1 Aime na sawa nga himong gbolicne nganicepaiba. Aime himong nga sawa esecne faiboc, yeke miyac aiiboc. Aime kiwec ye hatacmac mi fadaicte.Yes 65:17; 2Pi 3:13 2 Na taon gbagbacne, yogo Yerusalem gbolicne nganibe Wapongtacni honocmengkacni wawec. Wame ngigacti ngaweineholec molewa babac ainogale efeckecaigac, ngani-nganiine yogo ingucne ngawe-bingecinele ailu leso babong ngani-nganiine madicnebenang ailu ngiyewec.Yes 52:1; 61:10; Hib 11:16; 12:22; Miye 3:12

3 Ngiyeme na yowa-malac monic ngictaule ngiye-ngiyewacni ngagebe yanguc miwec, “Ngagegaing, Wapongte kpoluc-faledi ngic-ngigac yengeholec game yenge yele aling aidaingte. Ailu Wapong yeuctihac yengeholec galu Wapongngineng gadaicte.Dep 26:11-12; Esek 37:27; Sek 2:10-11; 2Kor 6:16 4 Ailu yedi donge-misangineng sasawa dongenginangkocni suweyackedaicte. Aime homac nga kwele-sowacte hisonggong, ailu doic yenge hatacmac mi fadaingte. Wiyac esecne faibong, yogo biyac miyac aiyackeibong.”Yes 25:8; 35:10; 65:19; Miye 7:17

5 Aime Sugucne ngictaule ngiye-ngiyewa ngiyewec, yedi yanguc miwec, “Ngagegaing, na wiyac sasawa babe gbolicne fikeyackegac.” Inguc milu edocnuwec, “Ga yowa yogo kwelengkec. I yangucte, yowa yago noine, aime ngic-ngigac yenge yogo nalic ngagepangkegaing.”2Kor 5:17 6 Milu hatacmac yanguc edocnuwec, “Yogo biyac motogac. Na ‘A’ nga ‘Y’, yogo molic-molicine iwacni moto-motoine. Ngic-ngigac monicti misale aicnome, ye misa dongeinacni gagale misa moc nonale lacnodacte.Yes 49:10; 55:1; Yer 2:13; Yoa 7:37; Miye 1:8,17; 22:17 7 Monicti hudu welu gbelong aidaicte, ye wiyac sasawa yago mole-damoc bame, nani yele Wapong aibe yedi madecne aidaicte.2Sm 7:14; Mige 89:26-27 8 Aime ngic-ngigac hangocebacaigac, nga ngage-ngagesingngineng mikac. Ailu aibabangineng sowacne wonongkolec nga ngic-wewe. Ailu selo-boic ngic, nga hefec nga mosoc bacaigaing. Ailu siduc-gbong alang bacnocaigaing, nga kwesac ngic-ngigac. Ngic-ngigac sasawa ingucne yengebac dac nga salfadi lobelu kiwec ingucne ailu fagac, yogowa hauyackedaingte. Yogo homac alecine yaeckang aigac.”Mat 25:41; Hib 10:38-39; Miye 20:15; 22:15

9 Aime angelo 7 yenge pele 7 yogo doic 7 moto-motoinedi wakeyackeicne yogo balu domaibong, yengelacni monicti nala welelu yanguc miwec, “Ga welec. Aime nani Lama madecinele ngigac-bingecine edalicgudacte, ye yele ngigac.” 10 Inguc mime Asule tapiliwa bacnume tiki sugucne nga dalicne, yogolec feina felu Wapongtacni taon gbagbacne Yerusalem, honocmengkacni wame edalicnuwec.Esek 40:2 11 Taon yogo ye Wapongte tapili nga hibi-angockolec. Yogo posa basufaleicne fuline sugucnehac posa sasacne ingucne wonong mikac, ailu latac-latacineholec.Yes 58:8; 60:1-2,19 12 Ailu odaine posadi baicne, yogo sugucnedi dalicne bafeicne. Ailu nuine 12 domagaing, aime nuina angelo 12 domagaing. Ailu nuina Israel fikesaweckacni 12 yengele wacngineng inguchac kwelengkeicne domagaing.Esek 48:30-35 13 Aime wenac ofecaigacka haic nu habackang, notka haic nu habackang, nga sautka haic nu habackang, ailu wenac haucaigacka haic nu habackang domagaing. 14 Taon sugucnele oda yogo posa yogolec fungine 12. Aime fungine 12 iwa Lama madecinele salecebaicne 12 yengele wacngineng kwelengkeicne domagac.

15 Aime angelo naholec mingagec aiibec, yedi taontowa sugucne nga nuine ailu oda posadi baicne, yogolec maaine banogale kpetele maa monic yasu goldi baicne balu domawec.Esek 40:3; Miye 11:1 16 Badomame taontowa sugucne yogolec fungine 4. Ailu mecine sasawa yengele maangineng andohac aiibong. Aime angelodi maa babale yasudi maaine bame maaine yogo 12 taosen stadia*12 taosen stadia yogo Vanimohocni hikegacgu Honiara yogolecsoc, yogo 2 taosen 220 kilomita ngama ingucne. Stadia moniyang yogo mita 185 ingucne aigac. aiwec. Nga mecine ailu feinale dalicnele maaine yogo moniyang aiiboc. 17 Ye oda adecne yogolec bangkacnele maaine yogo bame 144 kubit aiwec.†144 kubit yogo 65 mita ngama ingucne. 12 taims 12 yogo 144 aigac. Maa yogo ngic-ngigac yengi bacaigaing, aime angelo yengele maa yogohac aigac. 18 Oda yogo posa sasacnedi baicne. Nga taontowa sugucne yogo golbenangti baicne, yogo galas ingucne latac-latacine aigac.Yes 54:11-12 19 Aime taon sugucnele oda fungina posa basufaleicnedi loyackeicne, posa yogo sasawa fuline sugucnehac, ingucnedi lesoine loicne. Fungine molic-molic iwa

22 Aime taon yogolec kwelina Ibu-mac monic mi nganiiba. I yangucte, Sugucne Wapong Tapilitowa Fileine nga Lama madecine yeki sugu Ibu-mac aigaic. 23 Aime Wapongte tapili nga hibi-angocti taontowa sugucne yogo bame angolegac, aime Lama madecinedi hifaine aigac. Ilec taontowa iwa wenac nga tamacne yekele angoc mi ngagesigaing.Yes 60:19-20; Miye 22:5 24-25 Aime kundung ye iwa mi fadaicte, ilec hadengsoc taon nuine nalic mi holedaingte. Aime himongne himongne ngic-ngigac yenge taonte angocka lec-welec aidaingte. Aime himongte ngictau yenge wiyacngineng wac feicneholec balu felu iwa ibu ingucne lodaingte.Yes 60:3,5,11 26 Lobong himongne himongne ngic-ngigac yenge wiyacngineng alang-babaineholec nga wac feicneholec balu yogolec kwelina fedaingte. 27 Ailu wiyac monic wonongkolec nga ngic-ngigac aibabangineng sowacnebenang memenguine, ailu kwesacnginengkolec, yenge taontowa yogolec kwelina nalic mi fedaingte, miyac. Ngic-ngigac wacngineng Lama madecinele Gagale hibiwa kwelengkeicne fagac, yengi sugu fedaingte.Yes 52:1; Esek 44:9; 1Kor 6:9-10