KORONEKOLESE
Buku Samyuele dokopa Kiŋi dokopa dolapona pii palenge dupwako dee kamba 1 Koronekolese dokopa 2 Koronekolese dokopa dolapona palu palipyamopape mee mende mende pipala palamo. Buku 1 Koronekolesepa 2 Koronekolesepa dolapona renge lama dokona lao soo giso Isaraele wambunya kiŋi dupwa yuu Isaraelena monaki lenge dokona lao pepa piya.
1. Buku Koronekolese lenge laparaeme arome pii dokome Isaraele wambunya isingi yuu Isaraele Jutape kokwa sisi siyambinyipape Anatunya pii lalu lao leyamo dokome kame see nao piyamo doko mana lao lasaka piya. Anatumi yuu Juta dokona yaki nyii nao mee karalyaminyi wambu dupwana keta baame banya pii wambo leyamuli pyuo pyuo kareya. Dopa lao suu pyao pepa pingi akali dokome Dapitipa Solomenepa yulu andake piyambi dupwape dee Jiosapatamoo Esakayamoo Josayamoo dupwana yulu lapo rolena lao alowa piyami dupwape dee wambu malu Anatu yaki nyii nao kapa ingingi lao suu pyao kareyami dupwape kandarami lao mana lamaiyuo piya.
2. Apa pyuo Isaraele wambu dupwa yuu Jerusaleme tembole anda dokona buso Anatu lakando kareyaminyi dokona lao arome pii dake lamaiya. Lamaiyuo mee wambu dupwame purisi akalipi Lipae akali dupwape keta Anatu lakandeyami dupwa apa pyuo nakamana Anatu doko lakandengepe yulu rapa rapa pyuo piyaminyipi dupwa opetae pyasi palamo. Arome pii dakena kiŋi Dapitimi wambu dupwa Anatu au pyuo mona retarami lao mana lamaiyamopape Dapitinya ikinyingi kiŋi Solomone baame Anatunya tembole anda angi piyamo doko pyasi palamo.
1 Koronekolese rombo 1-8 dusipana Isaraele rara mendaki mendaki lao dokona rora ambasupi dupwana kingi pyasi palamo.
1
...