50
Namonde God Tumonde Bainghari Da Emboro Bekáda Ise, Nundae Aiyakoe Saore!
1 Bajari God fakina tofo aimi beka afigedo, evetu genembo iji vitarida a iji vosarida irera,
ava isambu numokena furoro dae aghi erira.
2 God nunda ututu Saion*Afige, geka eni Saion dae gefusera, tuturo 2:6 duruda tege, garesa! gari duróde aminda ghedo, nunda usasa janimberaira.
3 Namondeda God refira, a jo sainghe furaeri. Nu avaraka buburaghae dombuda aviri,
yaura vovoga aimi jimbi birurughiri refira.
4 Nunda natofo kau nange ijujarira ava, utu endaghae foa gosuroro ijujari dae resira.
5 “Nanda natofo nanda geka ningiraera, a nanda evovo geka†God Da Geka seka afige ya geka se disugari da vasa aminda geka “emboro” afige tegaso dae resera. Eminda “evovo geka” irira ainda tuka daba avori. kaifa ari dae sise,
joba namokena de dungedo futusera, ava aghi aovo furore!”
6 Utu da duróimi ijugerira, God mo, ari bekáda bekáda ava nembo eraira.
A ijujari kato beká, numori.
7 Nanda natofo Israel embo, nininguruvu, saone! God, nenda God namori.
Nenda kosasa rea eraeva isambu, tegono ningareva.
8 Ne dombuda sari dae erena, avata, nenda joba muturaeva ekori o sinofuka de dunge muturaeva
jo inono irae ava erá koteóve!
9 Eregoseva? Borumakau da kandana nenda karoda irira,
a gouti unduraeva barago, redae bareni?
10 Ai resira amo, taimada sino fuka
a borumakava nanjogo jiro fumbari aminda unduraeva
isambu nanda fitariri.
11 Taima da rika a roera endada jebuga irera ábarago nanda tofori.
12 Na ighoi ambaetena, jo nendae bayau dae benunu sae aeteni.
Ainda beká mo, enda da roera reju irera, isambu nanda tofori.
13 Na burumakauva kandana ainda fisí, o gouti da ororo mindarena, aĩ?
14 Ava sedo, God fakina kato, na ne dombuda resena ainda beká mo eviri.
Ne rea namokena mutari siseva ava, mutareva.
Avata nenda joba beká namokena mutareva amo, beka afigedo nandae aiyakoe sareva, avori.
15 Dara nanjigo furarira amo, nandae kori sevu, ne sonembururono nandae sakai saove!
16 Avata God ari ekoko embokena eminge resira, “Nanda Agho Dari redae teguterevu?
Kotugo nanda evovo geka nombua manekena futusena, aindae redae sakai resevu?”
17 Aminge resena da beká mo, ne dengoro indiraena ava bu fugeraeva. Nanda geka itako jo bae eraeva.
18 Ne bagia kakato tambudo, nemonde komana usevu. Aminguse, yagera kakato ainde dabade tatedo, umo use ireva.
19 Ne evovodae besiga use, geka eko sari dae kaifa use irá gheraeva. Ne kotae kotae gungubo seraeva.
20 Ne totofo nenda nano namendi dae aji seraeva. A nenda irari gosuse ijujeraesa.
21 Ne amingudo fuseva ava, na rejo eni jo saeri. Amingudo feno gido, na nemongo ava kotisevu.
Avata oroko ne dara eraeva ava isagha sise, dombuda resena, ningivu!
22 Na ningi ningaego eraeva, ava dengoro afige ningivu!
Jo nanda geka ningae areva amo, ne sosighi aono, jo mave ne sonembae arira.
23 Na kakara ari sareva amo, beka afigedo, nandae aiyakoe sareva.
Ainda beká mo, nenda joba beká namokena mutareva, aiyakoe sari avori.
Mave nanda geka ningido amingarira amo, ne na sonembuse jebuga mutarena.