1 5:1 1 Jon 4:15La rop ning la tortorot mang e Iesu i a Karisito, la na natnat e God. Pa la rop ning la mang sur e tamana, la mang otleng sur e natnalik. 2 Dala tasmani mang dala mang sur na natnat e God mange: Dala mang sur e God, pa dala longor ana nuna warkuraila. 3 5:3 Jon 14:15, 23-24Dala mang sur e God mange: Dalar longor ana nuna warkuraila. Pa anuna warkuraila bel la ngangaten sur dalar mur la. 4 Anasa la ning na natnat e God, la ka tolsot pas a rakrakan hanua. A rakrakai ning dala tolsot pas a rakrakan hanua onoi mange: anundala tortorot. 5 Esi ir tolsot pas a rakrakan hanua? La ka ning la tortorot mang e Iesu a Nat e God.

6 5:6 Jon 1:29-34E Iesu Karisito i hanot ana malum pa suluk.*5:6 Dingla na tena tastasmai ana Buk Tabu la nuki mang, a malum i aslang anuna baptais pa suluk i aslang anuna minat. Bel i hanot ana malum ka, i hanot ana malum pa suluk. A Talngan Tabu i warwara talapor oe Iesu Karisito, anasa a Talngan Tabu i a momolna. 7 5:7 Jon 15:26Ditol ning ditol warwara talapor onoi mange: 8 A Talngan Tabu, pa malum, pa suluk, ditol rop ditol malmaling taum. 9 5:9 Jon 5:32-37Dala kibas pas a warwara talapor anuna tarai, ika a warwara talapor ane God i leklek kol. Anasa, i ot a warwara talapor ane God ot, pa i warwara oe Iesu e Natnalik. 10 5:10 Galesia 4:6Esining i tortorot ana Nat e God, a warwara talapor ane God kaningui na balana. Pa esining bel i tortorot ana warwara talapor ane God, i atong e God mang a tena asasongo, anasa bel i tortorot ana warwara talapor ane God oe Natnalik. 11 Anuna warwara talapor i mange: E God ka saran tar a lalaun tikin tetek dala, pa lalaun ning, kaning oe Natnalik. 12 5:12 Jon 3:36Esining a Nat e God i laun onoi, ka kibas a lalaun. Pa esining a Nat e God bel i laun onoi, bel i kibas a lalaun.

13 5:13 Jon 20:31A tumus a ututnala ne tetek mulo, ning mulo tortorot ana risana e Nat e God, sur mulor tasmani mang mulo ka kibas a lalaun tikin. 14 5:14 Jon 14:13; 1 Jon 3:21-22Ning dala araring tetek e God sur ta utna arlar ana nuknukna, dala tasman momoli mang ir longor dala. 15 Pa ning dala tasmani mang ka longor dala, asa rop ning dala nunung suri, dala tasmani mang dalar kibasi tana.

16 5:16 Matiu 12:31Ning tik i oroi e tasnalik i tol a toltol laulau ning bel i han sur a minat, ir araring, pa e God ir saran a lalaun teteki. A niaring ne, ir nangan la ning anunla na toltol laulau bel i han sur a minat. Ika ning a toltol laulau i han sur a minat, bel a atongi mang mulor araring onla.†5:16 Dingla na tena tastasmai la nuki mang a toltol laulau ning i han sur a minat i warwara o esining i puai sen e Iesu. 17 A toltol laulau rop bel la tostos, ika dingla na toltol laulau bel i han sur a minat.

18 5:18 1 Jon 3:9Dala tasmani mang la rop ning na natnat e God, bel lar tol ulak a toltol laulau. Anasa a Nat e God i tai alar la, pa e Satan bel i tolsot sur ir alaulau la. 19 Dala tasmani mang dala na natnat e God, pa rakrakan hanua rop kaning nahai a warkurai ane Satan. 20 Dala tasmani otleng mang a Nat e God ka hanot, pa ka tabar tar dala ana tastasman, sur dalar tasman e God ning i momol. Dala laun oe God ning i momol, anasa dala laun oe Natnalik, e Iesu Karisito. I a God momol, pa lalaun tikin. 21 Na natnatukla, mulor tai alar mulo kusun a asasongo na godla.