127
God Da Ari Evevago Aindae Sakai Saore!
1 Bajari kambo jo itae arira amo, kambo itari embo nenda fakina soesa arera.
Reighi bogu begaya ava Bajari jo gagara ae arira amo,
gitofu kato ari embo nenda fakina soesa arera.
2 Oka bayaudae sifo ataeda ere tumba jirari soroda avido ghari mo,
jo eveva iraeri. Ai resira, Bajari mavejoa dubo buraira aikena,
ne aviroro nune muturaira.
3 Mandi sasingu mo fuyori, Bajari muturaira. Esimbugari beká nemori.
4 Vide jamena genembo seka bajarikena siroreraera amo,
kau isoro embo feva da goroba eni afari dae sise, fitiri irira, amingori.
5 Genembo mave vide jamena digari sari sirorarera amo,
koto sifoda, nunda geka bouvu arira.