105
Yaubada deli la tomota
(1 Lil 16.8-22)
1 Bitanokagutokisi baisa Guyau
e bitakamitulaisi matauna Tovakaigaga.
Bitalukwaisi boda ituwoli ituwoli avaka avaka eivagi.
2 Bitawosisi kala yakaula Guyau.
Bitalivalaisi makwaisina vavagi kabokatubau avaka avaka eivagi.
3 Bitamwasawasi paila eivigakaidasi la vavagi goli.
Ibodi komwaidosi availa availa itapwarorusi baisa matauna bimwasawasi.
4 Bitalokaiasi Guyau paila pilasi
e tuta komwaidona bitatapwarorusi baisa matauna.
5-6 E yokomi tubula Eberaam, matauna la touwata,
e yokomi tubula Yekobe, matauwena einagi,
bukululuwaisi makwaisina kabutuvatusi eivagi Yaubada,
deli bukululuwaisi la yakala makwaisina.
7 Guyau matauna da Yaubadasi.
Matauna la karaiwaga duwosisia isisu paila komwaidosi mina watanawa.
8 Matauna bivagi makawala la kabutu,vIlilivala paila Yaubada la kabutu deli Eberaam, Aisake e Yekobe; kugisi Sam 25.10. tuta gala wala biwokuva,
e makawala la biga katotila bila, bila, biboda tubwa lakatuluwotala goli.
9 Matauna bivagi makawala eilivala baisa Eberaam,
e makawala la biga katotila baisa Aisake. 105.9 Vit 12.7; 17.8; 26.3
10 Guyau eikabutu deli Yekobe,
e baisa goli bikanigaga. 105.10-11 Vit 28.13
11 Kawala, “Bogwa basakaim makubilana Kenani,
e bukuvigaki m vavagi tatoum.”
12 Omitibogwa Yaubada la tomota gala ibawasi,
e isisuaisi tomitawasi wala mapilana Kenani.
13 Iwowausi wala avai valu avai valu,
e deli avai kabokwaraiwaga avai kabokwaraiwaga.
14 Mitaga Yaubada gala itagwala availa bilamidadi matausina.
Magila bikoli matausina, e mapaila ikamitilaki gweguya, 105.14-15 Vit 20.3-7
15 kawala, “Taga kuyogagaisi matausina ulo towotetila bogwa lanagi.
Taga kukwabikonaisi matausina ulo tovitoubobuta.”wIlilivala paila matausina tobubogwa wala, liliusi isisu mapilana Vitouula.105.15 Vit 41.53-57
16 Guyau iwitali molusaula osi valuxMapilana Kenani, Yekobe deli veyala eidokaisi si valu tatousi.
e ikaimali komwaidona kʹasi.
17 Mitaga eiwitali taitala ilobogwa omitasi,
matauwena Yosepa, eigimolaisi paila ula. 105.17 Vit 37.28; 45.5
18 Kaikela kala katupipi tanumnumta,
e kaiyola kala katupipi tanumnumta, 105.18-19 Vit 39.20—40.23
19 e isisu makawala, tatoula wala ikaloubusi makawala eivitoubobuta omitibogwa.
Guyau la biga ikamokwiti matauna.
20 E oluvi guyoula Itipita itaneku Yosepa,
e matauna si guyau boda ituwoli ituwoli ikau iligaiwa kala katupipi. 105.20 Vit 41.14
21 E ivigaki matauna kasi tokugwa kaidadala la valu,
deli biguyoi viloumwaidona Itipita. 105.21 Vit 41.39-41
22 Iguguyoi komwaidosi guyau matauna la tosikwawa,
e isim la karaiwaga bivituloki matausina kala tovakeda guyau.
23 E oluvi Yekobe ilokaia mapilana Itipita
e imili valu baisa. 105.23 Vit 46.6; 47.11
24 Guyau ivigaki la tomota idalasi,
e ikatupewoli matausina odubasi kasi tilaula. 105.24-25 Sun 1.7-14
25 Ivigaki mina Itipita bipakaisi la tomota,
deli bilamidadaisi matausina.
26 E oluvi iwitali la touwata Mosese,
e deli goli Eroni, matauwena einagi. 105.26 Sun 3.1—4.17
27 Matausina eivagaisi Yaubada la vavagi topilaveka,
e ivagaisi kabutuvatusi mapilana Itipita.
28 Yaubada eiwitali dubilikitakita ovalu,
mitaga mina Itipita gala bikabikuwolaisi la karaiwaga. 105.28 Sun 10.21-23
29 Ivigaki si waya bidavilasi imila buyavi.
e ikatumati si yena komwaidona. 105.29 Sun 7.17-21
30 Si valu ikaligiaki kumeu,
e ligisa goli tuvaila eikasewoki minasina. 105.30 Sun 8.1-6
31 Yaubada ikaraiwaga e nigunagu deli segusegu
saina bidugaga ikasewoki valu. 105.31 Sun 8.16-17,20-24
32 Kaimapula kunatoula iwitali kuna kwekulokula e deli kavikavila ovalu. 105.32-33 Sun 9.22-25
33 Ikodidaimi bigulesi waini deli makaisina seuseu,
e deli ikouwoli kai komwaidona.
34 Ikaraiwaga, e nipawa iviloubusisi,
gala gagabila availa bikalau kasi bawa. 105.34-35 Sun 10.12-15
35 Ikomasi kaila valu komwaidona,
e bagula ikamkulovaisi wala.
36 Ikatumati si kuluta tauwau
komwaidona mina Itipita. 105.36 Sun 12.29
37 E oluvi ivakadi mina Isireli isunapulasi.
Ikokeulasi siliba deli goula
e komwaidosi deli si momova e deli si peula. 105.37-38 Sun 12.33-36
38 Mina Itipita ikukolaisi matausina,
e imwasawasi avai tuta isilavaisi si valu.
39 Yaubada isaili lowalowa odubasi la tomota
e wa bogi isaiki kova paila bititapi matausina. 105.39 Sun 13.21-22
40 Inigadasi e iwitali kasi gwaba gogoila.
Isaiki kaula metoya wa labuma e ikamsi ikomatasi goli. 105.40 Sun 16.2-15
41 Iulaim dukutotu e sopi igiposisi,
e sopi ititayelu oviloupakala makawala waya. 105.41 Sun 17.1-7; Baw 20.2-13
42 Iluluwai la biga katotila kwebumaboma
baisa la touwata Eberaam.
43 E mapaila ivakadi la tomota isunapulasi,
e iwosisi igovasi deli mwasawa.
44 Isaiki matausina si pwaipwaia tuwoli tomota,
e deli tuvaila itagwala biyoulisi si kwabila tomota matausina. 105.44 Yos 11.16-23
45 E ivagi makawala kidamwa la tomota bikabikuwolaisi la karaiwaga kwevakaveka,
deli bivagaisi makawala komwaidona la karaiwaga kwekikekita.
Kala yakaula Guyau!
v105:8 Ililivala paila Yaubada la kabutu deli Eberaam, Aisake e Yekobe; kugisi Sam 25.10.
105:9 105.9 Vit 12.7; 17.8; 26.3
105:10 105.10-11 Vit 28.13
105:14 105.14-15 Vit 20.3-7
w105:15 Ililivala paila matausina tobubogwa wala, liliusi isisu mapilana Vitouula.
105:15 105.15 Vit 41.53-57
x105:16 Mapilana Kenani, Yekobe deli veyala eidokaisi si valu tatousi.
105:17 105.17 Vit 37.28; 45.5
105:18 105.18-19 Vit 39.20—40.23
105:20 105.20 Vit 41.14
105:21 105.21 Vit 41.39-41
105:23 105.23 Vit 46.6; 47.11
105:24 105.24-25 Sun 1.7-14
105:26 105.26 Sun 3.1—4.17
105:28 105.28 Sun 10.21-23
105:29 105.29 Sun 7.17-21
105:30 105.30 Sun 8.1-6
105:31 105.31 Sun 8.16-17,20-24
105:32 105.32-33 Sun 9.22-25
105:34 105.34-35 Sun 10.12-15
105:36 105.36 Sun 12.29
105:37 105.37-38 Sun 12.33-36
105:39 105.39 Sun 13.21-22
105:40 105.40 Sun 16.2-15
105:41 105.41 Sun 17.1-7; Baw 20.2-13
105:44 105.44 Yos 11.16-23