74
Nigada paila Yaubada bikoli la tomota
1 Mwa Yaubada! Avaka uula bogwa lokusilavaimasi makawala baisa?
Ki, bogwa wala bukugibuluwi m tomota tatoum tuta gala biwokuva?
2 Kululuwai m tomota, matausina bogwa lokunigibogwi paila titoulem,
matausina bogwa lokumai metoya okatupipizBaisa omitibogwa eibodaisi mapilana Itipita. e kuvigaki m tomota tatoum.
Kululuwai makwaina Koya Saiyoni,aKugisi Sam 2.6. ambaisa lokusibogwa.
3 Kuliloula ambaisa eikatudidaimisi valu.
Kama tilaulasi bogwa eikatudidaimisi vavagi kwaitala kwaitala wa Bwala Kwebumaboma.
4 Kam tilaula bogwa leigovasi paila kalisewa om Bwala Kwebumaboma.
Bogwa leivitauwaisi si midimidi baisa, makawala kabutuvatusi paila itomgwagasi.
5 Matausina kasi gigisa makawala totavi kai,
ililikubilasi kai deli si legisa.
6 Ikatugunugunaisi komwaidona kai makaisina bwala kala katububula
deli si legisa toyo kabotutu kaivakaveka.
7 Matausina ikodidaimisi m Bwala Kwebumaboma deli igabwaisi wa kova.
Matausina iyogwalaisi bolela m tapwaroru.
8 Matausina magisi bikatumkumkwaimasi mokwita.
Igibuwolisi komwaidona kabotapwaroru olopola valu.
9 Komwaidona da kabutuvatusisi kwebumaboma bogwa leitamwausi,
e gala taitala tovitoubobuta ikesa,
deli gala taitala inikoli avai tuta mwau makwaina biwokuva.
10 E Yaubada, ammakawala kala woloula kama tilaulasi bigigilaimsi?
Ki, matausina bikatudeuwaimsi tuta gala biwokuva?
11 Avaka paila yoku lokupakaimasi?
Avaka paila lokukwatupwi yamam?
12 E Yaubada, yoku wala ma Guyausi metoya okala vitouula.
Yoku bogwa lokukolaimasi tuta bidubadu.
13 Metoya om peuligaga bolita kuwotuli,
deli kukwatugigai pwanetasi bolita maunela navakaveka. 74.13 Sun 14.21
14 Bogwa lokukwatugunugunu makwaisina pwanetala minana naveka Dokanikani,bMinana Dokanikani idokaisi pwanetala bidubadu, e tuvaila minana uulela avai vavagi avai vavagi eisumgwai deli avai mitugaga avai mitugaga.
deli wowola kuvakoma oviloupakala maunela nasigisagina. 74.14 Yob 41.1; Sam 104.26; Ais 27.1
15 Bogwa lokuvagi waya deli sakala ititayelusi.
Kaduyovakaveka waya kukwatumadi.
16 Bogwa kububuli yam deli bogi.
Kusaibwailaki kalasia deli tubukona osi kabototu.
17 Kusaibwailaki kala kalitutila valu watanawa.
Lokuvagi kweluvala yuviyavi deli kweluvala tula.
18 Mwa Guyau! Kululuwai kam tilaula igigilaimsi wala.
Matausina gala si yaubada, deli ikaluwouwaimsi.
19 Taga kuligaiwa m tomota tomamama baisa kasi tilaula togigasisi.
Taga kulumwelavi m tomota availa availa eibodaisi lamadada.
20 Kululuwai kabutu makwainacKugisi Sam 25.10. lokuvagi deli yakamaisi.
Kabilia isisu odudubila ambaisa ambaisa olopola valu kwaitala kwaitala.
21 Taga kutagwala matausina eibodasi lamadada bimmosilasi.
Mitaga ibodi matausina tonamakava deli matausina togumalawa biyakawolaimsi.
22 Mwa Yaubada! Kuvigimamalu kutokaia, kupilasaimasi yakamaisi m vavagi.
Kululuwai matausina gala si yaubada igigilaimsi yam kwaitala kwaitala.
23 Taga kulumwelavi si ukuwakula kam tilaula,
deli mowai isaitaula wala metoya oyowai.
z74:2 Baisa omitibogwa eibodaisi mapilana Itipita.
a74:2 Kugisi Sam 2.6.
74:13 74.13 Sun 14.21
b74:14 Minana Dokanikani idokaisi pwanetala bidubadu, e tuvaila minana uulela avai vavagi avai vavagi eisumgwai deli avai mitugaga avai mitugaga.
74:14 74.14 Yob 41.1; Sam 104.26; Ais 27.1
c74:20 Kugisi Sam 25.10.