20
Hanaunaunga 10
1 Baing Urana harua haruangadi li ba:
2 “Nga ba Toxoratamona Urana ungia, ngaxapkung sangua Isip, sangua titi oxata olanggama.
3 “Labu ung urana ungia telau tai. Nga ba ing ganina.
4 “Labu utongtongia babu tela maunggu tai. Babua mana axamang sabaluna etuamgu tai. Babua mana axamang hanggaxobina titiau tai. Babua mana langa wa hawa titiau tai.✡ Xapdi Muli (Kisim Bek) 34:17; Lipu Hananiangam Oxatanoa (Wok Pris) 19:4, 26:1; Hanaunaunga (Lo) 4:15-18, 27:15 5 Labu ugung kim tuxundi kimbo usabu manadiu tai. Namua na nga ba Toxoratamona Urana ungia, nga Urana bagulingangam, ngasina salaga na garadi mana baudingtibudingdi kuboluding diandi sanga mana bakbak (rangging) tuwa kimbo luwadi luwadi dima kimu manadi mana adi hauxading sibuna manga.✡ Xapdi Muli (Kisim Bek) 34:6,7; Titinga (Namba) 14:18; Hanaunaunga (Lo) 7:9,10 6 Ne ngahatanga kubolugu murunga sibunama (xung mari te) na bakbak 1,000 dima kimu mana adi muruding sibuna manga xaung disu mana hanaunaungagudi.
7 “Labu oxoxi Toxoratamona Urana ungia yanoa taga maung ba olanggu tai, namua na lipu gaxarea doxoxi yanoa olang, bagula Toxoratamona sina salaga nadi.✡ Lipu Hananiangam Oxatanoa (Wok Pris) 19:12
8 “(Bing) Uhatumia (xai) muli Xaidap Yaguangam saing umogu ba Urana inia.✡ Xapdi Muli (Kisim Bek) 16:23-30, 31:12-14 9 Laing xaidap 6 bagula uwaxata xaung utuxu oxatam longgalo,✡ Xapdi Muli (Kisim Bek) 23:12, 31:15, 34:21, 35:2; Lipu Hananiangam Oxatanoa (Wok Pris) 23:3 10 ne xaidap 7 (bing) xaidap yaguangam, xaidapa umogu (ma)na Toxoratamona Urana ungia. Mana xaidapka ba labu utuxu oxata telau tai. Labu ung ba, garam luba kimbo nanuhangima, kimbo haining oxata olanggama, kimbo lubing oxata olanggama, kimbo morumdi, kimbo lipu titi telam tela wa ranguanggu tai. 11 Namua na laing xaidap 6 Toxoratamona tongtongia sabalunoa xaung titia xaung tega, xaung axamandi duwa manadi. Ne mana xaidap 7 yagua. Binabu Toxoratamona sina guxama na Xaidap Yaguangam saing mogu ba inia.✡ Unggutinga (Stat) 2:1-3; Xapdi Muli (Kisim Bek) 31:17
12 “Uwa hawa mana tibum xaung baum, bu uwa maxaxaya (mana) titia li Toxoratamona Urana ungia sina naung.✡ Hanaunaunga (Lo) 27:16; Matyu 15:4, 19:19; Mak 7:10, 10:19; Luk 18:20; Epasas 6:2; Epasas 6:3
13 “Labu ung lipu tela matiu tai.✡ Unggutinga (Stat) 9:6; Lipu Hananiangam Oxatanoa (Wok Pris) 24:17; Matyu 5:21, 19:18; Mak 10:19; Luk 18:20; Rom 13:9; Yems 2:11
14 “Labu ukinu rangua gaxarea uyau teguyu bau tai.✡ Lipu Hananiangam Oxatanoa (Wok Pris) 20:10; Matyu 5:27, 19:18; Mak 10:19; Luk 18:20; Rom 13:9; Yems 2:11
15 “Labu uhanaiu tai.✡ Lipu Hananiangam Oxatanoa (Wok Pris) 19:11; Matyu 19:18; Mak 10:19; Luk 18:20; Rom 13:9
16 “Labu usu haruanga languangam na riamau tai.✡ Xapdi Muli (Kisim Bek) 23:1; Matyu 19:18; Mak 10:19; Luk 18:20
17 “Labu uxawa riama numanau tai. Labu uxawa riama haininau tai, kimbo lubing oxata olanggama, kimbo haining oxata olanggama, kimbo bulmakau inia kimbo donkinoa, kimbo xalaxala baruamta iniadiu tai.”✡ Rom 7:7, 13:9
18 Lipuadi dilungu kaxaba taha xaung dibagu bilikbiliga (mua), dilungu toxia sau xaung dibagu bimbia bunuxu (mua), baing dimaxuwa dilulu. Binabu dili hasoya (monga)✡ Hibru 12:18,19 19 saing daharua na Moses ba, “Ung sibum ubaxanga nam saing bagula am galungu. Ning labu uyunga Urana ba harua namgu tai, nam am gamati.”
20 Moses harua na lipuadi ba, “Labu amaxuwau tai. Urana ma bu tubang, bu amaxuwa mana saing maxuwanga ba bagula xapkang nam alibu kubolu diana.”
21 Lipuadi dili hasoya (mua) (monga), baing Moses ila haxek mana mugap labiana Urana wa mana ba.
Babudi Xaung Kabukabu Hananiangamdi
22 Baing Toxoratamona harua na Moses ba, “Ubaxanga na Isreldi bila li: ‘Ang sibuim abagu ba ngaharua ranguang sangua long xaiya ba. 23 Labu ang ba atongtongia uranadi bu duwa rangua ngau tai. Silba kimbo gol, labu atongtongia uranadi mang bila bau tai.
24 “ ‘Utongtongia kabukabu hananianga titiam tela nanga saing uhanania etua mana axadi bagudili: hananiangam taungamdi, hananiangam gamogamu taininamdi, sipsibimdi xaung memeimdi xaung bulmakaumdi. Long baruamta ngaiti murungama ba usina yaya manga, bagula ngama ranguaung ngasina guxama naung. 25 Nabu utongtongia kabukabu hananiangam mana siangdi manga, bing labu utongtongia mana siangdi lipudi ditaxidiu tai. Namua na nabu utaxi xaung axamang tela bila kenakai, bing uhanggalangia saing musuna maxagia.✡ Hanaunaunga (Lo) 27:5-7; Yosua (Josua) 8:31 26 Xauna, labu ahaing kabukabugu hananiangamia mana taxagau tai, nam mulangima sok sabasabia.’
✡20:4 Xapdi Muli (Kisim Bek) 34:17; Lipu Hananiangam Oxatanoa (Wok Pris) 19:4, 26:1; Hanaunaunga (Lo) 4:15-18, 27:15
✡20:5 Xapdi Muli (Kisim Bek) 34:6,7; Titinga (Namba) 14:18; Hanaunaunga (Lo) 7:9,10
✡20:7 Lipu Hananiangam Oxatanoa (Wok Pris) 19:12
✡20:8 Xapdi Muli (Kisim Bek) 16:23-30, 31:12-14
✡20:9 Xapdi Muli (Kisim Bek) 23:12, 31:15, 34:21, 35:2; Lipu Hananiangam Oxatanoa (Wok Pris) 23:3
✡20:11 Unggutinga (Stat) 2:1-3; Xapdi Muli (Kisim Bek) 31:17
✡20:12 Hanaunaunga (Lo) 27:16; Matyu 15:4, 19:19; Mak 7:10, 10:19; Luk 18:20; Epasas 6:2; Epasas 6:3
✡20:13 Unggutinga (Stat) 9:6; Lipu Hananiangam Oxatanoa (Wok Pris) 24:17; Matyu 5:21, 19:18; Mak 10:19; Luk 18:20; Rom 13:9; Yems 2:11
✡20:14 Lipu Hananiangam Oxatanoa (Wok Pris) 20:10; Matyu 5:27, 19:18; Mak 10:19; Luk 18:20; Rom 13:9; Yems 2:11
✡20:15 Lipu Hananiangam Oxatanoa (Wok Pris) 19:11; Matyu 19:18; Mak 10:19; Luk 18:20; Rom 13:9
✡20:16 Xapdi Muli (Kisim Bek) 23:1; Matyu 19:18; Mak 10:19; Luk 18:20
✡20:25 Hanaunaunga (Lo) 27:5-7; Yosua (Josua) 8:31