1 Na tastasik, a mang sur ar atai ulak mulo ana Wakak a Warwara, ning nating ia ka warawai tar onoi tetek mulo, pa mulo ka kibas pasi, pa mulo ka tur rakrakai onoi. 2 Ning mulo tong akes a warwara ning ia ka warawai tar onoi tetek mulo, e God ir alaun pas mulo ana Wakak a Warwara ne. Ning bel, mulo tortorot oros ka.

3 15:3 Aisaia 53:5-12Anasa a warwara ning ia ka kibas pasi, ia ka saran tari tamulo pa i itna kol. I manglarne: E Karisito i mat sur anundala na toltol laulau, larning di ka tumus tari ting na Buk Tabu. 4 15:4 Matiu 12:40; 28:16-17; Luk 24:34; Aposel 2:24-32Di akas tari ting na kulam a minat, pa natol a pukakiar lamur e God i akamtur ulak pasi kusun a minat, larning di ka tumus tari ting na Buk Tabu. 5 Pa i hanot tetek e Pita, pa lamur tetek ning a bonot pa pisir naur a aposel. 6 Lamur i hanot tetek na tastasindala ana tortorot. A wawasinla i arlar ana dilima na mar pa i apapisir, ning la kes taum ana pukakiar ning. Pa galis kol onla, la kaning ot la laun, ika, dingla la ka mat. 7 15:7 Luk 24:50Pa lamur i hanot tetek e Jems, pa lamur tetek na aposel rop.

8 15:8 Aposel 9:3-6Pa lamur tanla, i hanot tetek iau otleng, ning a arlar ana kaklik ning e tana i agon kapit tari, ning anuna kalang belot i sot.

9 15:9 Epeses 3:8; 1 Timoti 1:15Anasa iau, a natarna kol tana aposella rop, pa bel a wakak sur dir atong iau a aposel, anasa a sira alaulau a tarai a lotu ane God. 10 15:10 2 Korin 11:23Ika, e God i saran tar a lalaun ne a laun onoi, anasa ana nuna marmaris. Pa bel i arop oros tari ka anuna marmaris hok. A titol rakrakai kol tanla rop. Ika, bel iau ot a titol, a marmaris ane God, ning i kes taum hok, i ning i titol. 11 Ning a warawai, o na aposel otleng la warawai, mila rop mila warawai ana warwara ne oe Karisito, pa mulo ka tortorot ono.

12 Ning di warawai oe Karisito larning e God i akamtur ulak pasi kusun a minat, sur asaning dingla na tarai kaning na arpotor tamulo la atongi mang bel al kamkamtur ulak kusun a minat? 13 Ning bel ta kamkamtur ulak kusun a minat, e God bel ir akamtur ulak pasi otleng e Karisito kusun a minat. 14 Ning e God bel ir akamtur ulak pas e Karisito kusun a minat, anumila na warawai ir utna oros ka, pa anumulo a tortorot otleng ir utna oros ka. 15 Pa ning bel al kamkamtur ulak kusun a minat, dir oroi i mang mila asasongo oe God, anasa mila warwara talapor oe God mang i akamtur ulak pas e Karisito kusun a minat. Ika, ning bel al kamkamtur ulak kusun a minat, e God bel ir akamtur ulak pas e Karisito kusun a minat. 16 Ning e God bel ir akamtur ulak pas na minat, larka otleng ning bel ir akamtur ulak pas e Karisito kusun a minat. 17 Ning e God bel i akamtur ulak pas e Karisito kusun a minat, anumulo a tortorot i utna oros ka, pa kaning ot mulo kes ana numulo na toltol laulau. 18 Pa na tena tortorot otleng oe Karisito ning la ka mat, la mat tikin. 19 Ning dala harnanai ana tortorot oe Karisito sur a ututnala ning ir toli ana lalaun ka te lapiu, pa lamur bel dalar kamtur ulak kusun a minat, dalar biasui kol tana taraila rop.

20 Ika i momol, e God ka akamtur ulak e Karisito kusun a minat. Ai a ningnigo na barsan ning i kamtur ulak kusun a minat, pa i asangani mang lamur a minatla otleng lar kamtur ulak. 21 15:21 Rom 5:12A minat i hanot anasa ana takai ka barsan, e Adam. Larka otleng ning a kamkamtur ulak kusun a minat i hanot anasa ana takai ka a barsan, e Karisito. 22 Anasa a tarai rop oe Adam lar mat, larka otleng ning a tarai rop oe Karisito lar laun. 23 15:23 1 Tesalonika 4:16; Tatatai 20:5Ika a tinan ana kamkamtur ulak i manglarne: E Karisito a ningnigo na barsan ning i kamtur ulak kusun a minat, pa lamur ning ir hanot ulak, la ning anunai, la otleng lar kamtur ulak. 24 Lamur, a ararop a rakrakan hanua ir hanot, ning e Karisito ir kamar sen na laulau a ingun rop larne, la ning na ningnigo, la ning la tong akes a warkurai pa la ning la tong akes a rakrakai. Pa ir saran tar a matanitu tetek e God e Tamana. 25 15:25 Matiu 22:44Anasa e Karisito ir kes na king tuk ning ir tolsot pas anuna hiruala rop sur lar kes nahaina. 26 15:26 Tatatai 20:14A ararop a hirua ning ir kamari, a minat. 27 Anasa di ka tumus tari ting na Buk Tabu larne, “E God ka suah tar a ututnala rop nahaina.” Buk Song 8:6

29 Ning bel ta kamkamtur ulak kusun a minat, la ning di baptais la sur a tarai ning la ka mat, asaning lar toli? Ning i momol mang na minat bel lar kamtur ulak kusun a minat, sur asaning di baptais a taraila sur a tarai ning la ka mat? 30 15:30 Rom 8:36Ting na numila a titol mila barat a mamahatla ana pukakiarla rop. Ning bel ta kamkamtur ulak kusun a minat, anumila a titol i utna oros ka. 31 Na tastasik, ana pukakiarla rop a barat a mamahatla pa milau ar hirua. A warwara ne i momol arlar larning anuk a tnan gasgas sur mulo i momol. A gas omulo anasa dala kes taum oe Karisito Iesu anundala a Leklek. 32 Ning bel ta kamkamtur ulak kusun a minat, pa a mur a nuknuk a tarai, pa a harum taum ana rokoio na tarai te e Epeses bel i nangan iau. Ning na minat bel lar kamtur ulak kusun a minat, dalar mur a warwara anunla ning la sira atongi larne,

33 Gong di ben rongon mulo, anasa “A keskes taum ana laulau a tarai, ir alaulau a wakak a ginin tik.” 34 Mulor mata, mulor mur a tostos a toltol, pa mulor manah kusun na toltol laulau. Anasa dingla na tarai omulo bel la tasman e God. A atongi larne sur mulor meme.

35 Sakana tik ir kabah mang, “Di akamtur ulak pas na minat mangmangasa? Esi na ngas a palaonla ning lar kamtur ulak ono?” 36 15:36 Jon 12:24U a longlong! Ning u oman a pata rakai, ning bel ir keles pas, bel ir laun. 37 Pa ning u oman a pata wit o ta pata rakai masik otleng, bel ur oman a rakaina, ur oman ot a patna. 38 Ning ir gomo, ir hanot ot a ngas a rakai arlar ana nuknuk e God. Taktakai a ngas a pata rakai ir gomo a rakaina ot.

39 A palaona ututnala rop ning la laun, bel la arlar. A taraila a palaonla ot, pa na inagoi a palaonla i maskana, pa palaona manila i maskana, pa palaona sisla otleng i maskana ot. 40 A ututnala saot na bakut, na palaonla ot, pa ututnala mite lapiu, na palaonla otleng. A matatar ana ututnala saot na bakut i maskana ot, pa matatar ana ututnala mite lapiu i maskana otleng. 41 A kamis a matatarna ot, pa kalang a matatarna i maskana ot, pa nangnangla a matatarinla i maskana ot, pa matatar ana nangnangla taktakai i maskana otleng.

42 I arlar ka otleng ana kamkamtur ulak anuna minatla. A palaona minat ning di pori ono ir marase ka, ika ning ir kamtur ulak, bel ma ir marase. 43 15:43 Pilipai 3:20-21A palaona minat ning di pori ono bel i tatatai wakak, ika ning ir kamtur ulak ir kamtur taum ana tnan matatar. Ning di pori bel i rakrakai, ika ning ir kamtur ulak ir kamtur taum ana rakrakai. 44 A palaona ning di pori ono, i mitet lapiu, ika ning ir kamtur ulak, ir kamtur taum ana palaona ning a ingun, misaot na langit.

I momol mang takai a palaondala mite lapiu, pa takai a palaondala otleng ning a ingun. 45 I maining di ka tumus tari ting na Buk Tabu larne, “A ningnigo na barsan, e Adam, e God i saran tar a lalaun teteki.” Stat 2:7

50 Na tastasik, a atongi tamulo mang, a palaondala mite lapiu bel ir kas uting na matanitu ane God. A palaondala ning i sira marase ka, bel ir kas uting na matanitu ane God, ning bel ir marase. 51 15:51 1 Tesalonika 4:15-17Mulo longor, ar atai mulo ana utna na pidik larne: Bel dala rop dalar mat, ika e God ir lingir pas dala rop. 52 15:52 Matiu 24:31Ning a ararop a tawuru ir tangis, e God ir lingir kapit pas dala ana pilkut ka. Anasa a tawuru*15:52 A tawuru i tur aslang a biugel. ir tangis, e God ir akamtur ulak na minat pa bel lar mat, pa ir lingir pas dala. 53 15:53 2 Korin 5:4Anasa a palaondala mite lapiu ning i sira marase ka, ir keles sur a palaondala ning bel ir marase. A palaondala mite lapiu ning i sira mat ka, ir keles sur a palaondala ning bel ir mat. 54 Pa ning a palaondala ning i sira marase ka, ir keles sur a palaondala ning bel ir marase, pa palaondala ning i sira mat ka ir keles sur a palaondala ning bel ir mat, a tumtumus ting na Buk Tabu ir bot sot, larne, “E God ka tolsot pas a minat, pa ka kamar rop seni.” Aisaia 25:8

58 I maining na tastasik, mulor tur rakrakai, pa anumulo a tortorot ana kamkamtur ulak kusun a minat gong i gulgule. Mulor saran rop tar anumulo a lalaun sur a titol anuna Leklek, anasa mulo tasmani mang a titolla rop mulo toli ana rakrakai ana Leklek bel a utna oros ka.