144
Kini (King) Gitofu Sosighi Edo, God Nunda Sonembadae Aiyakoe Sisira.
1 Bajari, namo gagara ari katodae sakai saore! Na ambi goroba jighono dae nune ijuguse,
isoro aono dae fakina muturaira.
2 Nu sifo ghousa namoa dubo ruruse, na gagara eraira.
Nu nandae sorega fumburaira, na nunda itumuda iriono, nune seari jebugeraena.
Nanda tumondari numokena fifituse, na jebuga irá gheraena.
Nune oro oro isambu fiteari vose, nanda duruda irioro, nane kaifa eraena.
3 Arie Bajari, genembo mo, rejori? Nu jo rejo eni iraeri,
ava ni redae koteraesi? Nu taká tefo genembo, ágido redae bu tavo tatau eraesi?
4 Numo taká kau janje asegeraera, ainda kaugori, nunda jebuga, foroga iji gajeari,
yaurai bu fuseari itumu totoi totoi ya dadaberaira, amingori.
5 Arie Bajari, utu jighi torere afige vose fu! Kunikada doriri mane sire jighi imbosi gubighare!
6 Biria barara mutu tarighuse, ninda gitofu ondari taraghaore! Ninda feva aimi afuse ondiruru, oju sumbore!
7 Ninda ungo utudaghe sirege vosefurari, na kafurudaghe jumbu vitone! Bu darigaso jebugaone!
Oro mendeni da fakina kau irae aikena na bu darige!
8 Gitofuá geka beká eni itako jo sae eraera. Nenda geka tumondaoro dae God da javono gatise,
beka gajeraera, avata aminda beká eni tefori.
9 Arie God, na nindae yaru seka gate divarena. Na gita*Afige, geka eni gita o uka dae gefusera, tuturo 32:2 duruda tege, garesa! doruse nimokena yaru sarena.
10 Mave seari, kini (king) mane nenda gitofu sosighi e atai fati fateraera, amo nimori.
A kotugo mave, ninda saramana kato, David, bu darigeari jebugedo gherira, ábarago nimori.
11 Oro mendenida fakina kau irae aikena na bu darige! Gitofuá geka beká eni itako jo sae eraera.
Nenda geka tumondaoro dae God da javono gatise, beka gajeraera, avata aminda beká eni tefori.
12 Amingaresa amo, namanenda vide jamena seka bajarera amo, faragho faragho eveva ikai bajarigarera.
Namanenda sasingu ade jamena mendode sovode gari garigo
kini (king) da nati botou da faiya gembari gengebago aminga ava
bajarigarera.
13 Namanenda bayau seruku vasa bayau nunda dombu dombu aimi bedo ururari,
namanenda sifi da mamandi ghagurugo 10,000 darigedo siroruse irari garera.
14 Namanenda burumakau da mamandi nunda sifoda eveva fumbu averegarera.
Namaneda reighi jokáda jivu menjuga jo gutae aeteri.
15 Geka isuru erena evia, oro mavekena beká arira amo, ivuga ghae irivu!
Evetu genembo Bajari nenda God dae budo numoa tumonde baingharera amo, ivugaghae irarera!