128
Bajari Da Uju Mave Arera, Aikena Mino Mutarira.
1 Mave Bajari da uju ava use, nunda amboda amboda arira amo,
ne ivugaghae irarera.
2 Ni rejodae saramana eraesa,
ainda beká ava sirorari baresa.
Budo, susu iti fafode edo, ivugaghae iraresa.
3 Nearo kau vaini da asi jigharigo amingori,
sasingu ghagurago beká fumbarira.
Ni bayau mindari dae anumbaresa amo, ninda vide jamena ghaguruimi anumbe jimbe birurugharera ava,
kau ika orivi tamonda batuno sasangi birurugheraira, amingori.
4 Genembo mave Bajari da uju ava use irá gheraira amo,
Bajari nu setena ava, aminguse esimbugarira.
5 Bajari Saion irise,*Afige, geka eni Saion dae gefusera, tuturo 2:6 duruda tege, garesa! ni esimbugare! Ni jo ambae ghousa mavega ava
iraresa, Jerusalem aminda gugua ghayafa iti fafode arira gaso dae resena!
6 A kotugo, ni jo ambae irise, ninda imemesiri siroraoro gaso dae resena.
Dubo jama Israel embokena irare!