89
Kasi wosi avai tuta mina Isireli eibodasi mwau
1 Mwa Guyau! Tuta komwaidona bausiwosi paila m mitakwai,
e bakamituli paila m kimadagi, tuta gala wala biwokuva.
2 Anikoli m yebwaili bikanigaga e gala wala biwokuva,
deli m kimadagi bikanigaga makawala labuma.
3 Yoku kawam, “Bogwa lakabutu deli matauna availa lanagi,
e bogwa lakatotila baisa ulo towotetila Debida,
4 e kawagu, ‘Tuta komwaidona taitala tubumwa biguyau baisa,kKugisi 2 Sml 7.16.
e dalem gala wala biwokuva, mitaga bititasusilasi wala.’ ” 89.4 2 Sml 7.12-16; 1 Lil 17.11-14; Sam 132.11; VA 2.30
5 Mina labumalMinasina yaubada iuwotitalaisi Yaubada, e matauna ikikaraiwogi mabudona wa labuma. iusiwosisi vavagi makwaisina kabokatubau avaka lokuvagi
e iyakawolaisi saina Tokimadagi yoku.
6 Mwa Guyau! Gala availa isisu wa labuma makawala yoku,
e gala taitala guma labuma gagabila bipataim.
7 TobumabomamKugisi mailela 5 kala katumiki. osi gugula ikamiabaimsi,
e komwaidosi matausina itutuvakau ninasi paila yoku.
8 Mwa! Guyau Yaubada Topeuligaga, gala avai topeuligaga makawala yoku.
E Guyau yoku wala tokimadagi paila komwaidona avaka avaka kuuvagi.
9 Kukwaraiwogi bolita saina kwaipeula.
Kuyominum kaisai saina eipupaisaga.
10 Kuwaiya minana dokanikani ReyabinMinana dokanikani ikibuboti peulela mitugaga, paila minana nanola mwada bikodidaimi valu kala bububula. Kugisi Sam 74.14. e lokukwatumati,
e metoya om peula saina peuluvagasi lokukwalisau matausina kam tilaula.
11 Labuma baisa m vavagi e makawala goli valu watanawa.
Lokububuli valu watanawa deli goli uvagila komwaidona.
12 Lokububuli mapilasina opiliyavata e opilibolimila.
Makwaisina Koya Teibo deli Koya EmonioKugisi Sam 29.6, 42.6-7. iusiwosisi deli mwasawa baisa yoku.
13 Yoku m peula gala wala bitakaibiga,
saina topeuligaga yoku.
14 Tumilela m kwabokwaraiwaga mitukwaibwaila deli karaiwaga duwosisia,
e komwaidona avaka avaka kuuvagi iyomitali m yebwaili deli m kimadagi.
15 Saina imwamwasila ninasi matausina itapwarorusi deli wosisi baisa yoku.
Matausina goli isisuaisi olumalamela m ninabwaila.
16 Yam komwaidona imwasawasi paila uula yoku,
e ikavisaimsi paila m bobwailila.
17 Yoku kuvigakaimasi katomgwagasi,
e katomgwagasi goli metoya om yebwaili.
18 E Guyau, yoku lokunagi kama tokwalasi,
e yoku, mina Isireli si Yaubada Tobumaboma goli, lokusakaimasi matauna ma guyausi.
Yaubada la katotila baisa Debida
19 Omitibogwa kuluki matausina m towotetila tokimadagi metoya okilisala,
kawam, “Bogwa lapilasi taitala kumatoula.
Bogwa lanagi taitala metoya baisa tomota, e lasaiki matauna la guyau.
20 Avaputumi matauna Debida ulo towotetila metoya bulami kaibumaboma,
e lavigaki matauna biguyau. 89.20 1 Sml 13.14; 16.12; VA 13.22
21 Tuta tuta ulo peula bisikaili matauna,
e yeigu bakatupewoli matauna.
22 Gala avai tuta kala tilaula bipeulasi odabala matauna.
e tomitugaga gala wala bikalisauwaisi matauna.
23 Bogwa bamtuli kala tilaula,
e bakatumati komwaidosi availa availa ivigakaisi tokukolosi matauna.
24 Bogwa bayebwaili, deli bagiyoubwaila baisa matauna,
e tuta tuta bavigaki bitomgwaga wala.
25 La kabokwaraiwaga bakatumkulovi
metoya Bolita Kwaiveka bilʹo wa Waya Yupereiti.
26 Bogwa bilukwaigu kawala,
‘Yoku goli tamagu deli ulo Yaubada yoku.
Agu tokwala yoku, e agu tokwatumova.’
27 Bavigaki matauna ulo kuluta tau,pKugisi Sam 2.7.
e matauna giyoumatala odubasi gweguya komwaidosi. 89.27 YG 1.5
28 Tuta tuta bavagi makawala ulo biga katotila baisa matauna.
e ulo kabutu deli matauna gala wala biwokuva, bikanigaga goli.
29 Dalela bikanigaga makawala labuma kwekanigaga,
e tuta komwaidona taitala tabula biguyau.
30 “Mitaga ka - kidamwa tubula bikoulovaisi ulo karaiwaga,
e gala bibubunasi makawala avaka lakaraiwogi,
31 kidamwa gala bilagaisi ulo katuloluta,
kaina bikabikuwolaisi makwaisina ulo karaiwaga,
32 e bogwa bamipuki matausina paila si mitugaga,
e bavigaki bilumkolaisi kala mmayuyu si sula.
33 Mitaga gala wala basim kala mitakwai Debida,
kainaga balumwelavi ulo biga katotila baisa matauna.
34 Gala bakotuni ulo kabutu deli matauna,
kainaga bakodidaimi kwaitala wala ulo biga katotila baisa matauna.
35 “Ka, baisa goli yeigu Tobumaboma ulo biga katotila, e baisa ulo biga bikanigaga goli.
Gala avai tuta basasopa baisa Debida.
36 Tuta komwaidona dalela bititasusilasi,
e yeigu baiyamati wala la kabokwaraiwaga,
makawala kala woloula kalasia bikakata wala.
37 Kabokwaraiwaga makwaina bikanigaga makawala tubukona bikanigaga,
kaina makawala labuma kwekanuvagasi.”
Kavivia paila guyau eimama okabilia
38 Yoku kugibuluwi guyau matauna lokunagi.
Lokusilavi e lokupaiki matauna.
39 Bogwa lokukotuni m kwabutu deli m touwata,
e kala kulupaipi kulavi ila opwadidiweta.
40 Lokukodidaimi kalila la valu,qMapilana Yerusalem, mina Isireli si valu viloumatala.
e bolela kabilia kukwatudidaimi, eiwokuva wala.
41 Komwaidosi availa availa ililoulasi makadana iuveilausi la guguwa,
e sala komwaidosi igigilaisi matauna.
42 Lokutugwali kala tilaula bitomgwagasi,
e kusaiki komwaidosi matausina si mwasawa.
43 Kuvigaki la guguwa guguwala kabilia gala wala dimlesi,
e lokutagwala bikalisauwaisi matauna okabilia.
44 Lokukwaimali la kaitukwa oyamala, makaina kabutuvitusila la guyau,
e la takaikaia kulavi wala ila opwaipwaia.
45 Matauna saina nanakwa kala tomoya gala ibudoki la tuta,
e kuyomsili wala matauna.
Nigada paila kabokwala
46 Mwa Guyau! Ki, tuta komwaidona bukukwatupwanaim wala?
Ammakawala kala woloula m gibuluwa bilululu makawala kova?
47 Bukululuwai ulo momova kukupi wala!
E kululuwai komwaidomasi mina watanawa bakabodasi kaliga.
48 Availaga gagabila bisivagasi e gala wala bikaliga?
Ammakawala tomota bipakaisi kaliga?
49 Mwa Guyau! Ambaisa mitakwai makwaisina eivitububoti m yebwaili?
Ammakawala makwaisina biga katotila lokusaiki Debida?
50 Taga kulumwelavi ammakawala eibigigagaigusi yeigu m touwata,
e ammakawala lapeuloki tutala matausina gala inikolaimsi ibulotaigusi.
51 Mwa Guyau! Kam tilaula ikaluwouwaisi m guyau matauwena lokunagi,
e ambaisa ambaisa matauna bilokaia, ikikaluwouwaisi wala matauna.rMapilana Sam bukila pilivasila (Sam 73—89) ivigimkulovaisi wala baisa; mailela 53 baisa wosi yakaula mapilana kala vigimkovila.
52 Kala yakaula Guyau, tuta gala biwokuva.
Emeni! Emeni!
k89:4 Kugisi 2 Sml 7.16.
89:4 89.4 2 Sml 7.12-16; 1 Lil 17.11-14; Sam 132.11; VA 2.30
l89:5 Minasina yaubada iuwotitalaisi Yaubada, e matauna ikikaraiwogi mabudona wa labuma.
m89:7 Kugisi mailela 5 kala katumiki.
n89:10 Minana dokanikani ikibuboti peulela mitugaga, paila minana nanola mwada bikodidaimi valu kala bububula. Kugisi Sam 74.14.
o89:12 Kugisi Sam 29.6, 42.6-7.
89:20 89.20 1 Sml 13.14; 16.12; VA 13.22
p89:27 Kugisi Sam 2.7.
89:27 89.27 YG 1.5
q89:40 Mapilana Yerusalem, mina Isireli si valu viloumatala.
r89:51 Mapilana Sam bukila pilivasila (Sam 73—89) ivigimkulovaisi wala baisa; mailela 53 baisa wosi yakaula mapilana kala vigimkovila.