106
Guyau imitukwaii la tomota
1 Kala yakaula Guyau.
Bitanokagutokisi baisa Guyau, paila matauna tomitakwai.
La yebwaili ikanuvagasi. 106.1 1 Lil 16.34; 2 Lil 5.13; 7.3; Esi 3.11; Sam 100.5; 107.1; 118.1; 136.1; Yer 33.11
2 Availa gagabila bikamituli komwaidona vavagi topilaveka bogwa leivagi?
Availa gagabila bisaiki kala yakaula avaka bibudoki matauna?
3 Bimwasawasi availa availa matausina ikabikaulasi la karaiwaga duwosisia,
deli tuta komwaidona imitukwaibwailasi.
4 E Guyau, kululuwaigu avai tuta bukupilasi m tomota.
Kusegulikaigu avai tuta bukukwatumovi matausina.
5 Kutugwalaigu bagisi si sibwabwaila m tomota,
e bamwasawa deli mabudona m tomota,
e gulitinidesi yakamaisi m tomota bakayakawolaimsi.
6 Bogwa kamitugagasi makawala tubumaiasi leivagaisi.
Bogwa kataugagasi deli kamitugagasi.
7 Tubumaiasi mapilana Itipita gala ikatetasi avaka Yaubada eivagi kabokatubau.
Tuta bidubadu ivituloki matausina la yebwaili, mitaga bogwa eilumwelavaisi,
deli bogwa ikosomapwaisi Topeuligaga mapilana Bolita Pilabweyani. 106.7 Sun 14.10-12
8 Mitaga bogwa ikoli matausina, makawala bogwa leikatotila,
paila mwada bivituloki la peuligaga.
9 Bogwa eikaraiwogi mapilana Bolita Pilabweyani e imada,
e ikugwai la tomota iluvapelasi opwaipwaia lubulabu. 106.9-12 Sun 14.21-31
10 Bogwa ikoli la tomota metoya baisa matausina mina kukolosi.
Bogwa ikoli matausina metoya kasi tilaula.
11 Mitaga sopi ivigipulu kasi tilaula.
Gala taitala matausina ikesa.
12 Oluvi la tomota bogwa idubumaisi la biga katotila,
deli iwosisi yakaula baisa matauna. 106.12 Sun 15.1-21
13 Mitaga saina nanakwa ilumwelavaisi avaka bogwa leivagi,
deli ivagaisi avaka ninasi e gala itulotulasi paila la katuloluta.
14 Matausina bogwa ikatumati vikeiya oviloupakala,
deli iwakolaisi Yaubada. 106.14-15 Baw 11.4-34
15 Mapaila isaiki matausina avaka einigadaisi,
mitaga tuvaila iwitali lelia gaga baisa matausina.
16 Baisa oviloupakala matausina ipogaisi Mosese,
deli ipogaisi Eroni, matauna Guyau la touwata tobumaboma. 106.16-18 Baw 16.1-35
17 Oluvi pwaipwaia bogwa ikapogega e ilupoli Datani,
deli ibaku Abiram deli litula.
18 Kova bogwa ikapusi baisa kasi tobwakuli,
e igabu matausina tomota tomitugaga.
19 Matausina bogwa eibubulaisi bulumakau goula makwaina Koya Sinai,
deli itapwarorusi baisa minana tokolu. 106.19-23 Sun 32.1-14
20 Bogwa ikatumapwaisi Yaubada Toguyugwayu,
e kaimapula iyosisi kaikobula natana mauna minana nakamkwam mnumonu.
21 Bogwa eilumwelavaisi Yaubada matauna eikatumovi matausina
metoya ola vavagi topilaveka eivagi mapilana Itipita.
22 Saina kabokatubau vavagi makwaisina bogwa eivagi mapilana!
Saina kaboyowalula vavagi makwaisina mapilana Bolita Pilabweyani!
23 Avai tuta Yaubada ikaibiga mwada bikatudoum la tomota,
e Mosese, matauna la touwata isim kala naga, itokaia, kayubabai baisa Yaubada,
deli isilibodi la gibuluwa taga bikatudoum matausina.
24 Oluvi matausina ipakaisi valu bwaina,
paila gala idubumaisi Yaubada la biga katotila. 106.24-26 Baw 14.1-35
25 Matausina isisuaisi wala olumoulela si buliyoyova e itakulukulusi,
deli gala binakaigalaisi Guyau.
26 Mapaila ikamitilaki matausina
mwada bidoumsi oviloupakala,
27 deli bivabutu tubusia bilosi oluwalaisi tomota matausina gala inikolaisi Yaubada,
e bitugwali matausina bikaligasi osi valu togilagala. 106.27 Tol 26.33
28 Mapilana Piori Yaubada la tomota itokailasi paila BealiyMinana Beali eidokaisi la peula gagabila bivigaki bagula bikabinai deli vivila nani bisumasi. kala tapwaroru,
deli ikamsi lula bogwa eisakaisi minasina yaubada gala isim si momova. 106.28-31 Baw 25.1-13
29 Ikatumwalaisi Guyau la gibuluwa metoya baisa avaka eivagaisi,
mapaila lelia kwemigaga ikaloubusi oluwalaisi.
30 Mitaga Piniasi itokaia imipuki matausina isim kasi pakula,
e lelia iwokuva.
31 Tomota ikabwailisi Piniasi paila baisa avaka eivagi e leima lagaila,
e biluluwaisi goli tuta komwaidona, tuta gala wala biwokuva.
32 Mapilana outuwotu Meriba tomota iyogibuluwaisi Guyau,
deli Mosese iboda mwauzYaubada gala itagwala Mosese bisuvi mapilana valu deli la tomota; kugisi Baw 20.12. paila matausina. 106.32-33 Baw 20.2-13
33 Matausina saina iyomiyuyaisi nanola Mosese,
mapaila isetuwoli wala lilivala gala deli la nanamsa.
34 Gala ikatumataisi tomota matausina gala inikolaisi Yaubada,
makawala Guyau eikaraiwogi matausina bivagaisi, 106.34-36 Tok 2.1-3; 3.5-6
35 mitaga ivaipelasi deli matausina,
deli ibokulaisi makawala si kidakeda tapwaroru doudoga.
36 Ka, Yaubada la tomota itapwarorusi baisa tokolu,
e baisa iyomituli kasi kaliga.
37 Ikasalaisi litusia titoulesi tauwau deli vivila,
ivigakaisi lula baisa si tokolu mina Kenani. 106.37 2 Gwe 17.17
38 Bogwa ikatumataisi magudisina gudibubwaila gugwadi,
e ivakagalaisi valu metoya makwaisina katumata. 106.38 Baw 35.33
39 Bogwa eiyogwalaisi titoulesi metoya osi vavagi,
deli ipakaisi wala Yaubada.
40 Mapaila Guyau igibuluwa baisa la tomota.
Matauna ikasilali matausina. 106.40-46 Tok 2.14-18
41 Matauna isilavi matausina ilosi oyumasi tomota matausina gala inikolaisi Yaubada,
deli kasi tilaula ikaraiwogaisi matausina.
42 Matausina ibodasi kasi lamadada metoya kasi tilaula,
deli itugwalaisi tomwaidosi baisa matausina.
43 Tuta bidubadu Guyau ikoli la tomota,
mitaga inagaisi bikosomapwaisi matauna,
deli isubounusi ilosi olumoulela mitugaga.
44 Mitaga Guyau bogwa eilagi matausina avai tuta eidousi,
deli bogwa ivitusi kasi mmayuyu.
45 Magila bipilasi matausina e mauula iluluwai la kabutu,aKugisi Sam 25.10.
e nanola ikivili, paila uula la yebwaili saina vakaigaga.
46 Bogwa ivigaki kasi tolamadada komwaidona
binokapisaisi matausina.
47 Mwa! Guyau ma Yaubadasi, kukolaimasi, 106.47-48 1 Lil 16.35-36
e kukwaimilivauwaimasibMina Isireli osi katupipi mapilana Babilonia ininigadasi mwada Guyau bikaimilivau matausina bikeiitasi osi valu tatousi. metoya oluwalaisi boda ituwoli ituwoli,
e igagabila bakanokagutokisi
deli bakayakawolaimsi yoku Tobumaboma.
48 Kala yakaula Guyau, matauna mina Isireli si Yaubada.
Kuyakawolaisi matauna tuta baisa deli tuta gala biwokuva!
Ibodi taitala taitala bilivala kawala “Emeni!”
Kala yakaula Guyau!cMailela 48 baisa kala vigimkovila Sam bukila pilivasila (Sam 90-106) eivigaki kaboyakaula baisa Yaubada.
BUKI PILILIMELA
(Sam 107—150)
106:1 106.1 1 Lil 16.34; 2 Lil 5.13; 7.3; Esi 3.11; Sam 100.5; 107.1; 118.1; 136.1; Yer 33.11
106:7 106.7 Sun 14.10-12
106:9 106.9-12 Sun 14.21-31
106:12 106.12 Sun 15.1-21
106:14 106.14-15 Baw 11.4-34
106:16 106.16-18 Baw 16.1-35
106:19 106.19-23 Sun 32.1-14
106:24 106.24-26 Baw 14.1-35
106:27 106.27 Tol 26.33
y106:28 Minana Beali eidokaisi la peula gagabila bivigaki bagula bikabinai deli vivila nani bisumasi.
106:28 106.28-31 Baw 25.1-13
z106:32 Yaubada gala itagwala Mosese bisuvi mapilana valu deli la tomota; kugisi Baw 20.12.
106:32 106.32-33 Baw 20.2-13
106:34 106.34-36 Tok 2.1-3; 3.5-6
106:37 106.37 2 Gwe 17.17
106:38 106.38 Baw 35.33
106:40 106.40-46 Tok 2.14-18
a106:45 Kugisi Sam 25.10.
106:47 106.47-48 1 Lil 16.35-36
b106:47 Mina Isireli osi katupipi mapilana Babilonia ininigadasi mwada Guyau bikaimilivau matausina bikeiitasi osi valu tatousi.
c106:48 Mailela 48 baisa kala vigimkovila Sam bukila pilivasila (Sam 90-106) eivigaki kaboyakaula baisa Yaubada.