BUKI PILIVASILA
90
(Sam 90—106)
Yaubada e tomota
1 Mwa Guyau! Tuta komwaidona yoku kuvaulaimasi.
2 Igau gala kububuli koya,
kaina kububuli komwaidona valu watanawa,
tokinabogwa yoku Yaubada Tosivagasi,
e bukusivagasi makawala, kammwaleta wala Yaubada yoku, tuta gala wala biwokuva.
3 Lokububuli tomota metoya opwaipwaia,s Kugisi Vit 3.19.
e kuluki bikaimilavausi baisa.
Kuvigaki bimila pwaipwaiasi tuvaila.
4 Yokugwa kudoki lakatuluwotala taitu makawala kwaitala wala yam,
e makawala lova, bogwa leim,
kainaga makawala katupotala wala katupwaila bogi. 90.4 2 Pt 3.8
5 Kuvigakaimasi bakatamwausi makawala numla,
e ma tutasi kala wonaku makawala mimi.
Yakamaisi makawala mnumonu kaukwau bisusinasi
6 e nani wala biluwai e bilala,
mitaga koyavi bimwailela e bimata.
7 Yoku m gibuluwa bikatumtuwolaimasi,
e m gidaleiya bivigaki kama kokolasi sainela.
8 Kusaili ma mitugagasi baisa omatam,
e ma mitugagasi makwaisina kakiwolaisi,
yoku kusaili omilakatila ambaisa bukugisimlili.
9 Ma momovasi iutupwi metoya om gibuluwa.
Ititamwau makawala butula tiliawai.
10 Paila ma tutasi kweluwolima kweluwoyu taitu wala,
kaina goli kweluwolima kweluwotolu, kidamwa topapeula yakamaisi.
Mitaga makwaisina taitu kabanaisi wala mwau deli valam.
Makateki biwokuva ma momovasi, e bakatamwausi wala.
11 Availaga eilumkoli komwaidona m gibuluwa gasisila,
e availa inikoli avai kokola bima metoya om gidaleiya?
12 Kuvitulokaimasi ammakawala ma momovasi kala kwekukupi,
kidamwa bakakabitamsi.t Kabitam makwaina bitaimamilasi deli bikabikaulasi baisa Yaubada.
13 Ammakawala m gibuluwau Kugisi Sam 79.5. saina kaduwonaku? Avai tuta biwokuva?
Mwa Guyau! Bukunokapisaimasi yakamaisi m towotetila.
14 Kaukwau bukuvakasauwaimasi metoya om mitakwai,
e oma tutasi komwaidona bakausiwosisi bakamwasawasi.
15 Ibodi tuta baisa bukuyomwasalaimasi,
e mwasawa makwaina kala vakaila makawala kala vakaila ninamwau makwaina
lokusakaimasi oma tutasi mwau komwaidona.
16 Bukutagwala yakamaisi m towotetila bakagisaisi vavagi makwaisina topilaveka
lokuvagi metoya om peuligaga,
e igau oluvi ibodi tubumaiasi bigisaisi m peuligaga saina guyugwayu.
17 Mwa! Guyau ma Yaubadasi, ibodi bukumitukwaiyaimasi tuta komwaidona.
Bukutagwala bakapeulasi wala komwaidona avaka avaka kauvagaisi.