1 Kimuya mana, Toxoratamona xuanoa ma mana Ebram mibingia bila li,

2 Ne Ebram harua ba, “Soxautinga Toxoratamona, baraxinta bagula usina nanga bungina ngaxap gara te xaung gaxarea bagula xap axalaxala longgadi rangua nga li, bagula Elieser mana Damaskas, lipua mugamuga mana xalingigudi bagula xapdi?” 3 Baing Ebram harua ba,“Usina gara nanga te, ne haing oxatam xolanggamga wa numagia li bagula ngakinu rangua bu hayau gara lup matuau tela binabu xap axalaxala longga rangua nga.”

4 Baing Toxoratamona xuanoa ma rangua ba: “Lipua li bagula garam lup matuau te, ne gara tela gaxarea ung sibum mututungama xaung sibima bagula garam lup matuau bu xap axalaxala longga ungiadi.” 5 Xap Ebram masok sabasabia saing harua na ba, “Ubagu mahaing eta sabalunia saing utiti hatunggadi lo—nabu maxung sibuna ung sanga mana utitidi.” Baing Toxoratamona harua na ba, “Binabu ung bakbagimdi disok bila hatunggadi lo.”✡Rom 4:18; Hibru 11:12

6 Ebram hatum haringina mana Toxoratamona saing wa hawa mana baing uxu Ebram ba lipu maringina.✡Rom 4:3; Galesia 3:6; Yems 2:23

7 Bila balau harua na ba, “Nga Toxoratamona, ngaxapkung masok mana titia Ur mana longga Kaldia bu ngasina titia baguli (titia Kenan) bu oxop naung.”

8 Ne Ebram harua na ba, “Soxautinga Toxoratamona, baruta sanga ngaxabia ba nga bagula ngaxap titia baguli?”

9 Binabu Toxoratamona harua na ba, “Oxop bulmakau tutubing tela, meme tela xaung sipsip moning tela nianidingdi tuwa, baxaliku tela xaung mang tela tininganoa bing bila baxaliku.”

10 Ebram xap asaxadi bagudi li ma na Toxoratamona, tutudi saing ning sahadi hataing luwa saking riri hataidingdi xangxana mana tela, mangdi, ning, tutudi te, riridi xurungina. 11 Baing buntukdi diri ma mana asaxa hatainadi ba daxangdi, ne Ebram xudi mala.

12 Bungina xaidaba bo ba ri, Ebram kinu mari saing kinu hadali baing labiang mutungang sibuna ma kaukau saing maxuwa haringing sibuna. 13 Baing Toxoratamona harua ba, “Uxabia bila ba, mana nianidi 400 bakbagimdi bagula duwa numanuma mana titi tela dingia te, saing mana ala baguba, ding bagula duwa lipu oxatam olang saing dilibu doa manadi la ba. 14 Ne nga bagula ngasina salaga na titia daxapdi saing duwaxata olang, saing kimuya mana, ding bagula disok xaung xalaxala dingiadi. 15 Ung, ning, bagula ula rangua tibum ranggindi xaung gamogamu mosi saing dikimanggung mana xaidap xai tela mana uwa duanga sibuna. 16 Mana hayaxuinga matuau luwadi luwadi bakbagimdi bagula dima muli la li, mana Amor kuboluding dikaukau longga teguyu.”

17 Bungina xaidaba ri saing yambong, bori tela yaba xutu mua mana xaung nagung lulianam tela lu saing saxaxangia ma mana maxaxainga lia mana asaxa hatainadi ba.*Hibru kuboludinga waleu sibuna bila li. Nabu lipu luwa dibo ba dahau haruangua, bagula duxuxu sahadi hataing luwa. Sup, baing bagula tang dahaxa liwe mana asaxa hatainadi ba. Kubolua li babuna mana haruangua dahau ba, labu duxugiau tai. Hatanga ba nabu tela disu mana haruangua te, bing Urana sanga ba xuxu saha lipua ba hataing luwa bila asaxadi ba. Urana hau haruangua bila ba rangua Ebram, ne ing sibuna haxa liwe mana asaxa hatainadi ba. Hatanga ba maxung sibuna bagula libu haruanganoa. 18 Mana xaidapka baguba Toxoratamona hau haruangua rangua Ebram saing harua na ba, “Mana bakbagimdi†kimbo xuyama. nga bagula ngasina titia baguli nadi, mana titia Wadi mana Isip saing mala lang sabangga Yupretis✡Aposel 7:5— 19 titia mana Kin dingia, Kenas dingia, Katmon dingia, 20 Hit dingia, Peres dingia, Repaim dingia, 21 Amor dingia, Kenan dingia,, Girgas dingia xaung Yebus dingia.”