi yamagu.
24 Kuvakadaigu metoya om vituloki,
e okala vigimkovila ulo momova, bukubodaigu deli agu taimamila.
25 Ki, avai vavagi tuvaila isisu wa labuma paila yeigu, mesinaku wala yoku?
E gala wala avaka bikau nanogu baisa ovalu watanawa, mesinaku wala kammwaleta yoku.
26 Kaina nanogu deli wowogu bimama,
mitaga Yaubada matauna wala ulo peula.
Kalamwaleta wala matauna bibodaigu.
27 Matausina availa availa bisilavaimsi mokwita goli bidoumlabasi.
E matausina availa availa bipakaimsi, yoku goli bukukwatumtuwoli.
28 Mitaga yeigu, bogwa lalumkoli avai tuta Yaubada deli yeigu, baisa saina bwainigaga!
Paila Guyau Yaubada tuta tuta ikolaigu,
e yeigu gagabila bakamituli komwaidona avaka avaka eiuvagi.