118
Totomgwaga la nigada nokagutoki
Bitanokagutokisi baisa Guyau, paila matauna giyoubwaila.
La yebwaili gala wala biwokuva, bikanigaga goli. 118.1 1 Lil 16.34; 2 Lil 5.13; 7.3; Esi 3.11; Sam 100.5; 106.1; 107.1; 136.1; Yer 33.11
Ibodi mina Isireli bikaibigasi,
“La yebwaili bikanigaga goli.”
Ibodi Yaubada la tolula bikaibigasi,
“La yebwaili bikanigaga goli.”
Ibodi komwaidosi totapwaroru bikaibigasi,
“La yebwaili bikanigaga goli.”
 
Metoya ogu mmayuyu adou baisa Guyau.
Imapu ulo dou, e itanekwaigu.
Guyau deli yeigu, e gala wala bakokola.
Avakaga gagabila tomota bivigakaigusi? 118.6 Ib 13.6
Paila Guyau goli ipipilasaigu,
e bogwa bagisi agu tilaula bimamasi goli.
Ibodi sainela bitadubumaisi Guyau,
e gala wala ibodi bitadubumaisi tomota.
Ibodi sainela bitadubumaisi Guyau,
e gala wala ibodi bitadubumaisi tokugwala valu watanawa.
 
10 Agu tilaula bidubadus Matausina goli ituwoli boda ituwoli boda si tokwabilia. eitoulaigusi,
mitaga akatumtuwoli matausina metoya ola peula Guyau.
11 E ititoulaigusi wala itapataigusi,
mitaga akatumtuwoli matausina metoya ola peula Guyau.
12 Ivaulaigusi makawala budotala tubuyusapi,
mitaga agabu matausina e saina nanakwa eigibimkulovi, makawala susupa,
e metoya ola peula Guyau akatumtuwoli matausina.
13 Iwawaigusi saina minimani e makateki wala bamama,
mitaga Guyau ipilasaigu goli.
14 Guyau bikatupewolaigu e bogwa bapeula.
Matauna goli bogwa eikolaigu. 118.14 Sun 15.2; Ais 12.2
 
15 Ka, kulegasi govala tomgwaga, ikatugougovasi deli mwasawa osi buliyoyova Yaubada la tomota.
Kawasi, “E, tatomgwagasi uula goli Guyau la peuligaga.
16 Bogwa tatomgwagasi paila uula wala Guyau la peula,
e la peuligaga tutala takakabiliasi.”
 
17 Yeigu gala wala bakaliga. Mitaga tomomova yeigu
bakamituli Guyau avaka eivagi.
18 Bogwa leimipukwaigu saina mwau,
mitaga gala itugwalaigu bakaliga.
 
19 Kuulaimwaisi kalapisilela Bwala Kwebumaboma
e yeigu basuvi e banokagutoki baisa Guyau.
 
20 Ka, baisa Guyau la kalapisila.
Tomitukwaibwaila wala bisuvisi baisa.
 
21 Mwa Guyau! Ayakawolaim, paila lokulagaigu,
e lokusakaigu peula kidamwa batomgwaga.
 
22 Dakuna itakilaisi tokwaliai bwala,
makwaina ivigaki makawala lipumatala. 118.22 Lk 20.17; VA 4.11; 1 Pt 2.7 118.22-23 Md 21.42; Mk 12.10-11
23 Baisa ivagi Guyau,
makwaina kabokatubau omatadasi.
24 Yam lagaila goli Guyau eitomgwaga.
Ibodi bitamwasawasi e bitapakasi.
25 Bukukolaimasi! Mwa Guyau! Bukukolaimasi!
E Guyau, bukuvigakaimasi bakapeulasi goli. 118.25 Md 21.9; Mk 11.9; Yn 12.13
 
26 Ibodi Yaubada bimitukwaii matauna imaima metoya baisa Guyau.
Kayakawolaimsi metoya Guyau la Bwala Kwebumaboma. 118.26 Md 21.9; 23.39; Mk 11.9; Lk 13.35; 19.38; Yn 12.13
27 Guyau matauna Yaubada, e matauna imitukwaibwailidasi.
Oyumami bukuyosisi kai sisila bukuvitouulasi paka makwaina,
e bukukwatudelisi bukutavinaisi kabolula.
 
28 Yoku ulo Yaubada e anokagutoki baisa yoku.
Bogwa bakamitulaim yoku Tovakaigaga.
 
29 Bitanokagutokisi baisa Guyau, paila matauna giyoubwaila.
La yebwaili gala wala biwokuva, bikanigaga goli.

118:1 118.1 1 Lil 16.34; 2 Lil 5.13; 7.3; Esi 3.11; Sam 100.5; 106.1; 107.1; 136.1; Yer 33.11

118:6 118.6 Ib 13.6

s118:10 Matausina goli ituwoli boda ituwoli boda si tokwabilia.

118:14 118.14 Sun 15.2; Ais 12.2

118:22 118.22 Lk 20.17; VA 4.11; 1 Pt 2.7

118:22 118.22-23 Md 21.42; Mk 12.10-11

118:25 118.25 Md 21.9; Mk 11.9; Yn 12.13

118:26 118.26 Md 21.9; 23.39; Mk 11.9; Lk 13.35; 19.38; Yn 12.13